Ef þjóðin kýs yfir sig Viðreisn næst fer hún úr öskunni í eldinn, að fá Þorgerði Katrínu sem næsta forsætisráðherra - ESB innganga?

Það er erfitt að skilja okkar þjóð. Það er erfitt að skilja hvaða ástæður 19% þjóðarinnar finna akkúrat núna til að þykjast vilja kjósa Viðreisn og hugsanlega fara í ESB. Er þetta vegna þess að þessir sömu kjósendur föttuðu að Kristrún Frostadóttir Samfylkingarleiðtogi nýtir sér stóran hluta Þríeykisins til að setja á lista flokksins, þegar vitað er að á sama tíma hefur þátttaka í bólusetningum snarminnkað á Íslandi, en Alma Möller og Víðir og fleiri reyna að afneita því að það hafi eitthvað með kófið að gera og umframdauðsföllin sem hér á landi eru óhóflega mörg, og deilt er um hvort það er sprautunum að kenna eða veirunni. Ef það er veirunni að kenna gerðu sprauturnar allavega ekki nægilegt gagn, voru annaðhvort gagnslitlar, gagnslausar eða hreinlega skaðlegar einsog virðist nú sennilegt.

Ef maður er Íslendingur þá getur maður öfundað margar þjóðir af heilbrigðara þjóðlífi og betra fólki. Nú bætast Bandaríkin í hóp þeirra landa sem eftirsóknarverðara er að vera á en þessu skrælingjalandi, Íslandi, snarvitlausra kommavitleysinga og femínista.

Þegar Miðflokkurinn fékk mikið fylgi í skoðanakönnunum, fyrir mánuði, þá var ég býsna ánægður með það. Nú finnst mér trú mín á Íslendinga aftur minnka.

Ætli þetta sé "fótanuddstækjasyndrómið" mikla sem hrjáir flesta Íslendinga? Það syndróm lýsir sér í því að mjög margir gera það sama, jafnvel þótt það sé einstaklega bjánalegt.

Þegar allar geymslur fylltust af ónotuðum fótanuddtækjum fóru jafnvel þau á RÚV að gera grín að því að eitthvað væri að þessari þjóð okkar, að hún væri klikkaðri en almennt gerist með þjóðirnar.

Það verður gæfulegt eða hitt þó heldur að sitja uppi með 20% Viðreisn þegar kosið verður. Þeirra stefna er sami aumingjaskapur og Katrínarstjórnin eyðilagði fyrir sér með. Þetta er sama ESB-hegðunin, að treysta útlærðum mafíuósum Elítunnar, ekki sjálfum sér.

Ja ef eitthvað breytist á Íslandi, þá er það þetta að heimskan vex og þjóðin fer að fyrirlíta sig meira. Ekki skrýtið þótt margir sjái útgönguleið í dópdauðanum.

Þessvegna er ég hræddur um að við missum kannski skásta eða bezta fólkið þannig, að það taki líf sitt eða hverfi í dópdauðann, eða deyi úr sjúkdómum sem eru afleiðingar af bælingu og heimsku, krabbameinin og ónæmiskerfissjúkdómar, sem koma vegna ástar sem hefur breyzt í hatur.

En eitthvað jákvætt kemur út úr því. Við fáum hermenn á öðrum hnöttum, sem verða tilbúnir að fórna lífi sínu. Reiðin leiðir af sér hörkumenn sem berjast. Það er búið að rústa íslenzku þjóðinni og það hefur verið gert kerfisbundið.

Ég get verið sammála þeim sem er lengst til vinstri að nokkru leyti, þótt aðferðir þeirra skemmi meira en reynt er að laga. Sósíalistar vilja bæta kjör fátækra. Það er góðra gjalda vert.

Samfylkingin og Viðreisn eru flokkar uppskafninga og plebba.

Það er engin stjörnufræði og ekki þarf snillinga til að fatta að ESB er að hverfa í þoku og reyk heimsku og sjálfseyðingar. Þetta er það sem kjánaprikin vilja sem kjósa ESB-flokkana.

Maskína: Fylgi Viðreisnar komið í 19,4%

Athugasemdir

[Jóhann Elíasson, 9.11.2024 kl. 10:53]

Ég tek undir hvert einasta orð í þessum góða pistli þínum.  Ég get ekki með nokkru móti skilið þetta fylgi INNLIMUNARSINNAFLOKKANNA það þarf ekki ð fara í langa eða mikla rannsóknarvinnu til að komast að því að ESB  er að "ROTNA" innanfrá og þessi "guðdómlega" evra hefur verið að falla í verðgildi alveg frá  2009 og ekkert sem bendir til að breyting verði þar á, það eru takmörk fyrir því hvað ECB (Evrópski seðlabankinn) getur lengi haldið áfram að styðja við þennan "ANDVANA FÆDDA" gjaldmiðil.  Ég segi eins og þú ""einu sinni hafði ég trú á þjóð minni en það virðist eitthvað hafa gerst" ÞVÍ MIÐUR VIRÐIST STÓR HLUTI HENNAR VERA HALDINN SJÁLFSEYÐINGARHVÖT........

[Ingólfur Sigurðsson, 9.11.2024 kl. 18:13]

Tek undir þetta allt Jóhann. Það er áhyggjuefni ef kjósendur detta í svona duttlungafulla hegðun, að kjósa Viðreisn - sem hefur mjög sérstakar áherzlur, sem jafnvel Samfylkingin hefur reynt að hverfa frá.

Ef þjóðin fer í ESB kostar það annarsskoðar sjálfstæðisbaráttu - eftir það innanfrá úr bákninu eins og Ítalir reyna. 

Segja má að hvert gott tækifæri hafi verið látið renna úr greipum okkar, Frjálslyndi flokkurinn er gott dæmi um það. Allt rættist sem þeir héldu fram. 

Ég hélt að fylgi Miðflokksins væri til marks um alvöru hægrisveiflu. Þetta er eitthvað allt annað. ESB-sveifla?