Eiga Vinstri grænir framtíð fyrir sér, og fleiri mál

Í þessum pistli ætla ég að vefa saman nokkrum skyldum málum sem snúast um pólitík, framtíð Vinstri grænna og fleira slíkt.

Rúnar Kristjánsson skrifar oft snarpa og beitta pistla þar sem málum eru gerð betri skil en hjá öðrum. Þó finnst mér oft ég geti ekki verið sammála, ekki sízt þegar kemur að pólitík.

Þrátt fyrir að nýjasti pistillinn eftir hann sé góður að mörgu leyti þá er hann jafn ósannur og hann er sannur.

Ég tek þó undir þá beittu gagnrýni sem þar birtist á nútímann og spillinguna.

Hann eins og aðrir vinstrimenn talar um auðvaldið sem uppruna spillingarinnar.

Hefur hann lesið bókina "Falið vald" eftir Jóhannes Björn Lúðvíksson? Hefur hann lesið þá frábæru pistla sem Arnar Sverrisson skrifar hér á blogginu, en sá maður er mjög fjölfróður og ritfær í senn?

Veit Rúnar Kristjánsson ekki að "auðvaldið" er tengt ákveðnum ættum og ákveðnum þjóðum, og þeirri þjóð sem gaf okkur Biblíuna ekki sízt? Hann hefur reyndar skrifað um þær staðreyndir sem sumir kalla samsæriskenningar, og kallar slíkt öfund í garð þeirrar þjóðar.

Mér er raunar alveg ljóst að Rúnar Kristjánsson er sannkristinn maður. Jú því geta fylgt ýmsir kostir, og ég ber virðingu fyrir kristnu fólki af gamla skólanum, það minnir á ömmu og afa, og ég veit að því fólki fer fækkandi, og varla er hægt að finna dyggðugri manneskjur, og það er hrós frá mér.

Þó veit ég einnig að sá galli er á gjöf Njarðar að þetta sama fólk það lítur átök Ísraelsmanna og Palestínumanna nokkuð sérstökum augum, og þannig að það tekur þá einatt upp hanzkann fyrir Ísraelsmenn, hvort sem það eru Zíonistar eða aðrir.

Það fylgir oft með hatur á nazistum Þýzkalands og Hitlers eins og í nýjasta pistli hans, og óverðskuldað miðað við söguna. Rúnar Kristjánsson er sögufróður maður og veit það því vel sjálfur að fjöldamorðingjar mannkynssögunnar eru fjölmargir. Það að hann telji Hitler hafa risið upp frá Helju frekar en aðrir finnst mér ekki marktækt, nema vegna þess að enginn annar gæti keppzt við Jesúm Krist um að vera frelsari mannkynsins! Þaðan er nú heiftin sprottin, að á hverjum einasta degi er fólk minnt á það að Hitler sigraði á vissan hátt seinni heimsstyrjöldina, ekki í raunheimum, en í andlega heiminum, því sigur Þriðja Ríkisins var rökrétt framhald af þróun vestræns samfélags. Það er ekki hægt að sleppa undan rás sögunnar nefnilega, þótt atburður eins og tap Þýzkalands hafi orðið.

Viðbjóður nútímans, hræsnin, óheiðarleikinn, sviksemin, tvískinnungurinn, margfaldar blekkingar menningarinnar, peningagræðgin, djöfulleg hegðunin á allan hátt, þetta er eins og ísköld vatnsgusa framaní alla þá sem hatast útí Hitler og nazistana og láta sig kannski enn dreyma um að hægt sé að klína öllu hatri mannssálarinnar á Hitler og að með því sé heimurinn eitthvað betri!

En svo ég víki aftur að bókinni "Falið vald" eftir Jóhannes Björn, sem er nýlátinn, blessuð sé minning hans, þar er mjög hlutlaus heimssýn, sem ekki er þvergirt af kristilegum fordómum eða kommúnískum.

Í bókinni "Falið vald" er fjallað um að ákveðnar ættir hafa fjármagnað styrjaldir í meira en 100 ár. Eigendur stóru bankanna, lyfjafyrirtækjanna og fjölmiðlafyrirtækjanna eru oft þeir sömu, jafnvel tengdir ættarböndum og fjölskylduböndum eða trúarbragðaböndum.

Þegar kommúnistar í gegnum aldirnar hafa búið til óvin, þá hafa þeir oft notað orð eins og "auðmagnið".

En þótt það sé satt og rétt upp að vissu marki að arðrán hefur átt sér stað, og lágstéttir þurft að líða, þá er þetta ekki eins nákvæmt og hægt er.

Bókin "Falið vald" rekur sögu þessara ætta og "Elítu" meira en 100 ár aftur í tímann.

Það sem gerzt hefur eftir að bókin "Falið vald" kom út árið 1979 er að þróunin hefur orðið hraðari í þá átt að auður hefur safnaðzt á þeirra hendur, og til æ færri einstaklinga, sannkallaðrar Elítu. Þessi Elíta er jafnvel enn tengdari demókrötum í Bandaríkjunum en repúblikönum, en tengd þó báðum flokkum svipað mikið, en Donald Trump hefur reynt af veikum mætti að losna undan slíkum áhrifum, og fengið fylgi frá fólki sem áður hefur lítið kosið. Allt þetta ómannlega hatur sem Donald Trump hefur fengið á sig er frá skósveinum og skómeyjum Elítunnar, heilaþvegna liðinu sem hlýðir eins og hundar og tíkur, og bítur og geltir til jafns, öllum til skaða og ama.

Ef maður les athugasemdir í DV þá kemst maður fljótt að því að uppivöðslusamur minnihlutahópur er sama sinnis og Rúnar Kristjánsson og Jóhannes Ragnarsson, sem er hreinn kommúnisti af gamla skólanum og viðurkennir það fúslega. Báðir þessir bloggarar, Rúnar og Jóhannes, þeir kunna sér hóf og kunna mannasiði eins og sést af þeirra skrifum. Rúnar fjallar um málin á talsvert breiðari grundvelli, en þó ekki svo miklu meira.

Ég verð að vera sammála Birni Bjarnasyni þegar hann lýsir ósmekklegheitum þessa fólks þegar kemur að því að tala um frænda hans og föður Bjarna Benediktssonar forsætisráðherra sem er nýlátinn.

Ef maður les athugasemdir í DV þá kemst maður fljótt að því að enginn hópur er eins orðljótur og vinstriöfgamenn, sem jafnvel eru ekki kallaðir öfgamenn á RÚV, heldur ekkert um þá talað eða þeirra svívirðandi orðræður í athugasemdum og víðar.

Ég tel fulla ástæðu til að hvetja Björn Bjarnason og aðra sem hafa burði til þess að skoða hvort lögsækja ætti þá sem fara algjörlega yfir strikið í athugasemdum í DV og víðar að fjalla um Sjálfstæðismenn - fyrir meiðyrði. Of lengi hefur orðið hatursorðræða aðeins þótt eiga við um hægrimenn en ekki vinstrimenn. Slíkt ójafnvægi er auðvitað ekki líðandi, að aðeins vinstrimönnum sé leyfilegt að fá skotveiðileyfi á aðra.

Að koma böndum á orðræðu á netinu, það hefur marga kosti, eins og að Sjálfstæðisflokkurinn fengi meira fylgi, með því að sýna klærnar í gegnum lögfræðina, og koma þannig á jafnvægi í almennri umræðu. Til eru margir hægrimenn sem eru reiðir, en þeir þora enn síður að tjá sig en vinstrimennirnir.

Dæmin um meiðyrði frá vinstrimönnum eru svo mörg og ná svo langt aftur í tímann í athugasemdum og víðar að þau eru sennilega um 90% til móts við 10% frá hægrimönnum, sem hafa lært að hræðast "góða fólkið" og þeirra aktívista, sem hafa í krafti alþjóðalaga náð að berja á hægri mönnum í marga áratugi miskunnarlaust, og heldur mikið.

Nú er ég loksins kominn að því máli sem fréttin er tengd við, þessa grein mína. Það er að segja, eiga Vinstri grænir framtíð fyrir sér, eða ríkisstjórnin?

Vinstri grænir höfðu nokkur áherzlumál á oddinum hér áður fyrr.

1) Umhverfisvernd.

2) Friðarstefnu - Ísland úr Nató og herinn á brott!

3) Kvenréttindi, femínisma, jafnrétti í öllum þess myndum.

4) Menningarmál, varðveizla tungumálsins, bókmenntanna, listarinnar, sérstöðu þjóðarinnar.

5) Varðveizla auðlinda landsins, að þær komist ekki í krumlur auðvaldsins í útlöndum eða erlendar hendur.

Í þessari stjórnarsetu með Sjálfstæðisflokknum og Framsóknarflokknum má segja að kvenréttindin hafi skyggt á aðra þætti, og kaffært að vísu friðarstefnuna og gert hana fullkomlega brottræka úr flokknum!

Til málamynda hafa Vinstri grænir reynt að stuðla að umhverfisvernd, en með lélegum árangri.

Nú er ljóst að Svandís Svavarsdóttir verður næsti formaður flokksins, sennilega.

Það er rétt sem haldið hefur verið fram, að allt hitt eru gufur í samanburði við hana. Hún hefur leiðtogahæfileika, ekki nokkur minnsta spurning með það. En persónuþokka hefur hún ekki til jafns við Katrínu Jakobsdóttir.

En þá vakna ýmsar spurningar, ef reynt verður að lífga Vinstri græna við.

A) Hvernig er hægt að lífga flokkinn við ef ekki á að gera gamla stefnumálið aftur að aðalmáli, "Ísland úr NATÓ og herinn á brott?"

B) Hvernig geta Vinstri grænir aftur orðið þjóðlegir og laðað að sér alla sem yfirgáfu flokkinn vegar þær áherzlur hurfu frá þeim?

C) Hvernig geta Vinstri grænir sagt sig frá Dólgsfemínisma og aftur tekið upp kurteislegan og hóflegan femínisma?

Ef framtíðin verður svona fyrir Vinstri græna, að mistökin verða leiðrétt, þá kannski hífist fylgið upp.

Annars rætist allt sem Jóhannes Ragnarsson skrifar um í sínum nýjasta pistli:

"Swandeesý fær að vera útfarastjórinn en Steingrímur, Álfheiður og Lölle verða kistuberar".

 

Drög að ályktun: VG sprengi ríkisstjórn

Athugasemdir

[Magnús Sigurðsson, 25.9.2024 kl. 06:09]

Vel gert að minnast á Jóhannes Björn Ingólfur, -hann opnaði augu margra.

Firring VG virðist algjör, samkvæmt þessum drögum af ályktun sem fréttinni fylgja.

Reyndar er hluti þjóðarinnar firrtur líka svo sennilega á að grípa til þess hálmsstrás á ögur stund.

En ríkisstjórnar ræfillinn má fara veg allrar veraldar, -einn mesti óskapnaður sem maður man.

[Ingólfur Sigurðsson, 25.9.2024 kl. 15:19]

Takk fyrir það Magnús. Já ríkisstjórnin hangir á horriminni og er að liðast í sundur. Það eru sennilega frekar litlar líkur á að Vinstri grænir nái almennilegu fylgi á næstunni og mikið upp fyrir 5 prósentin. Jafnvel þótt það næðist þá er ekki þar með sagt að aðrir vilji hafa þau næst með sér í ríkisstjórn, þannig að það verður ábyggilega á brattann að sækja fyrir þau og eyðimerkurganga kannski í nokkur kjörtímabil. Það er nú svona þegar öfgar ná fram að ganga eins og fóstureyðingalögin, sem ætti að afnema og fá þau sem voru fyrir í staðinn.

Beztu kveðjur og takk fyrir innlitið.