Íslendingar sem kjósa Viðreisn og Samfylkingu eru úreltir eins og pólitíkusar við völd í Evrópu, en ekki Donald Trump

Það var búið að vara við þróuninni í Svíþjóð, að Ísland væri á sömu helstefnubraut. Útvarp Saga og Gústaf Adolf gerðu góða hluti - og auðvitað margir aðrir, Miðflokksmenn til dæmis,  en ekki var hlustað af meginþorra pólitíkusa.

Nú hafa fréttir verið nokkurnveginn samhljóða á RÚV og Stöð 2 (Sýn) í mörg ár, að ástandið er að versna, og ofbeldishneigð að færast neðar í aldurshópana ásamt eiturlyfjanotkun og slíkum hryllingi.

Nóg er að lesa bloggið hér til að átta sig á því að nóg er af fólki sem afneitar því sem Sigmundur Davíð og aðrir hafa sagt og kalla slíkt fólk rasista og öfgahægrifólk, svívirðilegt og til skammar fyrir þjóðfélagið. Ekki lítur þannig fólk í eigin barm heldur hlustar á eigin bergmálshella og telur þar allan sannleikann.

Það er sameiginlegt einkenni á fréttunum á RÚV og Stöð 2 að raunverulegra skýringa er ekki leitað, heldur farið í kringum þetta eins og köttur í kringum heitan graut, og rangar útskýringar togaðar upp til að þjóna 30 ára pólitískri ranghugsun, sem kölluð er rétthugsun, eins og svo mörgu er snúið á hvolf.

Þeir eru margir Vagnarnir og bræður og systur þeirra.

Þegar ég hef í skrifum mínum fullyrt að jafnaðarmenn séu hryðjuverkamenn, þá á ég við nákvæmlega þetta, þegar með bros á vör er afneitað staðreyndum og afleiðingum gerðanna. Sagt er að ekki megi loka landamærum, það sé rasismi. Vitnað er í vitlaus alþjóðalög og vitlausar alþjóðastofnanir.

Ég hef trú á að ESB geti bætt sig að vísu. Til þess þarf að breyta alþjóðalögum, leggja niður alþjóðastofnanir og endurmeta fortíðina.

Rúnar Kristjánsson hefur stundum skrifað framúrskarandi pistla, og stundum pistla mjög kommúníska sem ég er algjörlega ósammála.

Ég er mjög ánægður með nýjasta pistilinn eftir hann, og fyrirsögn hans er hreinn sannleikur og hittir þetta alveg í mark:"Afneitun á íslenzkum fjölbreytileika".

Já, í þessum góða pistli hans kemur fram að orðið "fjölbreytileiki" er feluorð fyrir "upplausn", "eyðileggingu", "niðurrif".

En jafnvel þótt kannski flestir viti þetta þá er erfitt að bakka útúr alþjóðlegu umhverfi sem er sýkt af veiru heimskunnar, og sú heimska er að láta barnaskap stjórna sér, að láta óskhyggju ráða en ekki rök.

Donald Trump hinsvegar hefur reynt að bakka útúr þessu alþjóðlega umhverfi spillingar ofurfyrirtækja og ofurríkra manna. Fær hann því á sig árásir ómennskra.

Annar góður pistill er eftir Geir Ágústsson þar sem hann fjallar um minnkandi völd Georgs Sorosar og samtaka hans, en sprettur ekki upp annar slíkur risi ef þessi fellur?

Pólitíkusar sem eru úreltir eru eins og þeir sem eru í ESB.

Pólitíkusar í takt við tímann eru eins og Donald Trump. Þannig er tízkan. Það sem þótti úrelt fyrir 10 árum er aftur komið í tízku nú, það er að segja þjóðerniskennd. Þó ekki sú tegund sem ríkti í Þýzkalandi 1935, hún er enn bannvara, en margar aðrar tegundir eru til og virka vel.

Ég tek undir með ýmsum sem hér hafa bloggað, að ef Framsókn og Sjálfstæðisflokkurinn ætla að rísa úr öskustónni þarf fólk þar að tileinka sér taktík Donalds Trump. Beita öllum brögðum.

Vil ég einnig minna á góð atriði sem Guðjón Hreinberg hefur bent á, að kínverski kommúnistaflokkurinn gæti verið að ná of miklum völdum á heimsvísu. Tækniframfarir geta einmitt þjónað vondum markmiðum um að minnka völd þjóða, minnka sjálfstæðið, auka auðræðið og spillinguna, vopnaframleiðslu, fjölga stríðum, efla ekki frið.

Ég skammast mín ekki fyrir að hafa heillazt af Hitler sem persónu og hans flokki sem ungur maður. Ekki þýðir það að maður gleypi allt hrátt sem þar kom fram, og þjóðamorð fordæmir maður eins og annað óþarft ofbeldi þá og nú, samt er það orðið almennt meira viðurkennt í nútímanum með trumpismanum að þjóðir eigi að hafa meira um það að segja að viðhalda sérkennum sínum og sérstöðu, með mjög takmörkuðu flæði að utan frá öðrum löndum.

Það þýðir alls ekki að allir trumpistar séu nazistar. Slíkar eilífar upphrópanir skapa bara leiðindi og tækla ekki nein vandamál.

Íslendingar gerðu stór mistök að gera ekki Frjálslynda flokkinn að stærsta flokki landsins fyrir 20 árum. Þeir þingmenn hefðu afstýrt því sem gerzt hefur á síðastliðnum 20 árum og líkist Svíþjóð.

Jesús Kristur kenndi kærleikann, auðvitað þekkti fólk hann áður, en hann brýndi fyrir fólki allt slíkt.

"Slaufun er ofbeldi", skrifaði einn ágætur maður á Fésbókinni, og ég tók undir það. Jesús Kristur hefði sennilega frekar tekið undir með Forngrísku heimspekingunum að samræður skiluðu betri árangri en útskúfun, hatur, fyrirlitning og slaufun nútímans.

Ég vil benda á annað mál sem mannkynið hefur klúðrað, það eru umhverfismálin. Hitabylgjur og skógareldar, þetta er ekki í lagi.

Svíþjóð var paradís áður en Olof Palme og slíkir rugludallar náðu þar völdum eða Angela Merkel í Þýzkalandi, og fleiri dæmi mætti nefna.

Donald Trump veit að erfitt getur verið að leiðrétta mistök fortíðarinnar, en einhversstaðar þarf að byrja.

Vinstrimenn með gott vit ættu að brjóta odd af oflæti sínu og viðurkenna kostina við hans stefnu.

Sprengt og skotið í Svíþjóð