Hvað verður nú um Borgarlínuna?

Strætó neyðist til að draga úr þjónustu samkvæmt þessari frétt. Borgarlínuþráhyggjan gengur þó útá að útrýma einkabílnum og láta sem flesta nota almenningssamgöngur, hvað sem það kostar.

Ekki má gleyma því að leiðinlegur rauður fýlukall hefur verið að hrella "klapp-kerfis-notendur" strætó að undanförnu, oft eru tækninýjungar til baga en sízt til bóta.

Áætlanirnar um Borgarlínuna eru draumórar. Við erum ekki erlend stórborg, heldur eru hér séríslenzkar aðstæður eins og til dæmis Vigdís frá Miðflokknum hefur hamrað réttilega á.

Það er ekki hægt að spá fyrir um samgönguhegðun stórreykjavíkurborgarbúanna fjölmörgu í framtíðinni og heldur er ekki með góðu móti hægt að neyða þá til að velja bíllausan lífsstíl, þótt vinstrimenn vilji það margir.

Það sem réttast væri að gerðist er að Borgarlínan hljóti verðuga andspyrnu og gagnrýni og verði helzt aflögð, nema hægt sé að sýna fram á að hún borgi sig og verði notuð með haldbærum rökum.

Takið eftir upplýsingunum í fréttinni, eftirsóknin í strætó er svo lítil að þessi minnkaða ferðatíðni er talin spara stórfé, rúmar 200 milljónir.

Hvernig tekst Borgarlínufólkinu að tala sig frá þessum aðstæðum, að ekki er hægt að gera ráð fyrir að meirihlutinn muni nota strætó og Borgarlínuna?

Er þá kannski lýðræðið verra nú en það var fyrir 40 árum þegar feðraveldið var allsráðandi?

Strætó neyðist til að draga úr þjónustu

Athugasemdir

[Grímur Kjartansson, 2.4.2022 kl. 14:57]

Það verður undarlegur útreikningur að sýna fram á hagkvæmni brúarmannvirkisins frá Bragganum í Nauthólsvík yfir til Kópavogs þegar einungis örfáir strætóar fá að fara þar yfir