Já frelsi og friður fást aðeins með því að hjálpa Úkraínu. Þannig tryggjum við stigmögnun sem kemur í veg fyrir stríð og stríðsátök, eða hvað? (Eða bara, mikil gleði að Helgi Seljan komi aftur á RÚV)?

Kínverski prófessorinn Wang Wen spáir endalokum Vesturlanda og jaðarsetningu Evrópu. DV er með þessar fréttir. Kína styður að vísu Rússa svo það dregur úr trúverðugleika prófessorsins.

En DV er líka með aðra frétt alveg í sama dúr en úr allt annarri átt, frá frægum, kvenkyns sjáenda látnum, (blindum) og miðli:"Óhugnanlegur spádómur Baba Vanga um Pútín og Evrópu á þessu ári".

Spákona þessi er af sumum talin Nostradamus 20. aldarinnar, hún dó 85 ára árið 1996, hún var búlgörsk, en talin hafa spáð fyrir um loftslagsvanda, hryðjuverkaárásina 2001 á Bandaríkin, dauða Díönu prinsessu og fleira.

Spáir hún því að Pútín verði leiðtogi heimsins, að Evrópa verði auðn eftir þriðju heimsstyrjöldina sem muni hefjast í vor, í austurhluta jarðarinnar, og Rússar muni ekki aðeins lifa af styrjöldina heldur ráða heiminum eftir hana.

Lesendur DV bregðast ekki og gera stólpagrín að hinni látnu spákonu og taka fæstir mark á henni.

En langmesti spámaðurinn af þessum er þó Þórdís Kolbrún Reykfjörð Gylfadóttir, samkvæmt RÚV, þótt ung sé að árum og hvorki þjóðhagfræðiprófessor eins og Wang Wen né  spákona eins og Baba Vanga. Ég hef tekið eftir því að þótt Þórdís Kolbrún hafi ekki í Silfrinu sagt að stríð byrji í Evrópu hefur hún sagt að Ísland eigi að vera viðbúið að slíkt gerist. Ég hef velt því fyrir mér hvort hún hafi innanbúðarupplýsingar frá NATÓ um það, hvort þar sé leyniáætlun að byrja slíkt stríð, sérstaklega í ljósi hræðslunnar í Svíþjóð, eins og eitthvað hafi lekið um þetta.

Gunnar Rögnvaldsson bloggari var búinn að tjá sig um það strax í upphafi innrásar Rússa í Úkraínu 2022, (sem að minnsta kosti einn efast um að rétt sé að kalla innrás, sem kom með áhugaverða athugasemd hjá mér nýlega, Einar Guðmundsson heitir hann), að hættan á því að Vesturlönd beiti kjarnorkuvopnum eða öðrum gereyðingarvopnum sé heldur meiri en að Rússar geri það.

En það að ESB og NATÓ vilji þriðju heimsstyrjöldina, Harmageddon, Ragnarök og allan pakkann er þó ekki næstum því eins mikið fagnaðarefni og að fá hinn "hlutlausa" og "prúða" fréttamann Helga Seljan aftur á RÚV.

Þegar hann kom í Vikulokin hjá Gísla Marteini og sagði frá því að hann væri að hjálpa fátæku fólki með því að vinna fyrir Rauða krossinn, þá varð mér hlýtt til hans og sá hvílíkt góðmenni hann er - þegar hann er ekki í hatursherferð gegn hægrimönnum eins og finnast í Samherja, það er að segja.

RÚV er það sem kallast forfallinn alkahólisti í hatur gegn stórum hluta þjóðarinnar.

Því miður er ekki hægt að segja upp áskrift að ruslstöðinni RÚV. Hún hellir yfir mann hatri á íslenzkri þjóð og íslenzkri menningu, sjálfstæði og slíku.

Það er ekki skrýtið að Íslendingar séu heilaþvegnir af hatursáróðri gegn Rússum og öðru ósprautuðu fólki, þegar næstum allir okkar fjölmiðlar eru eins og nákvæm eftirlíking af göbbelskum áróðri, með öfug formerki, að hata norrænt fólk en vilja gera fyrrum þriðja heiminn sem ríkastan. Aðferðirnar eru þær sömu en markmiðið annað.

Íslendingar eru hluti af Evrópu. Það þýðir að við munum þurrkast út eins og önnur Evrópuríki, af alþekktri vizku okkar að standa með mannréttindum.

En svona í fullri alvöru:

Er hægt að taka spákonuna alvarlega, þessa búlgörsku eða hana Þórdísi Kolbrúnu?

Ja, miðað við að snaróðir stríðsæsingahundar og tíkur stjórna Evrópu þá er fátt útilokað.

Já, og ef Bandaríkin og Rússland ganga í eina sæng þá er það merkilegt. Frakkland er kjarnorkuríki, en að beita kjarnorkuvopnum er bara hrein heimska, það er GAGA eins og Ómar Ragnarsson hefur fjallað um vel á sinni bloggsíðu. Það sigrar enginn slík stríð. Kjarnorkuvopn eru notuð sem hótun og fælingarmáttur.

Þannig að Frakkland er ekki að fara vinna Rússland, Kína, Indland eða Bandaríkin í kjarnorkustríði með sín kjarnorkuvopn. Flest þessi ríki eru í BRICS, en það er Evrópa ekki.

Hefbundin vopn á Evrópa heldur ekki áhrifarík, eða heri sem mikið eru færir um.

Þannig að ógnþrunginn spádómur Baba Vanga er vissulega meira en bull sem ekki getur ræzt. Þótt sú kona hafi látizt fyrir nokkrum áratugum hljóma orð hennar enn sem viðvörun um það sem gæti gerzt ef fólk lætur heimskuna og stríðsæsinginn stjórna sér.

Ég hef leyft athugasemdir við það sem ég skrifa og ég reyni að taka mark á fólki sem er mér sammála eða ósammála.

Þannig að ég hef skipt um skoðun á Pútín að nokkru leyti.

Ég er farinn að viðurkenna það núna að margt er líkt með honum og Hitler og þessari innrás í Úkraínu og upphafi seinni heimsstyrjaldarinnar.

Það ætti að gleðja Ómar Geirsson, sem hefur haldið þessu fram lengi.

En ég er samt ósammála honum um margt ennþá.

Hann skrifaði um það í athugasemd að afstaða Kvekara sé ávísun á heim ofbeldis og kúgunar.

Þarna er ég ekki sammála.

"Kristið fólk lærir af sögunni" skrifaði hann í sömu athugasemd á síðu Arnars Þórs, sem er nú orðinn einn víðlesnasti bloggarinn og auk þess einn sá albezti.

Bíðum nú við.

KENNDI EKKI JESÚS KRISTUR AÐ BJÓÐA HINA KINNINA OG FYRIRGEFA?

 

Þetta með að standa ístaðið, það er kannski ekki svo augljóst hvernig það er gert.

Einnig vil ég minna á að Gandhi, sá elskaði og dýrkaði maður og einn mesti spekingur allra tíma, hann vann að FRIÐI með friðsamlegum aðferðum, föstum og hungurverkföllum, til dæmis!!!

Gandhi stuðlaði að sjálfstæði og friði með hungurverkföllum og friðsamlegum aðgerðum einungis!!!

Hann lagði sjálfspínslir á sjálfan sig í þágu annarra!!! Nokkurskonar dýrðlingur!!!

 

Ég hef sagt það áður og skrifað: Það verður ekki heimsendir þótt Rússar undir núverandi stjórn hrifsi til sín fyrrum landsvæði sín.

Það verður hinsvegar kannski heimsendir ef reynt er að stöðva hann með eilífum stríðsrekstri sem stigmagnast, kannski með hjálp annarra þjóða.

En svo er annað.

Ef hann reynir að voga sér of langt, til dæmis með því að ráðast á Svíþjóð, þá tel ég að jafnvel Kína og önnur BRICS ríki verði ekki endilega hrifin af því.

Þannig að, jafnvel þótt hann vilji meira en Úkraínu, er ég MJÖG efins um mikið meira komist hann upp með.

Að aðeins sé hægt að stöðva Rússa með hervaldi er líka ALRANGT!

Ef Rússar væru ÞÁTTTAKENDUR í alþjóðastarfi, Eurovision, NATÓ, ESB, eða eitthvað nálægt því, þá væri þessi paranoia þar ekki í ráðamönnum.

Eina ráðið til að koma á varanlegum friði er að HAGSMUNIR fari saman, með friðarsamningum, sameiginleikum markmiðum, samskiptum, virðingu fyrir öðrum, og svo framvegis.

STRÍÐ kalla á stríð. Hvert BARN ætti að vita það.

Helgi Seljan snýr aftur til RÚV

Kvennalistinn var flokkur náttúruverndar næst á eftir jafnréttismálunum

Nú eru konur að stjórna jafnvel meira en karlmenn, á Íslandi og víða. Maður skyldi því ætla að náttúruvernd væri sinnt, en VG var notaður í að hrinda öfgamálum til framkvæmda. Ég er mjög óánægður með það að umhverfisvernd hverfur í skuggann af öðrum málum, jafnvel í Þýzkalandi þar sem vel hefur verið gætt að þessu.

Ef maður spáir í veðrið núna í vetur þá held ég að óhætt sé að segja að það sé ekki hefðbundið vetrarveður. Þessi stöðugi lægðagangur og stormar segja manni að öfgar í veðurfari eru staðreynd en ekki kenning. Ég held að haustlægðir hafi verið algengari áður af þessu tagi, en nú er miður vetur að vísu. Vissulega hafa sum ár verið eitthvað svolítið í líkingu við þetta áður, sem ég man eftir, en varla svona stöðugt og mikið.

Það er óeðlilegt að ekki sé meira stöðuglyndi í veðurfari að minnsta kosti þessa mánuði sem eiga að vera kaldastir á Íslandi. Oft hefur á árum áður verið lítill vindur vikum saman, og snjór eða slydda öðru hvoru, en þessir stormar hafa verið í sterkasta lagi og margir í röð. Maður þarf ekki að vita mikið um veðurfræði til að skilja að hér eru átök á milli heitra loftstrauma og kaldra, en á þessum árstíma og á þessari breiddargráðu er það óvenjulegt, mundi ég halda, við erum svo nálægt norðurheimsskautinu.

Sótt er að Golfstraumnum, það er alveg deginum ljósara. Hann mun ekki standast þennan ágang að eilífu ferskvatns frá Grænlandi og Norðurheimsskautinu. Að halda það er bara algjörlega órökrétt.

Ég kappkosta að vera laus undan múlbindingu flokksaga eða rótgróinna flokkslína. Að sumu leyti samsama ég mig vinstrinu, en að öðru leyti hægrinu.

Enn fremur hef ég meðfædda tilhneigingu til að vera ósammála valdinu sem ríkir hverju sinni og horfa á gagnstæðar hliðar.

Það að ég vil þjóðlega stefnu og efla sveitir landsins en ekki þéttingu byggðar og ofurtæknivæðingu fer saman við umhverfisverndaráherzlur mínar. Það vill bara þannig til að það fer þvert á hægri-vinstri línur hefðbundnar.

Þegar Hægri grænir komu fram hreifst ég, en þeir fengu ekkert fylgi.

Framsókn hefur svikið sína stefnu of oft til að ég hafi geð í mér að kjósa þann flokk.

Miðflokkurinn er of mikill kapítalismaflokkur til að ég hafi mikinn áhuga á að kjósa þann flokk.

Ég átti vini og kunningja í Vinstri grænum.

Ég kaus ekkert síðast.

Það þarf meira af hugsjónafólki á Íslandi sem fær fylgi og er ekki bara að hugsa um að græða og fá völd.

Hvað varðar að fá Guðrúnu Hafsteinsdóttur sem formann Sjálfstæðisflokksins, það er áhugavert og hún er jafnaldri minn, fædd á sama ári, og ungleg er hún í útliti. Það mun þó aðeins koma í ljós hvernig hún reynist.

Segir stórtjón hafa orðið vegna sjávarflóða

Femínismi og jafnaðarfasismi eru að drepa okkur. Sigur Úkraínu myndi boða enn frekari hnignun Vesturlanda. Við Áslaugu Örnu segi ég: Frestum ekki bara framtíðinni, afneitum þeirri framtíð sem sumir vilja

Það er auðvelt að líta þannig á að Rússar séu árásaraðilinn, og að þeir hafi ráðizt á frjálst og fullvalda ríki, Úkraínu 2022. Það er jafnvel sannleikur, en fyrir suma nægir sá sannleikur ekki einn og sér vegna kringumstæðnanna, eins og proxy-stríðsins, staðgengilsstríðsins, sem Demókratar hafa látið Úkraínumenn berjast gegn Rússum fyrir sig, að minnsta kosti frá 2014 og "sæmdarbyltingunni" (ósómabyltingunni).

Nú eru Demókratar ekki við stjórnvöldinn í Bandaríkjunum, heldur forseti sem vill endurheimta dýrð Bandaríkjanna fyrir wók afturförina. Þessvegna er það eðlilegt að endurreisnin bandaríska byggist á því að slaufa þeim sem slaufuðu sem mest, Demókrötum og öllu þeirra liði.

Mér finnst það augljóst að það er Hollywoodsmiðjan í Bandaríkjunum sem hefur sigrað Úkraínumenn og Vesturlönd. Þar er draumastaðallinn sem næstum allir í heiminum sækjast eftir, fallegur maki, fallegt fólk, ríkidæmi, glansímyndir.

Úkraínumenn vilja vera Evrópumenn út af Hollywoodinnrætingunni. Rússar hafa mótað sér aðra sögu sem er í anda kristninnar, eftir fall Sovétríkjanna að minnsta kosti, sem ekki er orðin wók eins og hér í okkar heimshluta, rússneska rétttrúnaðarkirkjan er líkari upprunalegu kristninni, og þessvegna þola ekki femínistar Rússa og Pútín.

Hér er athugasemd sem ég skrifaði á blogg hjá Sigurði Hjaltested bloggara í gær, en þar eru atriði sem eiga erindi til sem flestra og því er þetta endurbirt. Vegna þess að ég get ekki orðað þetta betur þá læt ég alla athugasemdina birtast, þótt hún sé svar til annarra bloggara. En úr því að sama fólkið les oft bloggin hjá okkur mörgum sem erum að tjá okkur, þá held ég að flestir skilji samhengið, kannist við hver Glúmm er og aðrir sem ég minnist á í athugasemdinni:

 

Glúmm ég verð að hrósa þér að þú hljómar örlítið betur en Vagn, ég hélt að hann hefði fundið annað dulnefni til að nota.

Þér er kannski alveg sama um proxy-stríð Demókrata og ESB-elítunnar, staðgengilsstríð, þar sem auðtrúa Úkraínumenn eru látnir berjast fyrir heimskulegan femínisma okkar. Það finnst mér grimmd og óverjanlegt.

Ég vil bara segja að við Íslendingar erum ekki fullvalda þjóð og það eru ennþá síður þjóðirnar í ESB.

Þjóð er skilgreind sem hópur manna (og kvenna þar með) sem talar sama tungumál og hefur sama uppruna.

Við Íslendingar erum að tapa hvoru tveggja og eiginlega allar þjóðir í ESB líka.

ESB sambandið er eitur, og það er líka NATÓ og fleiri alþjóðastofnanir.

Tungumálin í Evrópu glatast og enska tekur yfir, og loks kínverska, eða annað mál þess fólk sem lifir af og yfirtekur þessar gömlu, deyjandi þjóðir.

Þjóð sem fremur fjöldasjálfsmorð er ekki sjálfstæð eða frjáls, þótt einstaklingarnir sem tilheyra henni blekki sig til að trúa því.

Til að vera frjáls og sjálfstæð þjóð þar sem fullveldið er virt og ríkir, þar verður þjóðin að hafa tækifæri til að verja sig, fjölga sér svo mikið að hún deyi ekki út, og viðhalda tungumálinu. Okkar fullveldi er 100% blekking. Við erum leidd í ósýnilega gasklefa.

Lesið greinarnar eftir Guðjón Hreinberg. Hann útskýrir hvernig marxistar hafa alla 20. öldina verið með samsærisáætlanir um að grafa undan fjölskyldunni, hefðunum, trúnni og öðru sem tilheyrir Vesturlöndum.

Mér finnst sigur Rússa EKKI vera það ákjósanlegasta. En þegar okkar þjóðfélag er verra og úrkynjað, þá er ég til í slíkar breytingar.

Tek alveg 100% undir það sem Jóhann skrifar um landráð.

Það er löngu búið að gera íslenzk lög ógild. Það var byrjað að gera það 1995 með inngöngunni í EES.

 

Hér lýkur endurbirtingu athugasemdarinnar, sem ég skrifaði í gær.

 

Að lokum vil ég segja að þessi þrjózka í Selenskí er með ólíkindum. Þetta snýst ekki um sjálfstæði Úkraínu. Þeirra lífsgæði verða ekki endilega verri undir stjórn Rússa, ef þeir geta lifað í sátt og samlyndi og ef Bandaríkin gera viðskiptasamning við Rússa og þar kemst aftur á sem mest velmegun.

Rússar eru að berjast fyrir allt mannkynið. Rússar boða mennskuna og vilja gera okkur geimverurnar og vélmennin aftur mennsk. Rússar eru frelsendurnir, við erum andsetin af Medúsu eða slíkum hryllingi.

 

Selenskí: Þurfum á stuðningi Trumps að halda

Orð í gaulversku 2

Áður fyrr var nauðsynlegt að læra latínu og grísku í skóla. Gaulverskan er frá þeim tíma, en sigurinn mikli er að nú hefur tekizt að setja hana saman á ný, eins og talið er að hún hafi verið. Ókeypis er hægt að hlaða niður orðabókum, þó ekki á íslenzku, aðeins á ensku úr gaulversku.

Ég fagna þeim sigri með því að þýða þetta áfram í áföngum eftir því sem ég nenni og tel tímabært að bæta við þetta til kynningar og skilnings, skemmtunar.

 

Latínan er ekki ólík gaulverskunni. Gaulverskan er samsett mál, með hjálp gervigreindar hefur tekizt að setja hana saman á ný. Að öllum líkindum voru þó til margar mállýzkur, og vissulega mörg tungumál í Evrópu á þessum tíma sem voru fyrirrennarar þýzku, frönsku, hollensku og fleiri mála sem fólk nú talar víða.

 

Til að sýna fram á að grimmir Rómakeisarar, jafnvel verri en Stalín og Hitler hafi ekki sigrað og tekizt að útrýma fornfranskri menningu og trúarbrögðum, eða málum, held ég áfram með að þýða orð úr gaulversku.

 

acros, á, on - skarpur, kænn, göfugur, háleitur, hár.

acros, axro, axros, í - efst.

Acuitániá, íás - Aquitania. (Hérað í suðvestur Frakklandi. Aquitaine á nútímafrönsku).

ácus, u - hratt, fljótlega.

ácus, ous - ástundun, iðni, ástundunarsemi, kostgæfni, samvizkusemi, hraði, árangur, skilvirkni, ákefð, flýtir.

acussos, á, on - samvizkusamur, duglegur, hraðvirkur, verkadrjúgur.

ad - mjög, áleiðis, í áttina að, um það bil, að, til, um.

ad, at + acc - að, til, í áttina að.

as, ados, ades - fótur.

adá, aiás - þyrnir, þyrnirunni.

adassus, ous - helgiathöfn, venja, siður, hátíðleg athöfn, galdur, galdraþula, blót, fyrirmæli um siðvenjur, samkoma.

adaget, adaxt, adaxtos, adagía, adagiás - að hreyfa, setja á hreyfingu, bæra, mjaka, koma af stað, hrinda, stjaka við.

adamet, adáme, adamos, adamon - að þvo.

adarcá, adarciás, adarcos, adacion - reyr, reyrstilkur, reyrblað, reyrvökvi.

adballít, adbelt, adblítos, adbelatus, adbelatous - deya, eyðast.

adberet, adbert, adbritos, adbertá, adbertiás - að bjóða, fórna, deyða sem fórn, sóa, gefa, veita, láta í té.

adberos, adberi - ármynni, árós, vogur, vík, samrennsli, ármót, ós, mannsöfnuður, fjöldasamkoma, mannþyrping, þröng, þing, samkoma, mannfagnaður, samsöfnuður, manngrúi, troðningur, mannþröng.

adbertá, adbertiás - fórn, boð, tilraun, viðleitni, hjálp, aðstoð, fórnfæring, fórnarlamb, blót, yfirfærsla.

adbessu, adbessous - venja, hefð, gildi, vani, kækur, einkenni, fórn, trúarathöfn.

adborous, adberí - vanabundinn, þverá, skattland, skattþegn, undirkonungur, þegn, aðstuðlandi, velgjörðarmaður, þræll, undirsáti, lofandi, hrósandi, sá er greiðir skatt, er undirsettur.

addádios, assásiá, assásion, adsadyo, assadios - auðveldur, þægilegur, ljúfur, auðveldlega.

addamiet, addame, addantos, addantiú, addantinos - að játa, gangast við, viðurkenna, gangast undir, skrifta, meðtaka, játast einhverjum á vald, gefast upp.

addát, addásset, addátos, addanon, addaní - að heita, lofa, láta í té, veita, ljá.

addatus, addatous - fórnargjöf, fórnfæring, blót, fórnarathöfn, yfirfærsla, léttir, viðbót.

assedá, assediás - fereykisvagn, ferðavagn, hefðarvagn, heldri manna ökutæki.

assedái, assedásset, assedátos, assedátus, assedátous - að sitja, ríða, fara á hestbak, fara upp á, hækka, spenna vopn, boga, vera viðbúinn.

addedos, adsedos, assedos, assedá - íbúi, bekkur, sessa.