Okkar vestræna þjóðfélag sem Nató-Kata og Nató-Þórdís Kolbrún verja með mesta stríðsrekstri frá lokum WW2, það hriktir í því

Byssubann myndi ekki útiloka svona dráp í skólum, en fækka þeim þó. Hér er einhver djúpstæðari vandi á ferðinni. Bandaríkin hafa verið á undan í þróun á helstefnunni með sinni fjölmenningu oft og einatt. Eitthvað er farið að bera á svona árásum víðar á okkar jörð, jafnvel á Norðurlöndunum. Því má búast við að í öllum löndum færist þetta í vöxt. Einnig á Íslandi má búast við þessu, því við erum hluti af sömu menningu og tölfræðin á við okkur líkaa.

Fyrir nokkrum áratugum, til dæmis þegar ég var krakki, var það nánast ómögulegt að 15 ára unglingsstelpa gæti gerzt sek um morð af þessu tagi. Jú, allt er mögulegt, en tölfræðin var þannig að það var svo ólíklegt að það gerðist ekki.

Þessar tíðu skólaskotárásir og fjöldamorð í Bandaríkjunum eru grunsamlegt fyrirbæri. Hér vaknar grunur um að samsæriskenningar séu sannar, um að flúor eða enn verri eiturefni séu í vatninu - eða komist í fólk með öðrum hætti. Þetta er ekki eðlilegt, hreint út sagt.

Það er mjög merkilegt að Þórdís Kolbrún og aðrir af hennar sauðahúsi vilja leggja útí stórfelldari stríðsrekstur við áður vinveitt ríki en frá lokum seinni heimsstyrjaldarinnar til að verja þetta þjóðfélag sem birtist okkur meðal annars í svona skotárásum og óhamingju þeirra sem skilgreind eru sem börn, 15 ára gömul.

Þessi stríðsrekstur Þórdísar Kolbrúnar á að vísu að heita "vörn fyrir lýðræði og frelsi og vestræn gildi", en það er nú bara frasi, sem á ekki endilega við raunveruleikann, heldur valdahyggjuna í NATÓ.

Hvað erum við að skipta okkur af nágrannaerjum Rússa og Úkraínumanna? Úkraínumenn eru rússneskumælandi.

Erum við að skipta okkur af mannréttindabrotum í Kína þar sem þjóðabrot eru kúguð af kommúnistastjórninni í Peking? Nei, alls ekki.

15 ára stúlka myrti tvo og særði sex