Eins og í Bandaríkjunum þarf stuðning þeirra sem ættaðir...

17.12.2024 | 14:07

Eins og í Bandaríkjunum þarf stuðning þeirra sem ættaðir eru frá útlöndum til að koma öfgafemínistum frá völdum

Rajan Parrikar heitir maður sem er búsettur á Íslandi en ættaður frá Goa á Indlandi. Hann mun vera ljósmyndari og tónlistarmaður að atvinnu. Hann hefur verið búsettur hér í um tvo áratugi samkvæmt heimasíðu sem hann heldur úti.

Grein hans í Nútímanum hefur vakið athygli:"Íslenskar konur - leiða þjóðina til tortímingar.

Það er fyndið að lesa athugasemdirnar á DV. Vegna þess að hann er af indversku ætterni eru margir sem kalla það rasisma að gagnrýna málflutning hans! Þarna glottir maður og skemmtir sér, því þarna er "góða" fólkið loksins komið í klemmu og þversögn. Af því að útlendur maður - sem kalla má líka Íslending núorðið - skrifar þetta, þá er taka margir undir það.

Ég verð að segja að mér finnst grein hans í Nútímanum sérlega flott og rétt, og tek undir hana. Rajar skrifar það sem mörgum finnst og gerir það skýrar en flestir. Hann auðgar menninguna, og er dæmi um útlendinga sem sannarlega auðga menningu sem er að falli komin vegna femínisma.

Hugsum um hvað margt er orðið fáránlegt á Íslandi í dag. Maður sem hefur hér verið búsettur í um 20 ár talar og skrifar miklu betri íslenzku en fjölmargar alíslenzkar fjölskyldur sem fá allt sitt áreiti úr Netinu eða erlendum síðum! Já, margt ungt fólk les varla bækur lengur, og hefur lítil sem engin samskipti við eldri kynslóðir sem hafa meiri orðaforða!

Þessi maður hefur án efa lesið margar góðar bækur og lært af þeim.

Nú eru uppi hugmyndir um að láta viðtengingarhátt detta útúr málinu, svo nokkuð sé nefnt. "Nýjungagirnin" (uppgjöfin) kemur mest frá ungum konum, og Rajan kemur inná það.

Ofdekraðar wokekonur nefndir hann "Reykjavicensis", tækifærissinnar sem nota karlmenn eins og óhreinar tuskur sem þær fleygja svo í ruslið.

Já, hann sér að kvenþjóðin er að leggja íslenzka menningu í rúst og Ísland allt. Það er deginum ljósara.

Ég ætla að vitna í hann í lok pistils síns. Ekki er hægt að orða þetta betur en hann gerir í pistli sínum:"Þegar flónska þeirra er gagnrýnd grípa þær til útjaskaðra aðferða:Að beita kynferði sínu sem skildi og sverði og fordæma gagnrýni sem kvenfyrirlitningu".

Kannski tekst okkur að endurreisa íslenzka menningu með hjálp svona manna. Vonandi.

VG gæti þó því miður risið upp að nýju eins og hver annar niðurkveðinn draugur. Ég er þó sáttur við Svandísi í VG, þegar hún sagðist ætla að búa til fleiri smákökutegundir en nokkrusinni fyrr fyrir jólin. Já, þar gera konur gagn og eru ekki að skemma þjóðfélagið með bulli, þegar þær sjá um heimilisstörfin.