Refsing guðs sem kallar á ný eða gömul gildi

Hvort afleiðingar þessarar þriðju bylgju verða hörmulegar er óvíst, en mörgum finnst mannkynið syndugra en nokkrusinni fyrr. Femínismi er upphafning á egói kvenna og jafnaðarstefna er upphafning á góðmennsku manna sem sjálfir vilja gera jörðina að paradís, telja æðri goðmögn ófær um það, ef verk þeirra mega tala. 

Margar samsæriskenningar gætu útskýrt kórónuveiruna. Eru geimverur að leggja undir sig jörðina og eru helztu leiðtogar Evrópusambandsins geimverur í mannsholdi? Er ekki femínisminn allur til sönnunar um það hvernig geimverur veikja mótstöðuafl manna áður en að innrás kemur með því að etja saman konum og körlum, búa til hatur á milli kynjanna?

Helstefnan er augljós, og þrátt fyrir alla bjartsýni sem byggist á því að mannúð hafi aukizt og almenn lífsgæði er hnignun náttúrunnar ekki eina dæmið um að stefnubreytingar er þörf. 

Kórónuveiran er að hluta til afleiðing af Metoobylgjunni, og færa má fyrir því rök. Líforka mannkynsins hefur minnkað mikið með auknu hatri á milli kynjanna, og þegar mótstöðuafl fjöldans minnkar er auðveldara fyrir helstefnumannkynin að hrinda svona árásum til framkvæmda eins og kóvíðfaraldrinum. 

Það er að vísu rétt að dauðsföll hafa ekki alltaf haldizt í hendur við fjölgun smita, en allt er þetta óljóst enn, veiran getur stökkbreyttzt til hins verra, og við erum í miðjum storminum og mikil þörf á að komast að réttri niðurstöðu.

Það er kærleikurinn sem er lausnin á þessu, því ástin eflir líforkuna, og líforkan er það afl sem eflir ónæmiskerfið hjá fólki. Við eigum að reyna að fyrirgefa ófullkomleika annarra og okkar eigin ófullkomleika, en ekki gera viljandi rangt, syndga eða annað. Þannig hygg ég að kjarninn í kristninni sé og sennilega flestum trúarbrögðum.

 

19 ný innanlandssmit: mesti fjöldi frá 9. apríl

Athugasemdir

[Þorsteinn Siglaugsson, 17.9.2020 kl. 17:26]

Já, þetta er vafalaust allt kvenfólkinu að kenna, eins og fleira 

[Ingólfur Sigurðsson, 22.9.2020 kl. 03:35]

Þú hefur ekki lesið greinina nógu vel, Þorsteinn. Það er ekki það sama að gagnrýna femínismann og að hata konur. Þú ert nú einn af þeim sem ert með tröllskap í athugasemdum, en gott og vel með það. Sá sem segir að öll gagnrýni á femínismann sé kvenhatur er á sama stað og kommúnistinn sem segir að allir séu óvinir kommúnismans sem gagnrýna hann, eða nazistinn sem þolir ekki pólitíska andstæðinga og gerir það sama. Þess vegna meðal annars er femínisminn oft flokkaður sem öfgahyggja, því fylgjendur hans þola oft ekki gagnrýni.

Ég er nú af þeirri kynslóð sem ólst upp við X-files þættina í sjónvarpinu, eða Ráðgátur, og geri ráð fyrir því að geimurinn sé morandi af lífi. Þegar ég tengi femínismann við geimverur og árásir geimvera er það ekki af neinni tilviljun heldur er það samsæriskenning sem ég tel líklega.

Árið 1997 var ég í Félagi áhugamanna um fljúgandi furðuhluti,(FÁF) sem Magnús Skarphéðinsson músavinur, náttúruverndarsinni, álfafræðingur og dulhyggjumaður stofnaði. Ég vildi kaupa af honum fjölritað eintak af nýþýddri bók, Dagurinn eftir Roswell, en hann benti mér á að kaupa hana í Betra lífi í Kringlunni sem ég gerði.

Í þessari bók sem er stórmerkileg kemur margt merkilegt fram. Hún er eftir bandarískan hermann, Philip J. Corso, sem ákvað að gefa hana út og aflétta leynd af atburðum sem gerðust 50 árum fyrr, hrapið fræga 1947 í Roswell, á geimskipi, en sá atburður er frægur og umtalaður. Hann var var sjónarvottur að þessu sem hermaður þarna.

Í stuttu máli sagt kemur fram í þessari bók að öll nútímatæknin, örtölvutæknin og snjalltækjatæknin sé komin frá geimverum, eða að herinn hafi náð þessum framförum með rannsóknum á þeirri tækni sem tilheyrði þessu geimfari og geimverunum í því. Þetta var metsölubók í Bandaríkjunum á sínum tíma.

Auk þess var mjög merkilegt að lesa um það í þessari bók hvernig líffræði þessara geimvera var. Þær voru samkvæmt lýsingunum að hálfu lífrænar og að hálfu vélrænar. Tæknin í geimskipinu var samtengd líffærum þeirra á einhvern hátt. Nu menn geta vísað þessu öllu á bug sem bulli og samsæriskenningum, en þetta passar óþægilega vel við þróun tækninnar og heimsmálanna sérstaklega eftir 1997.

Ef ég væri kvenhatari segði ég að allt slæmt væri konum að kenna. Ég gerði það ekki í þessari grein. Ég benti á að það er ekki hollt eða gott fyrir fólk að tortryggja hitt kynið, og að það geti leitt til haturs á hinu kyninu.

Svo ég segi það aftur, og taktu nú eftir, mér finnst það líklegra að Metoohreyfingin hafi verið skipulögð af óvinum mannkynsins, kannski geimverum, um það veit ég ekkert með vissu, en það er kenning sem vel þarf að skoða. 

Eða svo er önnur skýring möguleg, að þetta sé eigingjarnt eðli mannsins, og þá kvenfólksins. Þú þarft ekki að saka mig um kvenhatur þótt ég túlki Biblíuna og önnur trúarrit þannig að þau vari við eigingirni og sjálfsdýrkun, húmanisma, mannhyggju. Það er helzt á þessum allra síðustu tímum sem sú túlkun hefur sætt gagnrýni, og þá auðvitað af femínistum og þeirra pótentátum. Femínistar eru bæði karlar og konur, svo það er ekki kvenhatur að vera á móti femínismanum sem slíkum.