Leifar af bjórbanninu

Hvaða áhrif hafa áfengisauglýsingar? Engin áhrif. Fyrir nokkrum áratugum höfðu auglýsingar áhrif, en ekki lengur. Mannskepna nútímans er svo mettuð af áreiti í tölvum eða snjallsímum og snjalltækjum að áfengisauglýsingar í sjónvarpi skipta engu máli. Þegar mettun skilningarvitanna verður fullkomin þá man maður hvorki né skynjar auglýsingar. Þetta bann við auglýsingum á áfengi er þannig dæmi um úrelt lög.

Þegar RÚV var allsráðandi, ekkert net, engir samfélagsmiðlar í tugatali, þá lærði maður auglýsingar utanað. Gott dæmi er auglýsing Sverris Stormsker: "Njóttu lífsins fáðu þér svala!" Ég er reyndar ekki viss um að hann hafi samið þennan lagbút, en einhverntímann auglýsti hann Svala um þetta leyti.

Tveggja milljóna króna sekt lögð á Sýn

Athugasemdir

[Wilhelm Emilsson, 23.3.2025 kl. 19:48]

Ég man eftir þessum gömlu svarthvítu auglýsingum á RÚV sem maður sá í æsku, eins og til dæmis um konuna sem sagði um manninn sinn: "Hann hefur ekki verið mönnum sinnandi síðan hann fékk nýju Tandberg hljómflutningstækin!" Hann er að hlusta á fimmtu symfóníu Beethovens og þykist vera stjórnandi. 

[Ingólfur Sigurðsson, 23.3.2025 kl. 23:35]

Takk fyrir þetta Wilhelm. Ég man eftir þessu og skellti uppúr. Já, í þá gömlu góðu daga þegar þjóðin velti sér yfir dagskránni á RÚV, en þá var hún líka merkilegri. Fullt af flottum heimildaþáttum frá BBC, Derrick, norrænar myndir, mikið jafnvægi í þessu. Sígildar svarthvítar bíómyndir frá 1940-1960... þetta var virkilegur metnaður.

Ein svarthvít mynd var sýnd í RÚV í vetur. Ég var mjög hissa þar til ég komst að ástæðunni: Henni var leikstýrt af konu og konur í flestum aðalhlutverkum. Undantekningin sem sannaði regluna circa 1960! Þetta sýnir RÚV til að sinna femínísku kristniboði sínu!

Takk fyrir skemmtilega og góða athugasemd. Beztu kveðjur.

[Wilhelm Emilsson, 24.3.2025 kl. 02:14]

Kærar þakkir, Ingólfur. Gaman að þú mundir líka eftir þessari auglýsingu :)