Brazilíska afbrigðið sagt geta smitað og sýkt oft, vísbending um sýklahernað?

Sá grunur hefur ekki verið kveðinn niður að Covid-19 farsóttin geti verið sýklahernaður af stærstu og stórvirkustu gerð frekar en náttúruleg hending og þróun. Það er orðið nokkuð ljóst að nauðsynlegt er að endurskoða styrjaldarhugtakið og hugtakið heimsstyrjöld. Er þetta þriðja heimsstyrjöldin? Mannfallið er slíkt af völdum þessarar farsóttar að menn hljóta að spyrja sig þannig spurninga, og þeir gera það erlendis, vel að merkja. Margir tala á þessa lund.

 

Það er alveg svart og hvítt hvernig austurlönd og vesturlönd hafa brugðizt við og komið útúr hörmungunum. Hér í okkar heimshluta er stjórnkerfið í Kína talið hálffasískt eða alfasískt, en Kínverjar og aðrir austurlandabúar hafa komið miklu betur út úr þessari farsótt en vesturlönd. Hvað segir það okkur?

 

Ég skil ekki hvernig Anders Tegnell er stætt í embætti í Svíþjóð, þar sem ekkert lát er á dauðsföllum, sýkingum og bylgjum. Ég skil ekki hvernig land sem talið var með einhver beztu sjúkrahús í heimi hefur farið svona útúr þessu. Jú, Stefán Löfven má líkja við Hitler og Stalín, og jafnaðarstefnan er orðin sek um mannfall álíka mikið og nazisminn og fasisminn hefur verið sakaður um, nema af ólíkum ástæðum.

 

Nú eru þær raddir þagnaðar sem töluðu um að Svíþjóð væri að ná hjarðónæmi í fyrra. Hin opna stefna Svía hefur ekki orðið til þess að aðrar bylgjur hafi ekki komið með hrikalegum afleiðingum.

 

Er það ekki orðið tímabært að orðið jafnaðarstefna fái á sig sama skammarbrag og orðið fasismi, nazismi eða rasismi?

 

Jafnaðarstefnan í Svíþjóð er helstefna, og það hefur svo sem verið vitað lengi, en það verður ljósara með hverjum deginum sem líður. Meðvirkni Svía er hins vegar alveg jafn mikil og meðvirkni Þjóðverja áður en stríðinu lauk, seinni heimsstyrjöldinni, það er að segja. Það útskýrir allt um það hvers vegna uppreisnir hafa ekki verið gerðar gegn svona stjórnmálamönnum sem hafa kostað svona mörg mannslíf.

 

Svo er það fleira sem vekur upp spurningar. Talað er um það að menn geti smitazt og veikzt margsinnis af brazilíska afbrigðinu. Bendir það ekki til þess að hér sé undarleg farsótt á ferðinni, og frekar búin til í tilraunastofu en að hún hafi komið úr leðurblökum eða öðrum kvikindum?

 

Mörgum spurningum er enn ósvarað í þessu máli, og einfaldar skýringar ekki endilega réttar. Við lifum á öld þar sem margt er mögulegt sem ekki var mögulegt áður.

Aldrei jafn margir látið lífið í einum mánuði