Ósjálfstæðisflokkurinn, Kvennalisti Íslands nr. 2, Sjálfstæðisflokkurinn

Jón Gunnarsson er þekkt andlit sem myndi bæta fylgi Lýðræðisflokksins. Nú ættu reiðir hægrimenn að flykkja sér á Lýðræðisflokkinn og koma honum inná þing og vel það. Ef samstaðan er næg fær Lýðræðisflokkurinn 10% eða meira.

Kvennalisti Íslands nr. 2 hefur hafnað Jóni Gunnarssyni, hann er of góður fyrir Ósjáfstæðisflokkinn.

Leiðin getur bara legið niðurávið fyrir Ósjálfstæðisflokkinn. Samfylkingin sér betur um femínisma en sá flokkur sem var vígi karlrembunnar í gegnum áratugina, Sjálfstæðisflokkurinn. Hann er ekki trúverðugur sem andstæða sín.

Vinstrimenn hata Sjálfstæðisflokkinn eins og pestina. Jafnvel hægrimenn eru farnir að flýja. Sjálfstæðisflokkurinn er hinn forni fjandi vinstrimanna og jafnaðarmanna.

Flokkseigendafélagið styður Þórdísi Kolbrúnu, og þannig skal það vera.

Íslendingar eru sömu aumingjarnir og áður. Erlendar glæpamafíur ráða hér mestu með hjálp þeirra innlendu. Stærstu flokkarnir eru útibú Elítunnar sem er tvíhöfði, demókratar eiga Samfylkinguna og repúblikanar Sjálfstæðisflokkinn. Stríðsöflin útí heimi eru þannig, tvíhöfða skrímsli. Jahve í tveimur útgáfum af sjálfum sér.

Trúið ekki orði af því sem er sagt opinberlega, ef fólk eins og Þórdís Kolbrún segir það. Kristrún í Samfylkingunni er sennilega sama tóbakið. Ríkur verður ríkari, fátækur fátækari, það er þeirra mottó.

Við kjósum yfir okkur verstu böðlana eins og venjulega.

 

Þórdís tók 2. sætið og Jón á útleið

Athugasemdir

[Helga Dögg Sverrisdóttir, 20.10.2024 kl. 19:31]

Synd að missa Jón út. Verra að hafa stríðsmálaráðherrann áfram. Haldi Bjarni Ben. ekki áfram fer hún á þing ef þannig færi að hún næði ekki fylgi í kosningunum. Vonandi sjá kjósendur hið jákvæða við Lýðræðisflokkinn.

[Ingólfur Sigurðsson, 20.10.2024 kl. 23:51]

Takk fyrir innlitið og athugasemdina, vel þegin og skynsamleg.

Svo sannarlega, vona það líka. Eitthvert fara þessir kjósendur Sjálfstæðisflokksins sem vilja hann ekki lengur. Ekki er langt síðan hann var í 25% fylgi. Fylgið ætti að rata á Lýðræðisflokkinn sem hefur tekið við með þau gildi sem klíkan hans Bjarna yfirgefur, Bjarni og dúkkulísurnar. Já, þau gætu stofnað söngflokk! Ha, ha! 

Já það er deginum ljósara að Engeyjarættin veðjar á Þórdísi stríðsmálaráðherra og aðrar dúkkulísur. En kjósendur eru ekki hrifnir. Bjarni er kominn með einhverja rosalega minnimáttarkennd á sjálfum sér og sinni arfleifð. Þar með verður hann að víkja og dúkkulísuherinn með. Nú nema hann keyri flokkinn niður í 5% eins og Svandís og félagar með VG.

Það hafa sumir óvinir Sjálfstæðisflokksins ritað þannig í athugasemdakerfi DV að þeir vona að Bjarnaklíkan og dúkkulísurnar haldi sem mest völdum svo Sjálfstæðisflokkurinn hverfi!

Jafnvel ef svo óheppilega vildi til að Arnar Þór næði ekki nægilegu fylgi núna og Lýðræðisflokkurinn, þá ætti að vera pláss fyrir 2-3 hægriflokka með mismunandi áherzlur á okkar landi, sérstaklega eftir að Sjálfstæðisflokkurinn er dauður.

Beztu kveðjur.