Skírskotanir í mótmælamenningu

Covid-smitaður árásarmaður og Túnisbúi drepur þrjár manneskjur í Frakklandi aðeins tveimur dögum eftir komuna til landsins sem flóttamaður.

 

Þetta sýnir margvíslega misbresti. Að þetta skuli gerast í miðjum heimsfaraldri er alveg með ólíkindum. Það finnst mér líka alveg með ólíkindum að Black Lives Matter og Antifa skuli gera stórárásir sviðsettra samúðarleikþátta á þessum sömu tímum. Nafnið George Floyd hefur alveg sérstaka skírskotun í menningu vinstrisinnaðra Bandaríkjamanna. Woody Guthrie samdi lagið "Pretty Boy Floyd" fyrir 80 árum eða svo, og fjallaði um nokkurskonar Hróa Hött þess tíma, fangelsaður fyrir smáræði en gerði þó góðverk. George Jackson var svartur aktívisti drepinn í fangelsi í Bandaríkjunum árið 1971, en Bob Dylan söng um hann á því ári.

 

Sumir halda því fram að fleiri hvítir en svartir séu drepnir af lögreglunni í Bandaríkjunum og einhver opinber gögn virðast styðja það. Í þessum málum hefur magnazt upp trúarofstæki sem er nátengt stjórnmálaofstækinu.

 

Sennilegt er að fréttir séu sérvaldar af einhverjum háttsettum strengjabrúðumeistarum til að vekja tilfinningaviðbrögð. Fréttastofurnar risastóru sem dreifa áróðursfréttunum eru í eigu sömu aðila og borga fyrir hnignun Evrópu.

 

Nýju fréttirnar frá Evrópu um hryðjuverk öfgamúslima eru þó greinilega af öðrum toga, þar er kaldur veruleiki sem gengur þvert á fjölmenningarhugsjónina sem milljónamæringarnir græða á og vilja halda á lofti.

 

Þannig að það skiptir ekki máli hvort Trump eða Biden vinna. Það er komin af stað skriða andlegrar vakningar hjá fólki um að sjá í gegnum óboðlegan fréttaflutning og áróður.

Árásarmaðurinn Covid-smitaður