Það getur brugðið til beggja vona eftir uppreisnir. Spurning um áhrif Vesturlanda.

Auðvitað er maður sammála Þórdísi Kolbrúnu í þessu, nú er einum einræðisherranum færra í heiminum, en enginn veit hvað við tekur.

Svo mikið er víst að islamistar eru ekki einsleitur hópur heldur margskonar. En það er hlálegt að uppreisnarhópurinn (HTS) sem hefur náð völdum á sér rætur í hryðjuverkasamtökum. Enn og aftur kemur í ljós að frelsishetja fyrir sumum er hryðjuverkamaður fyrir öðrum.

Þrátt fyrir að jíhadistar séu öflugir innan HTS hópsins er ekki ljóst hvernig stjórn þeirra verður eða þróunin í framhaldinu af þessu. Þeir halda tengslum við Bandaríkin, og virðast reyna að fara hófsama leið, og halda eftir embættismönnum frá Assad-tímanum.

Nú reyna Bandaríkjamenn að festa sig þarna í sessi og Rússar á útleið og flótta.

Sigurvegarinn Donald Trump virðist hafa flesta þræði í hendi sér, maðurinn sem var úthrópaður og hataður af flestum á Vesturlöndum fyrir nokkrum mánuðum og vikum, og eiginlega allt frá því hann náði fyrst kjöri 2016.

Sigur Donalds Trump er skínandi og sigur gyðinga á heimsvísu með honum, styrking þeirra á kostnað múslima útum allt. Það er gott og blessað. Gyðingar hafa að minnsta kosti samið sig mun meira að vestrænum lifnaðarháttum, eins og sjá má á þátttöku þeirra í Eurovision, til dæmis, og eru viðurkenndir sem ákveðinn hluti Vesturlanda.

Þetta virðist þjóðernisleg bylting Sýrlendinga eftir fréttum að dæma, með trúarlegu inntaki og islömsku. Ég held að sprengjuárásir Bandaríkjamanna geti ekki minnkað trúarhita Sýrlendinga og ef þeir sveigjast í sömu átt og Afganir, þá er ekki auðvelt að breyta því. Það er ekki hægt að breyta þróun sem á sér stað meðal þjóða með sprengjuárásum, það hefur sýnt sig áður.

Emanuel Swedenborg ræddi við andana. Ég hef rætt við fólk á öðrum hnöttum. Er mark á slíku takandi?

Allavega, ég taldi mig hafa rætt við Jahve, guð Biblíunnar í fyrra. Mér fannst það stórkostleg upplifun. Hann eiginlega sannfærði mig um að vald hans væri enn mikið. Hann sýndi mér sýnir og framtíðarmyndir um valdbeitingu og stríð af hans hálfu til að koma á trúuðu mannkyni aftur. Þetta var alveg stórmerkileg upplifun.

Slíkar upplifanir eru oft eins og í brotum. Það er margt í þessu skrýtið, eins og að Allah, guð múslima, hann byggist á opinberunum spámannsins Múhameðs, en samt einnig á gyðinglegum ritum, þetta eru Abrahamstrúarbrögð allt, byggð á goðsögnum flökkuþjóðanna á þessu svæði, og því sem varð Gamla testamentið.

Spurningin um kvenréttindi er áleitin. Spurningin um jöfnuð og mildi innan islams er einnig stór og mikilvæg.

Þrátt fyrir að Rússar hafi stutt Assad-stjórnina, þá býst ég við að þeir séu færir um að skipta um skoðun og styðja aðra þarna eða annarsstaðar, ef það hentar þeim.

En maður samgleðst Sýrlendingum, ef þetta er frelsisvæðing þeirra og sjálfstæðisvakning. Nú ættu íslenzkir fréttamenn að kafa djúpt ofaní þetta til að veita okkur lesendum upplýsingar. Nú vilja margir heyra um smáatriðin, býst ég við.

Hafa náð Damaskus og Assad flúinn

Athugasemdir

[Ásgrímur Hartmannsson, 9.12.2024 kl. 17:12]

Sýrlendingar fá ekkert frelsi, bara Islam.

Í besta fallið er ástandið kyrrstaða.  Í versta fallið haga þeir sér eins og ISIS eða Talibanar.  Aðrir trúflokkar eru þá búnir að vera, en þeir fengu þó að vera í friði undir Assad.

[Ingólfur Sigurðsson, 9.12.2024 kl. 17:56]

Það sem þeir kalla frelsi er ekki okkar mælikvarði endilega.