"Hún snýst nú samt".

Ítalinn og vísindamaðurinn Galíleó Galílei á að hafa tautað þessi orð eftir yfirheyrslur, þegar kirkjan lét hann afneita þeim kenningum sínum að jörðin gengi í kringum sólina en ekki öfugt - eins og nú er almennt viðurkennt sem staðreynd.

Fjölmiðlamafían á heimsvísu, elítan og spútnikar hennar - hugarslökkt fylgitungl, reyna að láta Bob F. Kennedy yngri líta sem verst út, því hann heldur fram ýmsu sem er sennilega heilagur sannleikurinn, en kemur ýmsum í bobba sem hafa mikil völd.

"Hún snýst nú samt" býst ég við að hann tauti hvað sem hann er neyddur til að segja.

Það er ömurlegt að skyldmenni og vinir skuli afneita þessu mikilmenni fyrir félagslega stöðu, auð og völd!

Ef hann verður ekki skipaður heilbrigðisráðherra mun það aðeins gera ýmislegt augljósara sem blasir við mörgum, og vonandi vaknar þá stærri hluti af almenningi af sínum doða.

Dóttir JFK segir frænda sinn vanhæfan dýraníðing

Athugasemdir

[Guðjón E. Hreinberg, 1.2.2025 kl. 00:10]

Reyndar var Galíleó búinn að halda fram þessu með snúning sólarinnar í umtalsverðan tíma, og oft skrifast á við Belisario sem var yfir dómnum á honum um þessi málefni og þá með áherslu á hvernig ætti að túlka muninn á guðdómlegri heimspeki, náttúru heimspeki og heimspeki, en þessi deila er ekki kennd nútímafólkinu sem á að trúa á vísindin í blindni frekar en að rannsaka þau. Belisario og Galileó voru góðir vinir og voru það áfram eftir dóminn.

Það sem var aðal ástæðan fyrir dómnum, var að Galíleó Galilei hafði misserum saman samþykkt að taka ekki undir með niðurstöðum Kópernikusar í stjarneðlisfræði, en hafði hætt að standa við það lofoðr. Vísindaráð kirkjunnar var löngu búið að átta sig á að breytinga var að vænta í þessum fræðum, en deilan snérist ekki um það, og það er einmitt þetta sem er áhugavert, deilan snérist nefnilega ekki um hvort snérist um hvort, sólin eða jörðin, heldur um nákvæmlega það sem kom upp í Lygaraplágunni og þeir sem trúa á í blindni virðast ófærir um eða óviljugir til, að skilja.

Sem er bilað fyndið; því nútíminn er gjörsamlega týndur, og í raun meir áttavilltur og stórhættulegru en miðaldir voru.

Margir eru byrjaðir að átta sig á, nokkru sem við fórum að staðhæfa fyrir um það bil þrem árum, að RFJ er úlfur í sauðargæru, og þessa dagana er að byrja að birtast það sem við áttuðum okkur á í árslok 2016 að -pentagon elítan- blátt áfram hannaði Trampólíni með stórstyrjöld í huga og verður að öllum líkindum mikill skaðvaldur, en hann mun hreinsa upp Marxismann. Þeim fer að fjölga hratt meðal stuðningsmanna hans á næstu vikum sem munu sjá þetta.

Bestu kveðjur.

[Guðjón E. Hreinberg, 1.2.2025 kl. 00:12]

Með setningunni "taka undir með" er ekki átt við hvort þeir hefðu komist að sömu eða sambærilegum niðurstöðum, heldur, hvort G.G. myndi staðfesta eða viðurkenna N.K. ... soldið flókið og skemmtilegt mál.

Mæli með fyrirlestri David Berlinski á fundi með "sokrates in the city" í New York fyrir fáeinum árum, í tengslum við þessi mál.

[Ingólfur Sigurðsson, 1.2.2025 kl. 19:40]

Takk fyrir þetta Guðjón, ég treysti þinni þekkingu. Þú ættir að senda mér Youtube hlekk eða eitthvað svo ég viti hvernig á að leita að fyrirlestrinum. 

En ég ætlaði að svara þér með skemmtilegu svari en svolítið ósvífnu. Ég læt það fljóta með, held að þú móðgist ekki, ert flestu vanur.

Ég ætlaði að svara svona: "Sagan um Galíeó og "hún snýst nú samt" er ein frægasta sagan af honum. Það getur vel verið að hún sé eins mikil mýta og hvort Jesús var til í alvöru - en stundum eru sögurnar skemmtilegri en veruleikinn sjálfur".

En mér fannst það ekki mjög kurteislegt að vera með svona stæla - en í þessu er samt ákveðinn sannleikur, þú skilur.

Þótt ég sé nokkuð sannfærður um að Jesús hafi verið til í alvöru, var til dæmis Jónas Sen tónlistargagnrýnandi sá sem vakti athygli mína á að öll tilvist hans gæti verið mýta.

Ég var á kaffihúsi í Reykjavík 2000 eða 1999. Það var DV á borðinu og ég rakst þar á grein eftir Jónas Sen. Ég man enn eftir innihaldinu. Hann sagði að mýtan um Jesú hafi verið búin til úr þremur persónum:

A) Kraftaverkalæknir sem var í essenskum söfnuði.

B) Hryðjuverkamaður með lærisveina í kringum sig sem skapaði pólitískt umrót og Rómverjar krossfestu.

C) Heimspekingur sem kenndi gyðingum og barðist gegn hræsni meðal þeirra trúarhópa.

Kannski er þetta ekki rétt hjá Jónasi Sen, en þetta hafði mikil áhrif á mig og ég fór að lesa um þetta á netinu og bókum. Tel samt enn að hvort sem Jesús var til sem ein persóna eða margar hafi verið einhver veruleiki þar á bakvið.

En opinberar skýringar og þær frægustu eru oft ekki alveg þær réttustu eins og þú bendir á.

Þessi tilvitnun í Galíleó er bara orðin svo fræg að hún mun lifa hvort sem eitthvað er þarna ekki alveg rétt eða ekki. En takk samt fyrir að bæta við þetta.

Þú ert einstaklega fróður.

Beztu kveðjur.

[Guðjón E. Hreinberg, 2.2.2025 kl. 01:31]

Þetta eru allt verðugar pælingar, og þú hefur skrifað ágætar vangaveltur í tengslum við yfirfærslur á Ásatrúna varðandi Jesú. En fyrirlesturinn sem ég gaf í skyn, er á eftirfarandi slóð:

https://www.youtube.com/watch?v=0XIDykeZplU