Enn um rétta eða ranga leið biskupsins

Sá sem er höfundur að mikið lesinni skoðanagrein á Vísi er góður vinur minn, greinin heitir:"Þjóðkirkja á réttri leið".

Hann spyr:

"Hvort er kirkjan til fyrir fólkið eða fólkið fyrir kirkjuna?"

Þórð þekki ég vel, sem er höfundur greinarinnar.

Ég get sagt það að hann skrifar þetta til að halda konum góðum í kringum sig býst ég við, en þó þekki ég þarna alveg hans skoðanir um alþýðlega kirkju.

Ég ætla að vitna í Bob Dylan frá 1979, ljóðið og lagið "When You're Gonna Wake Up?"

 

"Do you ever wonder  just what God requires?

You think He's just an errand boy to satisfy your wandering desires?"

 

Eða svona er þetta þýtt:

 

Hugsar þú nokkurntímann um það hvers Guð krefst af þér?

Heldur þú að hann sé bara þjónn þinn og senditík sem lætur eftir öllum þínum duttlungum og firrum?

 

Þetta talar mjög vel inní nútímann.

 

Eða þetta:

 

"Adulterers in churches and pornography in the schools.

You got gangsters in power and lawbreakers making rules."

 

Svona væri rétt að þýða þessar þínur meistara Bob Dylans:

 

"Hórkarlar í kirkjunum og klám er á boðstólum í skólunum.

Glæpamenn eru við völd og lögbrjótar búa til lög landsins!"

 

Hórdómur er nákvæmlega vandamál kirkjunnar nú um stundir, Babýlon hin mikla.

 

Lokalínur pistilsins eftir vin minn eru svona, þótt ekki sé ég sammála:

"Hún (kirkjan) er alltaf á réttri leið þegar hún opnar dyrnar og býður allt fólk velkomið til sín, af hvaða þjóðerni og kyni sem er, hvort sem það er trans eða eitthvað annað. Ef hún gerir það ekki þá hverfur hún okkur og verður með tímanum að engu."

 

Já þetta er vinsælt viðhorf og það hefur ræður.

En hvernig er þá hægt að svara því að kirkjan minnkar hvort sem kirkjan er opin í báða enda eða lokuð og niðurnjörvuð?

 

Feðraveldið og hinn karllægi heimur er ekki bara umbúðir utanum kirkju Gamla og Nýja testamentisins, heldur grunnurinn í boðskapnum.

Það er munurinn á gyðjudýrkun heiðninnar og kristni og öðrum Abrahamstrúarbrögðum.

Annars get ég reynt að fagna þessum dauða og ósigri kristninnar og kirkjunnar í eitt skipti fyrir öll, þegar Bafómet sigrar endanlega. Sem heiðingi get ég reynt að taka þá afstöðu og vera sammála biskup og öðrum sem fagna þessum breytingum.

"Er kirkjan til fyrir fólkið eða er fólkið til fyrir kirkjuna?"

Þá má spyrja og þarf að spyrja:

Eigum við að þjóna Guði eða á Guð að þjóna okkur?

Eigum við að breyta Guði þannig að hann verði í okkar mynd eða á Guð að breyta okkur þannig að við séum í Hans mynd?

"Til komi Þitt ríki", segir í Faðirvorinu. Það þýðir, að okkar heimur verði eins og Himnaríki, við þurfum að laga okkur að því sem stendur í Biblíunni, Guð er ekki okkar þræll. (Eða hvað?).

Það stendur í Biblíunni mjög skýrt að "Guði sé andstyggilegt að karlmaður leggist með karlmanni sem kona væri".

Í Nýju Biblíuþýðingunni er reynt að þynna þetta út og nota önnur orð en vera ber. Hinsvegar fer ekkert á milli mála hver boðskapur Biblíunnar er. Það er ekki hægt að misskilja þetta. Þetta stendur í Biblíunni.

Sem heiðingi fagna ég því að búið sé að eyðileggja kristni og kirkju í landinu.

Ég vorkenni kirkjunni, kristnu fólki hinsvegar að þola þetta, og mér hryllir við því að amma og afi snúa sér við í gröfinni og annað fólk sem er lifandi og telur þetta ekki rétt er ekki ánægt.

Íslenskar þingkonur hlutu blessun páfa