Heimurinn færist nær meiri hernaðarhyggju, virðist manni

Fréttirnar um að Trump vilji kaupa Grænland finnst mér kornið sem fylli mælinn að ég fyllist óbeit á honum eins og Pútín - sem ætti að vera búinn að semja frið við Selenskí. Síðan eru þessar árásir á Úkraínu yfir jólin sérlega ógeðfelldar og til þess fallnar að maður fyllist óbeit á Pútín.

Samt sem áður veit ég um forsöguna, og ögrunina frá Nató, allt frá 2014, eða enn fyrr. En Pútín er ekki geðslegur og heldur ekki Trump.

Ekki er Netanyahu skárri, en allir þessir menn eiga sér stuðningsmenn og svo marga að það er merkilegt.

Öllu gamni fylgir einhver alvara. Grænland er ríkt af auðlindum, olíu og málmum í nútímatækni. Ætli það sé ekki það sem býr undir hjá Trump?

Ég er umhverfisverndarsinni og gleymi því ekki. Bandaríkin eru sek um mestu mengun mannkynssögunnar og að hafa kennt öðrum þjóðum þennan eitraða lífsstíl, Kínverjum þar með talið.

En Wokestefna Bidenstjórnarinnar var slík klikkun að við hana varð ekki unað. Karlahatrið í femínistum verður slíkt að það er engin hemja, eins og amma orðaði þetta oft.

Það vantar alvöru hlutleysi, fagmennsku og jafnaðarstefnu í réttum skilningi þess orðs víða.

Grænland ekki til sölu

Athugasemdir

[Jónatan Karlsson, 29.12.2024 kl. 00:56]

Sæll Ingólfur.

Mér þykir þú linast/mýkjast í skoðunum þínum, mögulega þá í takti við vaxandi feminisk völd hér á feigðarflaninu.

Þó virðist þú réttilega hafa fylgst með þeim þrýstingi og ögrunum sem hernaðarbandalagið NATO hefur beitt Rúslandi frá 2014 og reyndar frá falli Berlínarmúrsins, sem hlaut að enda með að Rússar/Pútín stigju niður fæti og það færðu auðvitað plús fyrir.

En að bera svívirðilegan barnamorðingjann Netanjahú saman við lýðræðislega kjörinn þjóðernissinnann Pútín, svo ekki sé nú minnst á Donald Trump sem þú veist líka mætavel að er annar lýðræðislega kjörinn föðurlandsvinur, það þykir mér sorglegt og bera vott um að þú sér glataður í faðm demókratísku vók-hugsjónar Þorgerðar Katrínar og stallsystra hennar.

[Ingólfur Sigurðsson, 29.12.2024 kl. 17:04]

Takk fyrir þessa ábendingu sem var vinaleg Jónatan og ég tek þetta til mín og viðurkenni að ekki eru þeir sambærilegir. Svona er gott þegar aðrir benda manni á.

Ég var með þessari færslu að reyna að koma til móts við alla þá sem pirrast á því þegar ég hef staðið með Pútín eða Trump. Ég gerði mér grein fyrir að það væri stefnubreyting. 

En stanzlausar fréttir RÚV um grimmd Rússa hafa jú haft áhrif á mig líka, aumingja Úkraínumennirnir í kulda sem þurfa að kynda upp í gömlum kolaofnum með spreki og trjágreinum... Þannig hefur RÚV verið með áróður um hátíðarnar.

Jæja sjáum til hvernig skoðanir mínar verða í framtíðinni, en áróður RÚV hefur því miður áhrif. Þó velja þau úr fréttirnar, aldrei allur sannleikurinn sagður.

Óska þér gleðilegra áramóta. Þetta var ágæt leiðrétting.

[Jónatan Karlsson, 30.12.2024 kl. 01:25]

Sæll aftur og þakka þér skilningsrík svör og auðvitað velkominn aftur í andófið.

Bestu Nýárs kveðjur.