Ég er sammála því sem Baldur Þórhallsson ýjaði að og aðrir næstum líka, að Ísland muni kannski fara í ESB á þessu kjörtímabili

Ég var ekki búinn að horfa á Silfrið þegar ég skrifaði síðasta pistil. Mér fannst margt gott koma fram í því - þannig að stundum er eitthvað skárra en ekkert í RÚV ennþá.

Bæði Baldur Þórhallsson og Gylfi Magnússon töluðu vel. Mér fannst framtíðarspá þeirra raunsæ og rétt, að Ísland væri að halla sér meira að Evrópu, og Baldur Þórhallsson var hreinlega með sterkan áróður fyrir inngöngu Íslands inní ESB, eins og hann hefur gert áður.

En mér fannst þetta gagnlegt sem þeir sögðu, því þegar fræðimenn tala vel og raunsætt, þrátt fyrir að hafa skoðanir og koma jafnvel með léttan áróður, þá finnst mér það gott og gagnlegt. Ég met það eftir sannleiksgildinu og raunsæinu.

Mér fannst einnig áhugavert það sem Ásthildur Sturludóttir sagði, og þau öll ræddu um, að kannski myndu Bandaríkin gera hernaðarárás á Grænland, og Gylfi taldi að þá myndu Íslendingar hætta að eiga samskipti við Bandaríkjamenn, á sama hátt og þeirri aðferð hefur verið beitt gegn Rússum. Ég leyfi mér þó að efast um að það sé rétt hjá honum. Það kemur allt í ljós, en alþjóðasamfélagið er að mörgu leyti óútreiknanlegt og margt skrýtið og öðruvísi að gerast þessa dagana og þessi árin.

Silja Bára var hlutlausari en maður bjóst við. Eins og hún sagði þá krefst embættið þess af henn, reglurnar sem fylgja embættinu.

Ég tel það raunsætt mat og rétt að bæði almenningur á Íslandi sé orðinn ESB hlynntur og einnig mikið af stjórnmálafólkinu.

Samfylkingin er stærsti flokkurinn, það gefur þetta til kynna. Einnig er Sjálfstæðisflokkurinn finnst mér mýkri og miðjusæknari en áður, mjög líkur Samfylkingunni. Þannig var þetta undir stjórn Bjarna Benediktssonar, en mun Guðrún Hafsteinsdóttir einhverju breyta?

Snærós ráðin framkvæmdastjóri Evrópuhreyfingarinnar

Athugasemdir

[Grímur Kjartansson, 2.9.2025 kl. 07:47]

Það sem gerði útslagið síðast var mikið ágengi Makríls inn í flestar hafnir landsins sem ESB sagðist eiga og við ekki meiga veiða

En það er margt hjá ESB sem við mundum ekki sætta okkur við
T.d. er vegastæðin núna að hrynja (jarð/aurskrið) við Göta älvdalen í Svíþjóð en þar ekki má ekki laga neitt vegna reglugerðar frá ESB um verndun viðkvæmra svæða