Eftir breytingar verður Esus sá sem styttir brautina

Eru flestir þeirrar skoðunar að tilviljanir stjórni veröldinni eins og köld vísindin bjóða uppá? Ef svo er þá er tilviljunin guð og skapari. Enginn veit neitt um þetta með vissu, en trúin á refsandi guð er eins rökrétt og trúin á guð sem alltaf hjálpar og blessar og er kærleiksríkur.

Það kom vísindamönnum á óvart hvernig nýtt virknitímabil er hafið á Íslandi í jarðskorpunni og hvernig þessi gos hafa verið misjöfn.

Þannig er stundum miðað við atburði sem gerðust fyrir meira en 1000 árum og teljast svipaðir í jarðsögulegu tilliti.

Það sama hlýtur að eiga við um jarðskjálftana. Það hlýtur að vera ómögulegt að segja með vissu að þeir verði ekki stærri en 6 eða 6.5 á næstunni hér á Bláfjallasvæðinu eða annarsstaðar þar sem annaðhvort fyrr hafa þeir verið jafnvel stærri eða annarsstaðar á landinu. Það hlýtur að vera mögulegt að náttúran komi á óvart, bæði hvað varðar staðsetningu skjálfta og eldgosa og stærð líka eða lengd í tíma.

Ég spái því að líklegt geti verið að jarðskjálfti verði nálægt Reykjavík uppá 7.5 eða eitthvað slíkt og þá muni skemmdir verða miklar og jafnvel mannslíf týnast. Ég veit ekki hvenær, kannski eftir 20 ár, kannski bara á þessu ári. Ég tel einnig að mögulegt sé að margir skjálftar um 5-7 verði á ýmsum svæðum, á þessu virknitímabili sem er hafið, og svo auðvitað mikið af eldgosum eins og komið hefur fram hjá sérfræðingum. Búast má við að flestir skjálftarnir verði hér á suðvesturhorninu, er það ekki virkasta svæðið? Í mestri byggð? Gáfulegt eða hitt þó heldur!

En ég vil útskýra hversvegna ég hef frætt aðra um Esus og einnig lesið mér til um hann einsog Taranos, Toutatis og fleiri.

Við erum komin til Helvítis. Dyrunum er lokað og við eigum ekki afturkvæmt. Guðirnir þrír, Taranos, Esus og Toutatis hjálpa í vítunum en aðrir ekki. Þeir virka á reiði og hefndarlöngun til að fólk fái réttlæti í vítunum, valdefla fólk í því sem tilheyrir vítunum.

Allt í þessum heimi er samspil þriggja þátta ef vel er að gáð. Vatn, eldur og loft. Í orðunum felst meira en flestir halda. Eldhugar, það er fólk sem vill hreyfingu, það lýtur Taranosi. Loftið, það er andlega og sálræna fólki, það lýtur Esusi. Jarðbundna fólkið og hægláta, sem hlýðir og eltir tízkuna, það lýtur Toutatosi. Það er vatnið.

Aðeins djöflar og púkar verða frægir fyrir "fagrar listir" í víti af því tagi sem við tilheyrum. Mín list verður ekki metin að verðleikum þar sem geimverur eru búnar að yfirtaka um helming mannkynsins andlega.

Esus er jafnvel máttugri en Jesús Kristur og Jahve. Esus hræðist ekki neitt eða neinn, og ekki heldur Taranos eða Toutatis.

Gjöreyðing fylgir í kjölfar þessara guða fyrir þá sem beizla þá. Við sjáum að kjarnorkuógnin magnast og aðrar ógnir líka. Þetta bara fylgir vítunum, heimska en ekki vit eða gæzka.

Ég mun aldrei njóta sannmælis eða frægðar á þessari jörð, hjá þessu vítismannkyni. Þá er aðeins hefndin eftir. Sá sem ekki sækist eftir hefnd en hefur verið beittur órétti er óréttlátur, því óréttlæti sem óhegnt er fyrir er brot gegn lögum Týs. Sú hefnd kemur ekki í þessu lífi heldur öðrum lífum. Því vil ég stilla reiði fólks og gefa þeim sömu fyrirheit og Kristur, að í framlífinu kemur réttlætið sem aldrei kemur hér á þessari jörð. Réttlætið gefur Esus ásamt Syn, gyðjunni heiðnu úr norrænu goðafræðinni, sem vissulega er lifandi einnig full af fjöri.

Þar sem Esus stjórnar öndunum þá getur hann gert djöflana vitfirrta á réttan hátt. Jesús Kristur lýtur Þór, en það réttlæti tekur enda þegar Esus tekur völdin, ef það reynist rétt sem sumir halda fram, að hann sé enginn annar en Ginnungur, Chaos eða Ginnur, sem Ginnungagap er kennt við.

Ég var í Hallgrímskirkju fyrir jólin 2021. Það var áður en Úkraínustríðið byrjaði. Ég var með vini að hlusta á kór sem söng margt og mikið og bæði kristilegt efni og veraldlegt. Þá gerðust hlutir sem undruðu mig. Ég sá púka byrja að koma upp með gólfunum, og þeim fjölgaði og fjölgaði og svifu útí himingeiminn.

Ekki gat ég skilið eða túlkað þessa sýn fyrr en seinna. Það hefur verið stöðugt innstreymi á púkum til okkar jarðar frá þessum tíma. Siðrofið sem annar bloggari hefur fjallað um er án efa afleiðing.

Réttlætið kemur með Esusi. Breytingarnar verða miklar, en vitfirringin tilheyrir honum ekki heldur réttlætið. Kirkjan sem farin er út af sporinu getur ekki fylgt Esusi. Það getur ekki heldur almúginn sem einnig er farinn út af sporinu.

Jafnvel veit ég ekki hvort ég er fær um þetta, að fylgja honum. Sindrið hrekkur þó á aðra hnetti þar sem meira réttlæti er, og sál manns er slíkt sindur.

Esus er ekki að boða kærleika eða mannfélag. Hann kemur við upphaf og endalok eins og títanir og tröll. Löng er sú braut sem verður að þola í vítunum. Hann getur stytt þessa dvöl. Hann er ekki Jesús Kristur, alls ekki, heldur heiðinn guð en Kristur er við hann kenndur ranglega.

Einstaklingur sem verður undir á okkar jörð fær ekki réttlæti endilega auðveldlega í framlífinu. Í fjölheiminum þarf þetta að vera þannig eins og Búdda kenndi, að losna undan hjóli endurfæðinganna, sem Taranos stjórnar sennilega, samkvæmt táknfræðinni sem við hann er kennd.

Aðeins þegar enginn minnsti áhugi finnst á þessu jarðlífi losnar sálin undan hjóli endurfæðinganna. Langfæstir eru tilbúnir í þá vegferð.

Eins og Shiva þá kennir Esus með þrautum og erfiðleikum stundum.

Fólk getur baðað sig í eigin reiði. Aðeins þá heimsækir Esus mann og gefur sér tíma fyrir mann. Þegar fólk hættir að skammast sín fyrir neikvæðar kenndir sínar en lærir að stjórna þeim og hemja á sama tíma, þá kennir Esus fleira og hjálpar meira.

Endalaust lifnar maður við, en þetta jarðlíf er tilraun til að eyða lífsvilja púka eins og allir einstaklingar teljast jarðarinnar.

Endurtekningin er eins og draumur. Fólk kannast við sig, heldur að ekkert hafi í skorizt. Esus kennir að þekkja mörkin og bjaganirnar í veruleikanum, eins og í Matrix kvikmyndunum var sýnt hvernig er gert.

Tjáningarfrelsið er ekki til staðar á meðan sumar tilfinningar eru bældar en aðrar ekki.

Esus er eins og Vili að sumu leyti. Vili geymir ekki aðeins góðan vilja heldur öðruvísi vilja einnig, vondan eða vafasaman.

Drúíðar leiða aðeins til guðanna. Það að Esus skuli eflast eins og Taranos og Toutatis, það er tímanna tákn. Drúíðarnir skerast ekki í þann leik. Þeir fórnuðu sér á sérstakan hátt. Þannig færðu þeir anda sína inní óvini sína og sigruðu þá innanfrá.

Þannig er með Míþrasartrúna einnig. 25. desember fæðist Míþras samkvæmt þeirra helgisögnum, og kristnin er dulargervi fyrir Míþrasardýrkun og því hernaðardýrkun frekar en friðardýrkun.

Skjálfti fannst í byggð