Fréttaflutningur í RÚV er falskur, þar sem aðeins er sýnt frá Úkraínumönnum sem styðja stríðið og Selenskí. Margir þeirra vilja hætta að berjast og vilja koma Selenskí frá

Í kvöldfréttum RÚV kom fram að "stuðningur" Bandaríkjamanna við Úkraínu minnki, en andstaðan við að "hjálpa" þeim (að deyja í stríði sem var hannað af Demókrötum) aukist, og nú séu 44% Bandaríkjamanna á móti því að Donald Trump og ríkisstjórn hans hjálpi Úkraínumönnum að komast yfir móðuna miklu með fleiri hergögnum.

Í RÚV er þetta matreitt þannig að fleiri Bandaríkjamenn "hati" Úkraínumenn, fyrst þeir vilja frekar frið en stríð, frekar kærleika en mannfall.

Síðan koma spádómar um að Vesturlandabúar séu að verða eins, að teikn séu á lofti að stuðningur við Úkraínustríðið sé að minnka á Vesturlöndum, og einnig inni í Úkraínu sjálfri.

Á sama tíma fá Vesturlandabúar móðursýkikast ef snurða hleypur á þráð stríðsmaskínunnar og ef Donald Trump hegðar sér ekki nákvæmlega eins og Joe Biden, meiri mannfórnir, meira hatur og svo framvegis.

En rás viðburðanna hefur sýnt að Selenskí sýnir vilja til að semja við Bandaríkjamenn þótt Trump hafi ekki meðhöndlað hann eins og prinsessu og frelsara heimsins, eins og Davosdúkkulísurnar okkar íslenzku gera, Fjandanum einum til fagnaðar!

Rás viðburðanna er niðurlæging fyrir fréttaflutning hér á Vesturlöndum þar sem móðursýki og tryllingur er espaður upp í fólki.

Leiðtogar í Evrópu herðast nú margir í æsingnum gegn Trump og vilja að stríðið í Úkraínu haldi áfram.

Athugum kringumstæðurnar.

Hvort sem við erum að tala um Frakkland, Þýzkaland eða önnur ESB-ríki þá er það sameiginlegt með þeim flestum, ef ekki öllum, að þrýstingur og spenna VEX innanlands, óánægja, gremja, og fleiri raddir heyrast en þær sem boða hina einu sönnu ESB-stefnu.

Það er svo sem tímanna tákn, að Ísland sem er 30 árum á eftir tímanum skuli vera með sína ESB-sinnuðustu ríkisstjórn einmitt núna, þegar ESB glímir við sína verstu ímyndarkrísu og tilvistarkrísu allra tíma!

Það er ágætt, til þess að skilja heimsmálin, að Emanuel Macron Frakklandsforseti flytur þessa ræðu sína inní þetta pólitíska umhverfi, að stjórnmálaöfl sem eru í fullu samræmi við Donald Trump og Repúblikana í Bandaríkjunum verða vinsælli, en jafnaðarfasistarnir missa fylgi og trúverðugleika, sem vilja halda áfram með stefnu Angelu Merkel og hennar líka. (Hræja).

Ímyndarstríðið er sem sagt að tapast fyrir gildum alþjóðavæðingarinnar, og það bitnar á heimsviðskiptum. Rökin sem rasistarnir (sem kannski eru ekki rasistar heldur þjóðernissinnar og bezta fólkið) notuðu fyrir löngu reynast sannleikurinn og veruleikinn, það sem aðrir hefðu átt að skilja líka, til að forðast að öfgar yrðu nauðsynlegir til að koma á réttlæti að nýju.

"Góða fólkið" sem telur sér ögrað af rasistum eða Trumpistum eða Pútínistum eða öðrum sem ekki hafa sömu skoðanir, það skiptir ekki endilega um skoðanir strax, og kannski aldrei, heldur verður það margt öfgafyllra í sinni afstöðu, skautunin vex því, hjá sumum. Þó er kannski meirihluti fólks sem skiptir um skoðun og stekkur á Trump-vagninn og Pútín-vagninn.

En Emanuel Macron og næsti kanslari í Þýzkalandi munu ekki líta í eigin barm og finna neitt rangt við sína stefnu eða stefnu ESB ríkjanna allra. Þannig að þótt ESB hafi ekki verið stofnað sem hernaðarbandalag heldur friðarbandalag þá hefur það breyzt í hernaðarbandalag, því það berst fyrir lífi sínu og sjálfsmynd sinni, á meðan almenningur áttar sig og er að vakna upp við vondan draum af afleiðingum þess.

RÚV er orðið að nátttrölli. Það er að breytast í stein því dögunin er komin. ESB allt virðist orðið að nátttrölli að því er virðist, þar er ekki stefnubreytingar að vænta.

Það að Macron þurfi að ávarpa þjóð sína og tala gegn Trump og hans stefnu, sýnir hvernig almenningur í Frakklandi er á báðum áttum, og farinn að vakna.

Óvissutímarnir í ESB eru tilkomnir vegna þess að þar þarf að snúa stýrinu, og ekki frá Pútín og Trump, heldur til að nálgast þeirra stefnu, og frið á milli Rússlands og Vesturlanda, og samvinnu milli BRICS og Vesturlanda.

Ávarpar þjóð sína á óvissutímum

Athugasemdir

[Grímur Kjartansson, 6.3.2025 kl. 03:52]

Það er líka athyglisvert að USA hefur verið beinn þátttakandi í stríðinu í Úkraínu með því að veit þeim hernaðarupplýsingar en án þeirra virðast nýjustu hernaðargræjurnar vera ónothæfar

Without US intelligence, Ukraine will not be able to make such effective use of long-range Western weaponry, like the US-made Himars launchers or Stormshadow missiles supplied by Britain and France.

[Ingólfur Sigurðsson, 6.3.2025 kl. 04:39]

Já, nákvæmlega.

Takk fyrir þetta Grímur. 

[Jónatan Karlsson, 6.3.2025 kl. 06:51]

Sæll Ingólfur.

Já það er ótrúlega lélegt að RÚV sé svona hlutdrægur miðill og sýni aðeins aðra hlið deilunar - sem eðlilega flestir landsmenn trúa.

Það er t.d. ekki nefnt að Slóvakía og Ungverjaland standa ekki með ESB gegn Rússum.