Vargöld leynist grá, ljóð frá 2. desember 2024.

Manstu eða gleymdir gleði?

Gagnslaus lýður frjáls?

Þarna svo verða að þurrum blómum,

þessar sem gegndu ei karla ómum.

Eitthvað skaðsamt skeði,

en skerið varnar máls.

 

Aðeins konur, biturð, bani,

blæs nær frjálslynt afl.

Herdísir vilja stríðið styrkja,

stefnuna fjöldinn hyggst svo virkja.

Stoltur stúlkna hani

stefnir fyrir gafl.

 

Ef sú ást var köld,

yfirborð og stöðluð kveðja,

nálgast leiðans leðja,

lýkur þinni öld.

 

Þroskaskert og þrá,

þunnlynd, eftir tímans boðum,

þó á værðarvoðum,

en vargöld leynist grá.

 

Vinskap vildi hann,

varla losti á þessum tíma,

er það aðeins gríma?

Elskar sannleikann?

 

Heiður, hann ei teinn,

hún er skildi forna njólu

fór í fjandans gjólu,

fretar rakki einn?

 

Arðrán, annars svar,

auðlegð, konur þannig tala,

mun hjá svínum svala

svírans losta þar.

 

Sokkið syndasker,

sjáðu tapið, fær það ekki,

aðeins aðra hrekki,

ábyrgð ræfill ber.

 

Sorg og synd því hlær,

sá er ræður lítill bógur,

ríkir hinna rógur,

raunin færist nær.

 

Ekki mun þeim eftir leita,

aðeins fortíð hans.

Fjólurnar skarta fjarri litum,

fer því að mengun herrans vitum.

Draumsýn blífur beita,

böðla lokadans.

Fyrstu tölur ekki samkvæmt skoðanakönnunum - hægribylgja eða miðjubylgja, ekki vinstribylgja, wók tapar, VG

Ég kaus ekki því ég notaði rökin - maður fer ekki að velja á milli kommúnistaflokkanna sem eru í boði - engin ástæða til að kjósa - þetta eru allt kommúnistaflokkar á vinstrarófinu.

En ég birti ljóð í gær frá þeim tíma þegar Sjálfstæðisflokkurinn vann mikinn kosningasigur 1991 og ég kaus fyrst, ef ég man rétt. Ég hafði óljósan grun um að kannski fengi Sjálfstæðisflokkurinn meira en svartsýnustu spár gerðu ráð fyrir. Engu að síður, Brynjar Níelsson ætti að verða næsti formaður Sjálfstæðisflokksins - Bjarni hefur sveigt flokkinn of langt til vinstri og hans eftirlætisdömur.

Það þarf karl til að vera formaður Sjálfstæðisflokksins, þetta er flokkur karlmennskunnar og hefðanna. Brynjar uppfyllir öll skilyrðin. Hann er landsþekktur og þorir að standa með sínum skoðunum, en tæplega Bjarni.

Vinstrimenn ætla að hrúgast á Samfylkinguna. Það er nýtt að þeir sameinist, en gamall draumur vinstrimanna að rætast.

Það er gott ef stórsigur Viðreisnar raungerist ekki. Það hefði orðið stílbrot í pólitík á Íslandi. Að Sjálfstæðisflokkurinn stækki var viðbúið, það eru hlýðnu rollurnar að smalast heim í sitt gamla fjárhús.

Ef þessar fyrstu tölur standast, þá er þetta ekki vinstrisveifla, miðjusveifla og hægrisveifla frekar.

Fólk er að hafna wók-stefnunni greinilega eins og í Bandaríkjunum.

Kristrún er alls ekki eins hörð wók manneskja og Svandís í VG, eða Þórhildur Sunna í Pírötum eða Sanna í Sósíalistum.

Stórsigur Kristrúnar og Samfylkingarinnar sýnir miklar áherzlubreytingar hjá vinstrinu. Það er verið að hafna vinstriöfgum, en koma inn með Kristrúnu og þannig fólk sem er nær Sjálfstæðisflokknum og Miðflokknum. Þetta eru ágæt úrslit, ef þau standa.