Lúkas spámaður og hundurinn hans, ljóð frá 22. júlí 2008.

Mörgum málum er grautað saman í gríni í þessum óútgefna söngtexta, eða kvæði eftir mig. Sumir skilja ekki orðaleikinn sem finnst í þessum gamla söngtexta. Hann fjallar um málefni líðandi stundar þá, 2008. Ég verð að rifja upp mál sem tröllriðu samfélaginu þá, sumarið 2008, nánar til tekið hvernig mótmælendur til vinstri vildu að flóttamaðurinn Paul Ramses fengi hér dvalarleyfi, sem fékkst 2010 í tíð Jóhönnustjórnarinnar, að sjálfsögðu. Páll á Hæli og Ramses annar er auðvitað orðaleikur. Hundurinn Lúkas kemur einnig við sögu í textanum, ljóðinu. Lúkasarmálið er frá sumrinu 2007, og móðursýkin var búin að sigra hluta þjóðarinnar á þessum tíma, og ég samdi marga texta um þetta. Ég gaf út tvo hljómdiska sem ég tók upp 2008, "Það og það", sem kom út 2009, tekinn upp haustið 2008 um hrunið og kreppuna sem byrjaði þá, og "Ein hjúskaparlög fyrir alla", tekinn upp frá janúar til júlí 2008, gefinn út 2010, um enn eitt málið sem tröllreið fjölmiðlum 2008 til 2009, baráttumál vinstrimanna um að samkynhneigðir fengju að ganga í hjónaband, sem einnig gekk í gegn á tíma Jóhönnustjórnarinnar, enda er hún þannig, samkynhneigð.

Þannig að ég var að fjalla um mál sem var þrýst mjög á og voru við það að ganga í gegn vegna mótmæla í samfélaginu vinstramegin. Ég er talsverður íhaldsmaður, en á mínar frjálslyndu hliðar og skoðanir einnig, og það varð mér að yrkisefni, að reyna að sameina þessar ólíku hliðar sem ég á í mér, og einnig sjónarmið ólíkra einstaklinga í samfélaginu.

 

Þetta er afgangslag. Ekki á þessum plötum, flottur og fyndinn texti samt, eða ljóð kannski enn frekar. Spéspegill á samtímann.

 

Þetta var of viðkvæmt til að gefa út á þeim tíma. Fólk til vinstri æsti sig of mikið út af þessu, einnig fólk til hægri sem var ekki sammála. Ekki lengur viðkvæmt. Bara skemmtilegt.

 

Lúkas spámaður liggur á feldi,

líkast til grenjandi,

alþýðan, ungpíkur hér þótt væli...

allt svo fara með nýju veldi,

ræningjar, ribbungar kenjandi,

Ramses annar og Páll á Hæli,

vilja þannig enda í heimsins eldi.

 

Lúkas, hundurinn, heilagur núna...

heyri ég vælið þar...

hneykslunin, reiðin og ránið kvenna,

rýrar horast þær, missa trúna...

Egyptzki höfðinginn, hælið þar...

heimur vill nú aðeins brenna...

Indland, trúðu á konu og jafnvel kúna!

 

Lúkas, faraó, flóttinn er hafinn...

furðast ég skrílslæti...

stofnanir heykjast á stefnu sinni,

stór en óþarfur birtist vafinn...

skilningslaus, dýrka ég skrílsblæti?

Skeður margt gott vakt á þinni?

Horfinn virðist heimi úr alveg safinn!

 

Ljóðum enda svo, lífþrota kjarkur,

leyfist að andmæla?

Skil ekki reiðina, fatta ei fretið,

finnst að ráðfrúin sé helzt þjarkur.

Ungmennin aumlega grandvæla...

eflaust nýja og góða metið.

Þjóðin ekki skánar, bara skarkur.

 

Nýyrði: Skrílsblæti: Óþörf ást á skrílnum.

Grandvæla: Mótmæla sér til skaða.

Skarkur: Skarkali, múgæsingur.

Vestræn samfélög hafa brotið boðorð trúarbragðanna. Þetta er afleiðingin. Femínistakirkjan ætti að vera fortíð.

Japanir eru mjög snjallir. Reyndar hafði ég skrifað um þetta fyrir 20 árum, fyrir síðustu kreppu, sem byrjaði 2008, ég túlkaði þetta þannig að fólksfækkun af völdum femínisma væri hættulegri en stríð fortíðarinnar.

Japanir eru farnir að fatta, samkvæmt þessari frétt.

Já, hefðirnar eru heilagar, og siðvenjurnar, sem femínistar berjast gegn. Hin óskráðu lög sem þær kalla mannréttindabrot, það eru fyrirbærin sem héldu mannkyninu lifandi, jafnvel enn frekar en trúarbrögðin.

Maður þarf aðeins að skoða tölfræðina til að komast að þessu.

En það merkilega er að ekkert dugar til að hjálpa þjóðum sem eru á þessari öldrunarbraut. Jafnvel ekki heimskreppur eða stríð. Þannig fjölgaði fólki ekki eftir Covid víðast hvar, heldur fækkaði meira.

Þegar hin andlega veira, sem heitir mannúð, femínismi, kvenréttindi og móðursýki hefur yfirtekið þjóðirnar, þá er fátt sem bjargar.

Að endurreisa dyggðir og það sem nú er hatað og fyrirlitið, reglur, feðraveldi, það er meira en að segja það.

Eins og Japanir gera sér grein fyrir er þetta þesskonar útrýming að hún getur steypzt yfir allt mannkynið ef svo fer fram sem horfir.

En eitt er eftirtektarvert.

Á Gaza er mikil frjósemi, í Úkraínu einnig og í Rússlandi, og í Afríku og víðar.

Sem sé, það er kannski hægt að breyta þessu, snúa þróuninni við. Offjölgun er ekki eftirsóknarverð.

„Hættulegt ástand“ í Japan

Snjór og langvarandi lægðir að sumri vegna breytinga af mannavöldum á veðurfari? Öfgar fylgja hamfarahlýnun, segja fræðingar, svo já, þetta getur verið vegna mengunar

Spurningin er hvort þetta óvanalega veður sé vegna breytinga af mannavöldum á veðrinu. Það er ekki hægt að segja að það sé útilokað. Um leið og höfin hlýna úr hófi fram og gróðurhúsaáhrifin raska eðlilegu jafnvægi koma kælandi kerfi eins og lægðir á óvenjulegum tímum. Eitt einkenni hamfarahlýnunar og manngerðs veðurfars er ÖFGAR í veðurfari. Hvað eru þetta annað en ÖFGAR í veðurfari?

Varað við sterkum hviðum og sandfoki

You Bring Here Mirth, ljóð frá 15. janúar 1995.

How I need you here on earth!

Heavenly is what I feel you are.

Shy, don't shun me,

show the love, 'cause it's not far...

In this life the rivers try to run me,

roles are turning, hair is going, perfect not for you...?

Don't know what to do,

dude, though still I know you bring here mirth.

 

Mother warns me, strange, don't stare,

still those eyes of her you shouldn't need.

Best for boy now,

be like slant or something, greed!

Get off, let her be and care not, coy now!

Kicks are better elsewhere, don't you love her, forget this...

Cool down, never kiss,

corns are better not there, anywhere...

 

Still I love her, like her now!

Lust, oh beauty, Ella, she's the one!

She is shining,

showing everyone, it's done!

Loving her I like, an act of dining!

Laid back wanna feel, while perfectionist, suffer that.

Sexy, somehow fat!

so you're right now perfect, blonde haired cow.

 

Am I good for eyes like that?

Every girl so thin and skinny, yes...

More is mighty,

much for girls and not then less...

Ella, but I'm not so neat or tidy,

now they say that opposites are good for such a pair,

more where moor is fair,

like me and you, and if you call me Bhatt.

 

You or her, now, one, I wish...

well you're just my goddess, shy I feel!

Still I'm striving,

strolling close, is this for real?

Full of power, me, the thrill is thriving,

throttle such a lust, 'cause sense must not be ever gone!

Sober, why you won?

Way ahead and stay there! make no bish!

Af ávöxtunum skulið þér þekkja góða/vonda fólkið.

Svíþjóð var talið eitt almesta friðarríkið á jörðinni fyrir nokkrum áratugum. Inní sænsku velferðarparadísina leituðu flóttamenn og fólk frá flestum heimshornum og landamæri voru eins opin og hægt var. Nú eru sænskir jafnaðarmenn klofnir í afstöðu sinni til margra mála og í Danmörku og víðar.

Það var alltaf heimskulegt af pólitískum andstæðingum að kalla íhaldsmenn rasista. Það ætti ekkert að vera gagnrýnivert við það. Það ætti ekki að gera fólk að ofbeldisfólki þótt það aðhyllist flokkunarhyggju og aðgreiningarstefnu í sambandi við mannkynið. Sú ásökun byggist á fordómum, vegna þess að öfgar náðu hámarki í fortíðinni hljóti þeir öfgar að koma upp aftur og valda mestri hættu. Þannig er þetta ekki í nútímanum.

Maður tekur vel eftir því að sjaldan er tekið fram þjóðerni ofbeldismanna lengur eða uppruni þeirra. Sérfræðingar fjölmenningarinnar ráða því sem hafa (ó)vit fyrir blaðafólki. Soros og slíkt lið.

Málið er að innfæddur skríll er orðinn spilltur einnig. Búið er að eitra hið sænska þjóðfélag og leggja í rúst, kannski til frambúðar, miklar líkur á því.

Víti til varnaðar.

Góða fólkið skapaði Helvíti til varnaðar. Þessvegna er það ekki gott lengur, eða öllu heldur, það var aldrei gott, þóttist bara vera það.

Tveir skotnir til bana í Svíþjóð í nótt

Sigur Höllu Tómasdóttur er einnig sigur Ástþórs Magnússonar, því hún hefur afgerandi tekið undir hans áherzlur að vilja ekki senda vopn til Úkraínu

Ég kaus Ástþór Magnússon í gær, en var samt mjög nálægt því að kjósa "taktískt" (stjórnkænskulega) Höllu Tómasdóttur, því hún talaði um að vilja ekki senda vopn til Úkraínu eins og Ástþór.

Mér er illa við orðið taktískt, allt sem endar á -ískt er byggt á erlendum grunni og ætti ekki að nota vilji maður fylgja málverndarstefnu og málhreinsunarátaki. Að kjósa taktískt er að kjósa stjórnkænskulega eða herkænskulega, eða brögðótt, fara krókaleið að settu marki, til að koma höggi á andstæðinginn.

Ekki er mér það fullkomlega ljóst hvað Halla Tómasdóttir ætti að hafa fram yfir aðra frambjóðendur, en úr því að ég var næstum því búinn að kjósa hana til að mótmæla verkum ríkisstjórnarinnar og hernaðarbröltinu þar er það alveg pottþétt að hún var kosin til að lýsa andúð á óvinsælli ríkisstjórn sem nú situr við völd.

Ég býst við að stjórnmálaskýrendur muni pæla lengi í þessum niðurstöðum (þótt enn sé mögulegt að Katrín vinni, ekki kannski mjög miklir samt). Þetta hefur marga fleti.

Það er mjög athyglivert að NATÓaðild Íslands og stríðsreksturinn í Úkraínu með stuðningi þessarar ríkisstjórnar hefur fengið kjaftshögg með þessari kosningu Höllu Tómasdóttir, því fáir frambjóðendur þorðu að skera úr um þetta með eins afgerandi hætti og hún, þótt ekki hafi hún gengið lengra en svo að gagnrýna vopnakaupin á vegum Kötu og félaga.

En ég er að vitna í túlkun sjálfs Björns Bjarnasonar, eins og hún birtist í pistli hans í gær:"Hættulegur boðskapur Höllu T". Ekki virðist þjóðin sammála áherzlum hans, ef valið á milli NATÓ Kötu og sveigjanlegu Höllu réðst vegna þessara orða hennar og gagnrýni á ríkisstjórnina og vopnakaupin.

Björn Bjarnason skrifaði um brot Pútíns á alþjóðalögum með innrásinni.

Þó eru margir á því að NATÓ hafi lymskazt til að stækka áhrifasvæði sitt og jafnvel gengið á bak samninga, tæplega þó brotið alþjóðalög, og færzt nær Rússum, og hafa fróðir menn talið það upp í smáatriðum hvernig Rússum hefur verið ögrað af NATÓ, og verður því ekki á móti mælt, heldur ekki því að Úkraína er leppríki Vesturlandanna, sem hlýtur að vera mjög stór þyrnir í augum Rússa.

Einnig er augljóst að NATÓ Kata og hennar fóstureyðingaríkisstjórn hlýtur ekki þau eftirmæli frá þjóðinni að verk þeirra hafi verið fullkomin eða laus undan allri gagnrýni, eins og þau vilja halda sjálf.

Þetta gæti jafnvel verið forspilið að því að stjórnarsamstarfi flokkanna ljúki fyrr en ætlað var. Ekki gott að segja þó um það, þrjózkan er þar mikil og seiglan.

En þessi sigur, sem virðist blasa við, hann er jú greinilega merki um kynslóðaskipti í stjórnmálum. Það hefur komið fram og er alveg skýrt að eldri kynslóðin kaus Katrínu, elíta landsins, gamlir Sjálfstæðismenn og sumir kommúnistar og eldri vinstrimenn eða jafnaðarmenn, og Halla Tómasdóttir snýst um andóf gegn skautun, kynslóðabili og hörkustríðsrekstri, meðal annars.

Kannski er Halla Tómasdóttir núna það tákn fyrir sameiningu, frið, kvenlega mýkt og andóf gegn skautun, sem Katrín Jakobsdóttir taldist vera fyrir 8 árum, en telst ekki lengur vera.

Kaus Höllu með taktík í huga

Þeir sekustu reyna að fela sekt sína með því að benda á andstæðingana og þeirra sekt, sem kann að vera smáræði miðað við þeirra sem ákæra. Yfirvöldin sekust eins og Trump segir?

Dómurinn gegn Trump er pólitískur á allan hátt. Jafnvel þótt ég hafi verið sannfærður um sekt hans í allavega flestum liðum taldi ég það alveg fara eftir hvort kviðdómur og dómarar væru hlynntir Demókrötum eða Repúblikönum hvernig niðurstaðan yrði. Þannig eru dómsmál einfaldlega nú til dags, og með fleiri dómsstigum á Íslandi líka, í samræmi við Bandaríkin.

Það vita það allir að lögfræði er hápólitísk. Sekt og sakleysi eru afstæð hugtök. Með Metoo og öðrum nútímamálefnum er það orðið saknæmt sem var ekki áður saknæmt. Áður voru skörp skil á milli nauðgana og viðreynslu, en þannig er þetta ekki lengur, það er orðið matsatriði og túlkunaratriði. Þar af leiðandi, lögfræðin er orðin miklu loðnari en áður, og þar af leiðandi ótrúverðugri, ekki eru lengur skarpar línur sem allir geta sammælzt um, vafaatriðin fleiri.

Það sama má segja um tjáningarfrelsið, ærumeiðingar og réttindi minnihlutahópa til að kúga annarsvegar meirihlutann og svo til að verja sig hins vegar. Línur eru farnar að verða óskýrar.

Strangt til tekið má það vel vera að klámmyndaleikkonunni hafi verið greitt með saknæmum hætti, og það allt falið.

Ég hef verið að horfa á Dallas seríuna bandarísku. J.R. Ewing minnir kannski á Donald Trump að einhverju leyti. Málið er það að þetta hefur svo lengi viðgengizt í Bandaríkjunum og annarsstaðar, að þeir sem eru ríkir komast upp með annað og meira en fátæklingarnir. En af því að Trump fer á móti Elítunni, sem hefur framið glæpi gegn mannkyninu, en kemst upp með það, því hún á 99% af öllum peningum mannkynsins, stolnum að sjálfsögðu, þá lendir Trump í fallöxinni. Hann gæti samt orðið forseti, því fólk er hætt að vera svo mikil fífl að fatta ekki að eitthvað er gruggugt við þetta allt. Áður hafa forsetar og aðrir sennilega verið á gráu svæði, en nú skal grafa upp hvert smáatriði til að koma höggi á Trump, því hann mun hreinsa til og þá mega margir pólitískir andstæðingar hans fara að gæta að sér.

Við erum komin á þann stað í sögunni að upp úr getur soðið með borgarastyrjöld í Bandaríkjunum, hvort sem Joe Biden verður endurkjörinn, eða þá Donald Trump.

Trump fundinn sekur í öllum ákæruliðum

Verður kvótakerfið aflagt? ljóð frá 28. apríl 2009.

Nú er Frjálslyndi flokkurinn

aðeins svipur hjá sjón.

Úrslit Andskotans

enn einusinni.

 

Hvað ætla þau að gera?

Klessa saman vinstristjórn?

Já við höfum fengið nóg af spillingu,

en getur ekki villta vinstrið orðið þannig aftur?

Á að þjóta inní Evrópusambandið

og láta Vinstri græna hlýða og gleypa allt hrátt?

 

Úrslit Andskotans,

það eina sem kemur uppúr kjörkössunum,

hér á Vesturlöndum,

þar sem Satan er tignaður einn, og Eva syndarinnar.

 

Sumir kætast

og græða gommu

á því að sitja á þingi.

Já gott er að verða ríkur

með því að ljúga að þjóðinni,

lofa öllu fögru,

en gera eitthvað allt annað.

 

Á nú að laga fiskveiðikerfið loksins?

Á að afleggja spillt kvótakerfi?

Ef þessir vinstriflokkarnir svíkjast um það

eru þeir varla skárri en auðvaldið.

 

Sjáum til hvort hetjuverkin verði mörg

á næstu mánuðum og árum.

 

Ein syngjandi Evrópufjölskylda,

allir í ESB paradísina...

ef Vinstri grænir bremsa það ekki af...

 

 

 

 

Katrín verður sennilega næsti forseti (forsæta?)

Upphaflega ætlaði ég bara að blogga um þetta í dag. Ég spái því að Katrín verði næsti forseti, en er ekki samt alveg viss. Mér sýnist þetta ætla að verða tvísýnt. Höllurnar tvær koma til greina, Gnarrinn og Baldur einnig, jafnvel Arnar Þór, hann rís hratt og hægrimenn eiga mikið inni í kosningum eins og sézt hefur áður, þegar Sjálfstæðisflokkurinn fær meira fylgi í kosningum en könnunum.

En þjóðin er dáleitt af Katrínu, eftir ræður hennar á gamlársdag. Við viljum svona þægilega rödd sem dáleiðir okkur. Hún fær því djobbið sennilega, við erum vön því að hafa hana á skjánum alla daga.

Katrín efst í nýrri könnun

Svíþjóðardemókratar spillast og rotna, verða samdauna kratismanum steindauða, til að komast næst í stjórn

Þessi pistill fjallar um frétt í seinni fréttum RÚV 30.5.2024. Þórdís Kolbrún, Stoltenberg og stigmögnunin í Úkraínustríðinu var í fyrri fréttum.

Þetta er tengt mál. Maður var rekinn úr upplýsingadeild Svíþjóðardemókrata fyrir að hafa stutt Rússa (dreifði áróðri hliðhollum hernaði Rússa). Svíþjóðardemókratar verja minnihlutastjórnina sem nú situr við völd falli eins og menn vita.

Því miður er jafnaðarfasisminn við völd í Evrópu. Það er algjörlega hörmulegt. Þessi frétt hlýtur að leiða mann að þeirri niðurstöðu, þegar fólk má ekki hafa sínar skoðanir eða tjá þær.

Þær fréttir sem Gústaf Skúlason hefur sagt á Útvarpi Sögu gafa upplýst um þetta, að fasismi sé ríkjandi í Svíþjóð, og opinber stefna sé að útrýma norrænum Svíum, senda þá í bælingu kúgunar.

Auðvelt er að draga þá rökréttu ályktun af þessari frétt að Svíþjóðardemókratar séu með þessu að gera sig samdauna úldnandi hræi jafnaðarmennskunnar og kratismans sem er að drepa heimsbyggðina, en Evrópu fyrst.

Þannig hyggjast þeir komast til valda, sem þeim mun takast ef þeir halda áfram á þessari braut. Þannig verður hægt að jarðsyngja Svía endanlega og horfa uppá uppgang og sigur islams þar í landi í eitt skipti fyrir öll, því fólkið fær ekki að ráða, aðeins Elítan.