Syndafallið í Biblíunni - Aldingarðurinn Eden tilraunastofa, höggormurinn var sennilega sprauta með erfðabreytiefni - eins og Covid sprauturnar.

Hebreska orðið nahash merkir snákur eða höggormur, en það getur líka þýtt "sá sem skín", eitthvað sem er gljándi. Þetta er orðið sem notað er í Biblíunni yfir Höggorminn sem tældi Adam og Evu í aldingarðinum Eden. Mikilvægt er að skilja þetta vísindalega, og haugar af bókum hafa verið ritaðar um þetta og efnið á Netinu til í ofgnóttum með skýringum og umfjöllun.

Orðið nahash á hebresku er einnig rótin að orðum sem þýða á hebresku kopar, látún eða bronz eða aðrir gljáandi málmar - ef við færum þetta framar í nútímann og uppá okkar nútíma.

Það er mikill áhugi á þessum málum núna og vakning meðal gyðinga, kristinna manna og ótalmargra í öðrum trúarhópum eða þjóðum, sem vilja vita meira og skilja Biblíuna nútímalegum og vísindalegum skilningi. Það sést á Youtube og útum allt á Netinu, þessi áhugi á að pæla í þessu og skilja þetta vísindalega, og koma með allskonar útskýringar.

Ég hef hlustað á allmikið efni um þetta og sitt sýnist hverjum.

Þessir trúuðu hengja sinn enn í hugtökin "englar" og "fallnir englar", en ég vil vita hvað átt er við með þeim orðum og hugtökum. Engill þýðir sendiboði Guðs samkvæmt því sem flestir segja og er útbreidd þýðing á orðinu á íslenzku, en það segir mér svo sem ekki mjög mikið vísindalega.

Helzt finnst mér ef þetta er túlkað hlutlaust, að engill sé geimvera, eða maður frá framtíðinni í þeirra samtíma, samtíma þeirra sem rituðu Biblíuna og önnur trúarrit þess tíma þar sem þessu er lýst, einstaklingur með tæknikunnáttu sem kom frá öðrum hnöttum, og engill getur einnig þýtt hermaður (Guðs), eða vísindamaður, samkvæmt samhengi þessara fornu texta, eða sendiboði, sá sem kemur með skilaboð, eða hjálparengill, sá sem líknar og læknar eða leiðbeinir og varar við, eða refsar jafnvel.

Nahash hefur margar merkingar.

1) Snákur, höggormur, naðra, sem skríður á jörðinni og bítur fólk, jafnvel með banvænu biti.

2) Skínandi vera sem minnir á engil.

3) Goðsagnavera sem minnir á snák, kannski í útliti, eða er frábrugðin mennsku fólki.

4) Orðið myndar einnig rót orða sem þýða "svikari, blekkjandi, tælandi, og "diviner", sem þýðir spámaður, heilagur, guðdómlegur, yfirnáttúrulegur, sá sem gizkar á, spáir fyrir um eitthvað. Diviner var notað um heiðna spámenn og kuklara sem spáðu úr innyflum hræja, þannig að hugtakið hefur óljósa merkingu.

En eins og lesa má um á vefsíðum, þá segir menning Hebrea og fornþjóða annarra margt um þetta.

Höggormar voru almennt tengdir við vísindi, þekkingu, eða eitthvað skínandi og málmkennt, og því eru orðin sem þýða málma á hebresku dregnir af sömu rótinni og höggormur, nahash.

Nehoshet mun þýða bronz, kopar eða látún á hebresku. Það er talið náskylt orðinu nahash, höggormur eða skínandi vera, yfirskilvitleg vera.

Merkilegt er að bera saman orðin. Seraphim er þýtt sem vængjuð vera, nokkurskonar engill einnig. Þó merkir sögnin seraph að brenna á hebresku, en tengist einnig snákum, og er orð yfir snák eða höggorm eins og nahash.

Þegar höggorminum er lýst sem "slægum" í Biblíunni, þá á það við um vísindamenn, með sprautur, til að gera erfðabreytingar á fólki eða dýrum eða jurtum, til dæmis.

Nýlega var ég að kynna mér bæði Enoksbók og fleiri heimildir og hvernig aldingarðinum Eden er lýst.

Fullkomnun þessa aldingarðs í Enoksbók og víðar í þessum fornum heimildum kemur manni á óvart. Trén eru afmörkuð í garðinum Eden og óvenju skýr í vitund þeirra sem lýsa þeim og þannig afmörkuð í vitund þeirra sem koma með lýsingarnar að það er ekki trúverðugt geri maður ráð fyrir náttúrulýsingum í garði, eða opnu svæði þar sem mörg tré eru staðsett.

Aldingarðinum Eden er lýst með sterkum litum, og trén eru töfratré sem veita þekkingu og eilíft líf og eitthvað slíkt.

Þar af leiðandi, goðsagnakennt allt. Náttúrulegt umhverfi ýkt og breytt í goðsagnir.

Ég er samt ekki að kalla þetta ímyndanir eða skáldskap þeirra sem koma með þessar lýsingar. Ég hef betri skýringu sem dugar.

Ég hef lesið talsvert af lýsingum þeirra sem fjalla um geimverur, brottnám og geimskip, fljúgandi furðuhluti og slíkt.

Margt er þar mjög fróðlegt og áhugavert.

Hér eru nokkur atriði.

A) Fólk sem er brottnumið af geimverum lýsir yfirleitt ekki framandi umhverfi.

Það lýsir þekktu umhverfi en samt undarlegum atvikum, eins og í draumi. Sumt passar ekki, annað passar.

B) Fólk sem er brottnumið af geimverum lýsir til dæmis að það sé eins og að fara til tannlæknis. Íhlutir eru settir í fólk, undir húðina, í tennurnar, eða einhversstaðar. Í stað þess að fólk lýsi hvernig er inni í geimskipunum, þá lýsir það "ofskynjunum", "draumlíkum atburðum", "draumum".

C) Fólk sem er brottnumið af geimverum lýsir oft ekki útliti þeirra, heldur útliti náinna ættingja, systkina, foreldra, vina og kunningja. Sem sagt, þessar geimverur birtast í mynd ættingja og vina til að vekja ekki ótta.

D) Fólk sem er brottnumið af geimverum lýsir ferðalagi á þeirra heimahnetti eins og ferðalagi á kunnuglegar slóðir oft. Hér eru dæmi: Maður sem vinnur við trjárækt upplifir þannig umhverfi í sýninni í brottnáminu. Kona sem vinnur við kvikmyndir sér vinnufélaga úr kvikmyndaverinu. Barn sér önnur börn sem það þekkir og kunnuglegt umhverfi.

E) Til eru lýsingar á geimverum sem eru allt öðruvísi í útliti og við mennirnir, og eru það gráu, grænu geimverurnar oft, eða aðrar tegundir, sumar líkar risastórum skordýrum eða skriðdýrum, og aðrar geimverur eins og manneskjur í útliti að mestu leyti.

Margir sem fjalla um Enoksbók eru þeirrar skoðunar að Enok hafi verið brottnuminn á aðra plánetu, og Enoksbók lýsi því ferðalagi, en mörgu öðru líka, eins og innrætingu trúarlegri.

Kannski var aldingarðurinn Eden á jörðinni.

En ég tel að rétt sé að gera ráð fyrir því að frásagan um syndafallið í upphafi Biblíunnar sé dæmisaga og allegóría, goðsögn og líkingasaga, miklu efni þjappað saman í goðsögn sem gerðist á löngum tíma.

Aldingarðurinn Eden var í raun tilraunastofa. Kannski á jörðinni, kannski á annarri plánetu.

Höggormurinn var í raun vísindamaður og sprauta með erfðabreytiefni. Allt þetta og kannski fleira felst í þessu eina orði, nahash á hebresku.

Gleymum því ekki að málmar eins og eir, kopar, bronz og látún voru tákn um nýjustu tækni og vísindi á þeim tíma þegar Gamla testamentið var skrifað. Bronzöld, járnöld, þetta var þeirra hámenning og tölvutækni.

Þannig að orðið höggormur, nahash, það vísar BEINT á VÍSINDI, tilraunir með fólk, sem vísa í málma, sprautur.

Sprauta stingst inní húðina! Það passar við nahash, höggormur!

Sprauta er skínandi, það er að segja, hún endurvarpar ljósinu, því hún er úr stáli eða slíkum málmi, sem jafnvel var ekki búið að finna upp þegar Genesis var skrifuð, en eir, látún, kopar og aðrir málmar komast næst því að lýsa málmum sem eru í sprautum.

Sá sem heldur á sprautunni er læknir eða vísindamaður. Maður þekkingar, "slægðar", þekkingar, eins og orðið nahash vísar í líka!!!

Höggormurinn var því BÆÐI maður og NÁL, SPRAUTA!

Í einu orði er verkfærinu lýst og vísindamanninum sem heldur á sprautunni, með orðinu nahash!!!

Og afleiðingin af sprautunni:

Erfðafræðilegar breytingar á löngum tíma, maðurinn verður guðum líkur, veit og skilur, en eldist líka.

Geimverur sem gerðu tilraunir með fólk á fornum tíma létu ofskynjanir taka yfir, þannig að fólkið (Adam og Eva) myndu sjá aldingarð en ekki tilraunastofu.

Adam er dregið af mold, Eva er dregið af líf.

Í mjög mörgum trúarbrögðum er sköpun mannsins lýst þannig að lífsandi hafi komið í jarðarefni eins og mold.

Því er það almennt viðurkennt að merking orðanna Adam og Eva bendi á að þetta sé myndlíkingasaga, allegóría, goðsögn, ekki sagnfræði sem gerðist nákvæmlega svona.

Síðan er það siðfræðin á bakvið þetta.

En þetta er svo djúpt að þetta nægir í bili.

Var það áætlun guðanna, eða eins guðs að syndafallið yrði, að þessi þrautaganga mannkynssögunnar og vítisvist yrði með þessum hætti?

Þessi pistill minn er byggður á því sem aðrir hafa fjallað um.

Ég hef þó ekki lesið neinn koma með svona skýra útskýringu eins og ég, að segja að nahash merki sprauta og aldingarðurinn Eden tilraunastofa.

Þessi útskýring mín stenzt, en kannski er hún ekki rétt.

Hvernig verður þetta í framtíðinni?

Munu flestir komast á þessa skoðun, eða lýsa þessu á enn annan hátt?