Afleiðingar af alþjóðavæðingunni sem ESB flokkar eins og Viðreisn afneita

Þorgerður Katrín er í ESB stjórnmálaflokki þar sem trúað er blint á alþjóðavæðingu og wók-öfga, sem nú eru hreinlega víðast hvar eða allsstaðar á útleið í heiminum. Donald Trump er í frumkvöðlastarfi að leiða heiminn útúr villigötum vinstriöfgamennskunnar og jafnaðarfasismans.

Við Íslendingar erum oft 30 árum á eftir öðrum, og það passar svo sem vel við að við kusum Viðreisn og Samfylkingu til að stjórna landinu, og Flokkur fólksins fékk að vera með, en eftir að hafa svikið sín loforð við alþýðuna, eða frestað þeim, og eftir að hafa lent í allskonar leiðindamálum hefur fylgi þeirra dalað mjög.

Það er í raun skrýtið að Trump er sá fyrsti sem beitir tollum svona markvisst til að vinna gegn fjölfrelsinu frá ESB sem rífur niður þjóðríkin og skapar sífellt meiri heimsku og sífellt lægri samnefnara græðgi og spillingar.

Þetta kemur kannski á óvart því þetta er úthugsað og skipulagt hjá honum og hluti af stórri áætlun. (Plan er enskusletta í þessu sambandi).

Þetta er merkileg tilraun, en hvort hún tekst er annað mál.

Kommúnistar segja að þeir vilji skattleggja ríkasta fólkið til að koma á jöfnuði. Um langt skeið tóku aðrir mark á þeim og kratarnir áttu sviðið, fengu völdin á heimsvísu. En þegar vinstrimenn og jafnaðarmenn urðu mestu glóbalistarnir fóru þeir að styðja og dýrka Elítuna. Almenningur reis því upp og kaus Donald Trump og slíka menn.

Stunda jafnaðarmenn og femínískar valdakonur pólitík eða er þar bara látið eftir öllum þrýstihópum til vinstri, sem vilja engin landamæri og fóstureyðingar? Trump er að stíga skref til að efla Bandaríkin, en það er ekki auðvelt, því sú jafnréttisparadís sem ESB og aðrir draumóramenn hafa reynt að láta verða að veruleika hefur haft einhverja kosti í för með sér.

En hafa kommúnistar og jafnaðarmennirnir ekki fattað að Trump er að gera það sem er bezt fyrir alþýðuna, sem er ekki lepjandi á spena hins opinbera? Trump er að reyna að lífga við lítil og meðalstór fyrirtæki með því að efla innlendan iðnað og allrahanda starfsemi sem hefur heldur betur farið í ruslið út af alþjóðavæðingunni!

Meira en 50% Bandaríkjamanna kaus gegn alþjóðlegu valdi og með innlendu valdi. Meira en 50% Bandaríkjamanna höfnuðu frekari ríkisvæðingu og alþjóðastofnunum og vildu afturhvarf til frjálsari tíma. Að vísu fylgir því að treysta auðugum mönnum eins og Elon Musk, og hann er kannski ekki gáfnaljós frekar en aðrir í þessari stjórn, en þetta vildi fólkið í Bandaríkjunum, og þessi bylgja er víða í löndum öflug.

Við Íslendingar erum eins og lítil bátkæna og þegar stórviðrin geisa annarsstaðar eigum við í basli.

Það er ekki skrýtið að Donald Trump sé kallaður bjargvættur kristninnar og trúarinnar. Þetta er slík endurreisn þjóðlegra og hefðbundinna gilda.

Þorgerður um nýjustu vendingar: „Honum var alvara“

Athugasemdir

[Jóhann Elíasson, 3.4.2025 kl. 12:08]

Alveg meirihátta pistill hjá þér Ingólfur.  En ég er skíthræddur við að nokkuð almennilegt verði gert hér á meðan við höfum þessa INNLIMUNARSINNA, sem Utanríkisráðherra og Forsætisráðherra.  Við erum með varnarsamning við Bandaríkin og í skjóli hans held ég að það yrði auðsótt mál að  gera fríverslunarsamning við Bandaríkin en Foræti- og Utanríkisráðherra hafa kosið að "HALLA" sér meira að Evrópu en við vitum alveg að Evrópa hefur ENGA getu (og sennilega engan vilja) til að verja okkur ef til stríðsátaka kæmi.  ÉG TEL AÐ STEFNA ÞESSARA INNLIMUNARSINNA GETI ORÐIÐ TIL ÞESS AÐ STÓRSKAÐA ÞJÓÐINA OG ÞAÐ YRÐU MIKIL ÞJÓÐÞRIF AÐ ÞVÍ AÐ KOMA ÞEIM FRÁ VÖLDUM SEM ALLRA FYRST.......

[Jónatan Karlsson, 3.4.2025 kl. 15:59]

Ég er sammála þessari skilgreiningu þinni, en verð þó að láta í ljós vonbrigði yfir tjónkun Trumps við zionista, sem er þó skiljanleg að því leyti, að hann hefði aldrei náð kjöri án stuðnings þeirra.

Vonandi fær hann þó styrk og dug til að láta þá uppskera makleg málagjöld án beinna afskipta sinna manna.

[Guðjón E. Hreinberg, 3.4.2025 kl. 17:29]

Við kusum? Kosningin var svo klaufalega sviðsett, að ég hélt að það væri augljóst að niðurstaðan var fengin með vélabrögðum.

Bestu kveðjur.

[Guðjón E. Hreinberg, 3.4.2025 kl. 17:32]

Vildi bæta við, að jú, þetta með að vera þrem áratugum á eftir er rétt, en aðeins að því er virðist. Það er ekki vegna þess að við séum beinlínis á eftir, h eldur hitt að við erum í svo stórkostlegri sjálfsafneintun, vélaðri eða sjálfvalinni, að við höfum glutrað niður eigin hugsun.

Þjóðveldið var árið 930 AD, svo langt á undan sínum eigin hnattræna samtíma, að okkar vélvæddi fulllyfjaði samtími hefur enn ekki náð þangað ... og annað eftir því. Okkur var plantað hér til að rækta þá hugsun, en ekki að kæfa hana í kör erlends heilaþvottar og innlenddra raungusegða.

[Ingólfur Sigurðsson, 3.4.2025 kl. 17:41]

Sammála er ég þessu sem þú skrifar Jóhann. Hinsvegar er fylgi Samfylkingar enn mikið, og oft stærsti flokkur í könnunum enn. Þar stendur hnífurinn í kúnni.

[Ingólfur Sigurðsson, 3.4.2025 kl. 17:42]

Já þetta með Zíonista er gamalt mál. Ég efast mjög um að þeir fái nein makleg málagjöld, eða ekki á meðan núverandi Elíta heldur völdum, og erfitt að sjá að það taki enda.

Þó er menning gyðinga merkileg, halda skal því til haga, en framferðið á Gaza skelfilegt...

[Ingólfur Sigurðsson, 3.4.2025 kl. 17:45]

Þetta var djúpt hjá þér að venju Guðjón og sérstaklega seinni athugasemdin. Maður gæti reynt að skrifa langan pistil útfrá þessu.

En hvernig er hægt að lækna þjóðina af þessari sjálfsafneitun?

Beztu kveðjur.