Útlendar fyrirmyndir stráka og brottfall þeirra úr skólum

Hvaða fyrirmyndir hafa ungir drengir núna, þessum sem gengur illa í skólum? Eru þessir strákar aðallega að hugsa um starf innan kerfisins sem nám í skólum býður uppá? Nei, sú tíð er liðin. Eitt af því sem strákar á þessum aldri hugsa mest um eru stelpur og að fá drátt.  Þeir vita að það er ekki hipp og kúl að lokast inní stofnunum að námi loknu. Rapparar eins og Kanye West hafa mikil áhrif. Hvítir karlmenn hafa allir breyzt í "kerlingar" að þeirra mati, býst ég við. Fyrirmyndarnir fást því úr glæpahverfunum í útlöndum að einhverju leyti, þar sem rótleysi og menntunarleysi eru ríkjandi þættir.

 

Fjölmenningin hefur þessi áhrif, að táningar sem eru að alast upp á okkar landi bera sig saman við útlendar fyrirmyndir ef þær íslenzku eru ekki nógu flottar eða spennandi að þeirra mati.

 

Raunveruleikastjarnan Kim Kardashian, sem lengi hefur verið konan hans, hefur líka mikil áhrif. Hjónaskilnaðir, hjónabönd og slúður um svona fólk er það sem margir líta á sem aðalfréttaefnið, sérstaklega af ungu kynslóðinni.

 

Stúlkur eru samvizkusamari í eðli sínu en strákar, en þessir tízkustraumar hafa líka áhrif á þær. Annað sem veldur brottfalli drengja úr námi er femínisminn, og margir eru sammála um það, strákarnir sjá nefnilega kvenkennarana síður sem hvatningu fyrir sig að halda á menntabrautina, og hið ofurkvenlega umhverfi allra menntastofnana landsins, stelpur í meirihluta sem nemendur og konur sem kennarar. Auðvitað hefur þetta áhrif.