Hæfileikar einstaklinga. Að læra af einum meistara getur verið dýrmætara en að taka upp erlenda reglugerð

Selfyssingurinn Magnús Hlynur á Stöð 2 flytur mannlegri fréttir en aðrir og af meira sjálfstæði, þær eru allskonar um menningu og fólk sem fer framhjá öðrum.

Af öllum hans fréttum stendur ein uppúr, hann talaði við gamlan mann í vetur sem byggt hefur og hannað mörg hús en er nú seztur í helgan stein, en það sem er sérstakt við þessi hús er að mygla hefur aldrei farið í þau.

Fréttin birtist 16. apríl og finnst á Vísi. "Engin mygla í 200 húsum byggingameistara á Selfossi".

"Húsin þurfa að anda eins og mannfólkið", segir 93 ára byggingameistari á Selfossi, sem hefur byggt um tvö hundruð hús í bæjarfélaginu en mygla hefur aldrei greinst í þeim húsum."

Sigfús Kristinsson heitir þessi merkilegi byggingameistari.

Um rakaskemmdir segir hann:

"Það verður það svo lengi, sem þeir breyta ekki bygginaaðferðinni. Út með þetta helvítis plast því það lokar algjörlega rakann inni."

Um betri hús fyrri tíma segir hann:

"Það var bara allt annað vinnulag og timbrið var líka mikið, mikið betra þá en núna. Það var svo þétt vaxið, nú er það svo glúft og lélegt og drekkur í sig vatn."

Nú segir Þórunn Sigurðardóttir hjá HMS að hert eftirlit verði með byggingum, fleiri reglugerðir sennilega og harðari. En mun það duga? Um það má efast.

Við höfum glatað kannski því dýrmætasta í kommúnisma okkar daga sem við köllum lýðræði og jöfnuð. Í stórum kerfum fara hæfileikar forgörðum og hæfileikaleysi er upphafið til skýjanna sem mikil dýrð og dyggð.

Áður fyrr voru hæfileikar mikils metnir.

Hversvegna hefur Sjálfstæðisflokkurinn tapað stærð sinni og forystu í landsmálum? Getur verið að búið sé að henda út upprunalegu stefnunni þar?

Boðar hert eftirlit með byggingum

Athugasemdir

[Guðjón E. Hreinberg, 4.5.2025 kl. 17:54]

Málið er, með húsin, að hér áður var Byggingameisturum, treyst til að byggja hús án reglugerða, og það var merking hugtaksins, Byggingameistari.

Því lofa ég að finna má fleiri menn en þennan sem getur sagt svipaða sögu með svipuðum árangri, og þetta gildir um alla Evrópu og Bandaríkin.

Það er sálarlaus kommunisminn og reglugerðafýsnin sem drepur menninguna og að lokum innfellur siðmenning undna eigin þúnga.

[Guðni Björgólfsson, 4.5.2025 kl. 22:24]

Sæll Ingólfur.

Ertu með síma eða netfang?

[Ingólfur Sigurðsson, 6.5.2025 kl. 04:16]

Guðjón, eins og oft áður hittir þig naglann á höfuðið og þetta er alveg rétt, er þér gjörsamlega sammála.

Guðni, ég er bæði með síma og netfang. En símann nota ég lítið. Netfangið mitt er [e-mail]

Þar er hægt að panta diska eða spjalla við mig betur.

Árið 2001 er merkilegt því þá samdi ég talsvert mikið og tók upp. Ég var að taka upp plötuna:"Jafnréttið er eina svarið". Ég varð ekki ánægður fyrr en um haustið, og þá voru búnir að hlaðast upp fleiri en 10 masterar, (aðaldiskar), með mismunandi lagavali.

Aukalögin voru svo mörg að þau voru nógu góð fyrir útgáfu mörg.

Þannig var platan "Fyrri byggðir", ég gaf hana út 2002, en hún var tekin upp 2001. Á henni er lagið "Er ég ekki of gamall fyrir þig?" sem varð sæmilega frægt og oft beðið um það á tónleikum.

Að minnsta kosti einn kristilegur diskur var einnig tekinn upp 2001. "Komum undir Jesú kross" heitir hann.

Þannig að það er úr mörgu að velja fyrir fólk sem vill kaupa einhvern svona disk.

Tvær merkilegar útgáfur af disknum "Jafnréttið er eina svarið" eru til, (og kannski fleiri).

Önnur er fyrir góða fólkið, sem vill opin landamæri.

Hin útgáfan er fyrir þjóðernissinnana. Síðan eru til fleiri útgáfur. Opinberu útgáfurnar af þessum diski eru um samskipti kynjanna og um jafnrétti og fleira.

Beztu kveðjur, þetta gæti hjálpað þér að ákveða hvað þú vilt af þessu.