Réttlæting

Þau undur og stórmerki gerðust í íslenzku sjónvarpi í gær að Stöð 2 sýndi myndskeið þar sem ísraelsk stjórnvöld tjáðu sig og sögðu stöðug dauðsföll á Gasa öll Hamas að kenna - eins og maður bjóst við, og einnig kom frétt á RÚV og þar, þar sem vaxandi reiði og óánægja með Selenskí kom í ljós og ný lög í Úkraínu sem leggja niður rannsóknarstofnun gegn spillingu og færa hana undir ríkið, sérstakan saksóknara þar. Í báðum tilfellum eru stöðvarnar að sýna tvær hliðar á málunum, Hamas-hliðina og Ísraelsstjórnar-hliðina, og svo vaxandi spillingarvanda í Úkraínu, ekki bara Pútín-Vondi-Satan- og Selenskí-hetja-vinur okkar og allt það.

Á maður að trúa því að pistlar Ómars Geirssonar og Guðmundar Arnar hafi valdið þeim breytingum að nú er ekki talað um fjöldamorð á börnum á Gasa heldur hungursneyð - af óþekktum orsökum, eða ónafngreindum orsökum?

Eða skyldi breytt orðalag á RÚV vera vegna þess að Sigmundur Ernir Rúnarsson fékk gagnrýni fyrir pistil á DV nýlega frá virkum í athugasemdum þar sem hann lýsti Ísraelsmönnum sem svipuðum fyrirbærum og nazistunum sem settu þá í gasklefa á 20. öldinni?

Það mætti halda að virkir í athugasemdum á DV séu orðnir harðlínuhægrimenn í meirihluta en ekki wókistar.

Að segja að það sé árás Hamas 7. október 2023 að kenna að öll þessi dauðsföll hafa átt sér stað á Gasa, bæði fólk skotið sem sækist eftir matargjöfum og svo börn og fullorðnir sem hrynja niður úr hungri, það er svipað og að segja að gyðingarnir sem settir voru í gasklefa af nazistum hafi sjálfir átt sök á dauða sínum því margir þeirra unnu í bönkum og voru ríkir á meðan Þjóðverjar sultu vegna stríðsskaðabóta á millistríðsárunum!

Hvernig ætti að vera hægt að firra Ísraelsmenn allri ábyrgð á meðferð þeirra á Gasabúum?

Hvernig er hægt að taka út einn ljótasta atburðinn (7. október) og kenna honum um tilraun Ísraelsstjórnar til að fjarlægja og drepa alla Palestínumenn á Gasa? Það fólk horfir alveg fullkomlega framhjá því að öfgastjórnvöld eru í Ísrael núna, Netanyahu og hans lið, sem hefur varla stuðning meirihluta þjóðarinnar þar.

Ég hef lesið það sem menn hafa sagt um Úkraínustríðið, að forsagan skipti ekki máli, bara innrás Rússa 2022.

Má ekki með sömu rökum segja að forsaga þess að börnin deyja á Gasa skipti ekki máli, bara að Ísraelsmenn bera ábyrgðina?

Ef einhver þjóð getur kennt heimsbyggðinni að aðferðir nazistanna eru sigurvopnið, þá eru það Ísraelsmenn, vegna þess að Abrahamstrúarbrögðin eru ríkjandi í meira í heiminum, meira en 50%, kristni, islam, gyðingdómur, Baháatrú, og fleiri.

Mér finnst það ekki skipta öllu hvort við réttlætum mögulega útrýmingu Gasabúa með því að þetta sé allt Hamas að kenna eða ekki.

Það eru aðrir fletir á þessu sem þarf að velta upp.

Núverandi stjórnvöld í Ísrael tilheyra hægriöfgakantinum þar í landi, eða trúarlegum hópi sem er bókstafstrúar hvað varðar meðhöndlun á Gasabúum og þeirra tilverurétti og landvist, eins og hægt er að gúggla og fræðast um. Þar í landi eru margir ósammála Netanyahu og mig minnir að ég hafi lesið frétt mjög nýlega þar sem kom fram að hann hafi misst meirihluta sinn á þinginu, sem ætti að sýna hversu umdeildur hann er.

Stefna Netanyahus og hans flokks fær hljómgrunn núna í Bandaríkjunum, því samskonar stjórnvöld eru þar við völd.

Svo þetta sé sett í enn stærra samhengi, Netanyahu og Trump tilheyra stjórnmálaafli sem er fremur andstætt hinseginréttindum og á ýmislegt sameiginlegt með öfgamúslimum eins og sumum Hamasliðum væntanlega. Það er ekkert nýtt að öfgamenn hati öðruvísi öfgamenn og drepi þá í styrjöldum eða friði.

Mér finnst áhugaverða spurningin vera þessi:

Er öld Vatnsberans að gufa upp og allt frjálslyndið?

Með réttlætingu á því að börn séu svelt á Gasa og það sé allt Hamas að kenna er verið að réttlæta voðaverk.

Þá erum við eiginlega að taka undir með Pútín, að Rétttrúnaðarkirkjan eigi að valta yfir heimsbyggðina og mannréttindi séu einskisvirði.

Það er hægt að kæfa niður mannréttindahreyfingar með þessum aðferðum.

Ég get jafnvel viðurkennt að ef Jahve, guð Biblíunnar stendur á bakvið þetta, þá sé hægt að rökstyðja þetta og réttlæta, því femínisminn er jafnvel það versta af öllu.

Ég vil bara kalla hlutina réttum nöfnum. Ef einum fjöldamorðingjum leyfist eitthvað ætti ekki að fordæma aðra fjöldamorðingja, sízt sem voru fyrirmynd þeirra fyrr í sögunni.

Síðan finnst mér það áhugavert hvað er að gerast í Úkraínu. Það að sjálfstæðar stofnanir sem voru að rannsaka spillingu séu lagðar niður og settar undir ríkið, það sýnir þvert á það sem Selenskí segir um þetta, að Úkraínumenn séu að færast nær rússneska einræðinu sem þeir gagnrýna svo mjög!

Maður sér í Ísrael, að óvinsældir Netanyahus geta orðið þess valdandi að hann setji herlög í landinu og geri kosningar ógildar þar til ógninni verður útrýmt sem barizt er við.

Það kemur mér í raun á óvart hvernig lýðræðið hrynur smátt og smátt eins og spilaborg í heiminum. Það hrynur jafnvel með svo fíngerðum hætti að reynt er að horfa í hina áttina og afneita því.

Langvarandi manndráp og stríð kalla á hrun lýðræðis og réttlæta það vegna stríðsástands sem þar ríkir.

Segir aðgerðir Ísraels í samræmi við alþjóðalög

Athugasemdir

[Guðjón E. Hreinberg, 24.7.2025 kl. 23:52]

Ef ég nota leitarfídusinn á blog.is og leita að orðum sem ég veit að koma sjaldan fyrir, fæ ég fullt af leitariðurstöðum, en ekki þær færslur sem ég á. Lengi hef ég notað sérleitar-fídus sem allir bloggarar hafa aðgang að, og haft hann á blogginu mínu, því ég nota það til að leita að tilvikum af eign nýyrðingum og skyldu orðagrúski - sem er mér þægilegt - því ég get þá flett upp ef ég hef haft mismunadi þýðingar/túlkanir og séð hvernig það hefur þróast og borið saman við glósuskjal sem ég held utanum.

Ég færði afrit af öllum færslunum yfir á sérstakt undirlén, þar sem ég geymi einnig eldra bloggsafn - google birtir þar niðurstöður úr gamla safninu en alls ekki úr nýja safninu - og þó ég hafi átt samskipti við kerfisstjórann þar fæ ég bara rugl-svar, og veit að það stenst ekki því ég veit frá því ég var í bransanum hvernig þetta virkar hjá þeim.

Þetta heitir "shadow banning" og er gert útum allt t.d. þegar menn gera myndskeið á Rumble, Odysee, Bitchute, birtist ekki hver sem er - rétt eins og þegar "nýir" og "ólesnir" sem eru "innhjáþúveist" fara beint á forsíðuna ... og Magnús vinur okkar ræddi nýverið í færslu.

Til dæmis hafa þeir sem minnst hafa á mínar færslur, nákvæmlega núll viðbrögð við því hjá leirmennum ... þó þeir sömu fái ævinlega viðbröðg við öðru. Þannig séð er "shadowban" ekki endilega algrím, heldur einnig múgsefjun/almenn-meðvitund (collective conscious).

Þetta er nákvæmlega það sama og varðandi fréttir sem hér er minnst á - vélunin er aðeins augljós þeim sem gætir að smáatriðunum, samanber "devil is in the details".

Þetta "lið" sem elur okkur upp við að þau séu svo miklu betri en myrkar miðaldir, þegar þau sjálf eru í raun búin að útfæra miðaldatæknina af meiri mannvonsku og smásmuguhætti, rækandi óheilindi sem virka fræðigrein sem þau beita af ráðgerðum ásetningi (Deliberate intent).

Mjög áhugavert alltsaman.

[Ingólfur Sigurðsson, 25.7.2025 kl. 01:30]

Já þú segir nokkuð. Ég hef grun um að þetta sé rétt. Þessvegna held ég að sumt verði látið hverfa þegar við tveir og sumir aðrir verða dauðir. Við fáum að blaðra á meðan við tórum, vonandi, en eftir það. Ég myndi ekki veðja á að nokkur fái að sjá það - nema menningin verði alvöru menning aftur.

Ýmis myndbönd af minni tónlist eru horfin af Youtube. Var það vegna þess að ég samdi lag um vin okkar með yfirvaraskeggið eða eitthvað annað, af því að ég gagnrýni stundum femínisma?

Jæja, ég hef lært að þegja með aldrinum. Ég er að æfa mig í að kappkosta að segja ekkert, eða sem fæst, nema eitthvað miðjumoð sem engu breytir. Það er kallað félagsfærni og maður ber virðingu fyrir því. En mér tekst ekki alltaf að þegja um það sem mér finnst merkilegt. Svona er óréttlætið.

Ég hef nokkuð lengi haldið því fram að gervigreindin sé partur af þróun, afmennskun. Geimverurnar sem voru teknar í Rosewell 1947 voru tengdar tölvum og búnaði í geimskipunum sem héldu þeim á lífi. Minnumst mýtunnar um Fást, sem seldi Djöflinum sál sína og varð að þola afleiðingarnar.

Öll okkar nútímatækni er geimverutækni held ég, og við ráðum ekki þróun okkar, ferðinni, heldur aðrir.

Það merkir að gervigreindin er notuð í smáatriði, en meðfram verða mann-verur ómennskari, lausari við mennsku.

Já kannski eru engar geimverur í þessu. Kannski er þetta allt mannleg flærð. Ég veit það ekki.

En svo er hin hliðin. Allt sem látið er hverfa, það getur haft áhrif.

Minnumst þess sem ég fjallaði um drúíðana. 99% af þeirra menningu var eytt og það af mikilvægri ástæðu. Þó held ég að hún sé að koma aftur. Fer kannski útí það seinna.

Hrafnar Óðins lesa allt. Akasískar skrár eða annað, afrit finnast alltaf. Bækur Drottins. Lykla-Pétur, Heimdallur.

Þannig að maður heldur áfram og telur það sigur ef einn tekur mark á þessu. Vonandi.

Beztu kveðjur.

[Guðjón E. Hreinberg, 25.7.2025 kl. 09:15]

Francis Bacon og síðar Rudolf Steiner töldu - að mér skilst - að til væri leyniheimsálfa og þar væri annarskonar fólk sem komið væri lengra í tækni og verkfræði en "við" og þau væru að stýra tækniþróun "okkar" öld eftir öld - ég man ekki hvað þeir kölluðu þetta, en ég hef oft haldið því fram að það sé forna landið Xanadu og það sé sunnarlega í Kyrrahafinu.

Við vitum svosem ekkert, en það sem fólk missir mest af, að mínu mati, er að það þorir ekki lengur að upphugsa fantasíur um veruleikann og máta þær við fáránleikann.