Hversvegna undirbúa Svíar hálfa milljón grafstæða?

Síðan Svíar fóru inní stríðsklúbbinn Nató hafa þeir verið að búa sig undir stríð. Hvað er verið að segja þeim sem almúginn fær ekki að vita um hér á Íslandi? Hvernig er hægt að túlka óræð og dulkóðuð svör Þórdísar Kolbrúnar fráfarandi utanríkisráðherra?

Hún er farin að tala eins og véfréttin í Delfí. Þó má ráða af henni að Natófólkið býst við öllum fjáranum. Eða er það kannski að kynda undir ófriði eins og Guðmundur Franklín Jónsson hefur verið að fræða fólk um í góðum þáttum á Útvarpi Sögu nýlega?

DV er með skelfilega en áhugaverða grein í dag: "Svíar undirbúa sig undir stríð - Undirbúa hálfa milljón grafstæða".

Þórdís Kolbrún var í fjarviðtali í Silfrinu nýlega. Mér fannst skelfilegur boðskapurinn hjá henni sem ég las útúr því viðtali, á milli línanna. Ég hef ekki bloggað um þetta, því ég hélt að aðrir tækju upp boltann og gerðu það, því mér fannst það svo augljóst sem hún var að tala um, og sem ég held að brjóti gegn landslögum, stjórnarskránni og samþykktum.

Þegar hún talaði um ábyrgð okkar Íslendinga í Nató og hvernig við höfum sérstöðu, þá talaði hún um umskipunarhöfnina, eða flotastöðina sem á að koma upp við landið.

Guðmundur Franklín vildi nota orðið flotastöð en ekki umskipunarhöfn, í viðtalinu við Arnþrúði nýlega, en hann er fróður og samsærisnörd eins og hinir allra beztu menn gjarnan eru.

Þó fer hann svo nálægt veruleikanum að hann er eiginlega ekki samsærisnörd, heldur fjölfróður maður sem kryddar mál sitt með því sem sumir þora ekki að minnast á.

En þegar Þórdís Kolbrún ræddi um þetta í Silfrinu þá talaði hún um að ábyrgð okkar væri mikil því við gætum ekki sent hermenn til Úkraínu í stórum stíl eða borgar eins háar fjárhæðir og fjölmennari þjóðir.

Á henni mátti skiljast að við ættum að sætta okkur við að hér yrðu geymd vopn, jafnvel kjarnorkuvopn eða sýklavopn eða efnavopn, í stríðinu við Rússa. Hún talaði um fordæmalausa tíma og eitthvað slíkt.

Starfandi utanríkisráðherra talar ekki svona nema viðkomandi viti eitthvað sem við hin höfum ekki fengið að heyra um í smáatriðum.

Síðan var hægt að lesa á milli línanna að kæmi til stríðs, eða þriðju heimsstyrjaldarinnar, þá yrðu Íslendingar sendir til Úkraínu til að berjast eða eitthvert annað!!!

Þetta er það sem það þýðir að vera hluti af Nató í stríði!!!

Síðan hrakti hún rökin um að Ísland væri segulstál fyrir árás, eða reyndi það eftir sinni beztu getu.

Hún sagði að það hefði aldrei virkað þannig í stríði að herlaus þjóð yrði ekki hernumin eða á hana væri ekki ráðizt, væri hún hernaðarlega mikilvæg, eða á slíkum stað, eins og Ísland er.

Já, og þessu til sönnunar má benda á að Bretar komu hingað á undan Þjóðverjum í WW2. Þeir hernumdu landið á undan Þjóðverjum í raun, og Bandaríkjamenn tóku við af þeim. Þjóðverjar höfðu öðrum hnöppum að hneppa. Gerlach var hrakinn í burtu, en hann var að skoða ýmis mál, og gaf Íslendingum sömu falleinkunn og aðrir gera sem skoða aðstæður.

Það er rétt hjá Þórdísi Kolbrúnu, að herleysi ver ekki ef stærri þjóð hefur tök á að hernema lítið land og áhuga á.

Herleysi hinsvegar getur lágmarkað skaðann af hernámi.

Eftir því sem hervaldið er stærra og sterkara sem er fyrir hendi, þeim mun harðari árásir eru gerðar á slíkt land - ef það er gert á annað borð.

Þegar Þórdís Kolbrún notaði orðið "fælingarmáttur", þá varð hún vandræðaleg og skömmustuleg eins og hún væri að ljúga og blekkja - sem hún auðvitað var að gera.

Natóaðild útilokar ekki árás á Ísland.

Natóaðild eða herseta hefur takmarkaðan fælingarmátt. Rétt er að ákveðinn fælingarmáttur felst í slíku. En í allsherjarstríði kemur til þetta atriði sem Þórarinn Eldjárn fjallaði um í Segulstöðvarblús, í allsherjarstríði er fýsilegra fyrir Rússa að þurrka Ísland af landakortinu til viðvörunar, en sum önnur svæði. Enginn saknar okkar Íslendinga, og kjarnorkumengun yrði eitthvað minni í nágrenni Rússlands - þótt hún berist um allan hnöttinn fyrr eða síðar.

Finnar og Svíar uppskáru helvízka stigmögnun af Natóaðild sinni. Þeir uppskáru skyldu til að taka þátt í stríði, og fórna mannslífum þegar og ef... Heimskan við móðursýkina er alltaf söm við sig.

Eins og Guðmundur Franklín talaði um við Arnþrúði, þá er það Nató sem vill æsa til kjarnorkustyrjaldar en ekki Rússar. Það eru geimverurnar í Nató, og hér á Vesturlöndum, þar sem fólk er síður mennskt, enda sprautað í hel. Það eru femínistarnir, með X-2000 stýriefnið í líkömunum, sem gerir fólk að zombíum, uppvakningum, tekur burt frjálsan og sjálfstæðan vilja, en það kemur úr líkamsskrauti, eins og eyrnalokkum og fleiru, og hefur verið að eitra þetta mannkyn í þúsundir ára, en aldrei eins og hin seinni ár og áratugi, enda innrás geimveranna á jörðina í fullum gangi, þótt þær séu ósýnilegar, og setjist að í fólki, geri það andsett, "góða fólkið", og aðra svo sem líka.

Ef við fáum friðsaman utanríkisráðherra næst, þá verður minni Nató æsingur þar en áður. Úr Flokki fólksins eða Samfylkingunni byggist ég frekar við þannig manneskju en úr Viðreisn - sem er klofningur úr Sjálfstæðisflokknum.

Samfylkingin er með fullt af fólki innanborðs sem á rætur í friðarhreyfingunni. Einnig Flokkur fólksins, þar er blandað mannval, eins og stefna þeirra er.

Við megum gjarnan vera með landher hér á Íslandi sem væri mannaður Íslendingum, til að efla þjóðarvitundina, en í gereyðingarstríði er skárra að verða auðveld bráð en þátttakandi í geðveikinni. Þá skiptir engu máli hver hertekur mann, heldur að lágmarka geðsýkina og æsinginn.

Stundum fer hernaðarfræðin útí hreina geðveiki, eins og þegar kjarnorkuþjóðir vígbúast og segja að betra sé að sprengja hnöttinn þúsund sinnum í öreindir sínar en að tapa stríðinu.

Í sambandi við fréttina sem tengd er við þennan pistil vil ég segja þetta: Selenskí er þakklátur fyrir að einhver Úkraínumaður vilji láta drepa sig í stríðinu við Rússa, því þá fær hann hærri spillingargreiðslur frá Vesturlöndum.

Öfugmælin eru alltaf að koma frá honum. Hann talar um að hermennirnir þeirra bjargi mannslífum. Það er ekki þannig að Rússar hafi endilega áhuga á að drepa Úkraínumenn, en þeir neyðast til þess þegar stríð geisar og þeir hafa skipanir til að fylgja.

Hermenn og stríðshyggja bjarga ekki mannslífum, heldur hækka tölurnar yfir mannfallið. Þetta vita allir sem hætta að endurtaka áróður og pæla í þessu. Stigmögnun stríðs og áframhald hættir þegar mótspyrnan hættir.

Það er sama móðursýki og áður að Rússar ætli að ná heimsyfirráðum. Endurreisn Sovétríkjanna er það sem fyrir þeim vakir.

„Þakklátur fyrir hermennina sem verja Úkraínu“

Athugasemdir

[Guðjón E. Hreinberg, 16.12.2024 kl. 14:56]

Þjóðverjar ætluðu aldrei að hernema landið - vissulega átti herráðið plön um það eins og allt annað, meiraðsegja um Grænland - en það stóð aldrei til engu að síður.

Og herlaust land, sem er hernumið í stríði, fórnar engum ungum mönnum, og herlausu löndin losna nær alltaf við hernámsliðið fyrr frekar en síðar.

Elítan er sturluð og almúginn stjarfur.

Bestu kveðjur.

[Guðjón E. Hreinberg, 16.12.2024 kl. 14:57]

... plön eru eins og allt annað, allar konur eiga t.d. plön í kollinum um hvernig þær myndu skila karlinum og finna annan (eða aðra), þó þær framkvæmi það [kannski] ekki.

[Ingólfur Sigurðsson, 17.12.2024 kl. 13:20]

Já það er rétt, ég skrifaði að Þjóðverjar hafi verið að "skoða ýmis mál", það var bara annað brýnna hjá þeim en að ná tökum á þessum klaka þeirra, en áhuginn var til staðar. Ekki nógu ofarlega á forgangslistanum. Ég er sammála þessu sem þú skrifar, þeir ætluðu ekki að hernema landið, skipun var aldrei gefin út um það, en Bandamennirnir óttuðust það samt. Sama móðursýkin og í sambandi við Rússa. Bara óttinn gerir menn gjörsamlega stríðsóða.

Tek undir þetta allt.

Takk fyrir innlit og góðar athugasemdir.