Þegar fólk gefur þumla (læk) á samfélagsmiðlum til að styðja lygar, geðveiki, rangar samsæriskenningar og sjálfsblekkingu eða vonda pólitík

Það vakti athygli mína þegar fréttir komu um það í DV að framgangurinn í Símastuldsmálinu er að verða eins og Páll Vilhjálmsson bloggari og kennari spáði og samkvæmt hans réttlætistilfinningu. Fleiri hafa fengið stöðu sakborninga og brátt má vænta niðurstöðu úr því máli. Eins og ég orðaði það, "þetta er högg fyrir vinstri-miðju-rannsóknarblaðamennsku í landinu". En sumir vilja lifa áfram í sinni blekkingu og afneita þessu.

Ég skrifaði athugasemd í DV þar sem ég fjalla um það að ekki er rétt að kenna Sjálfstæðismönnum um allt sem aflaga fer í þjóðfélaginu og einnig reyni ég að minna á að bloggarinn Páll Vilhjálmsson hefur með dugnaði og sannfæringu verið brautryðjandi í að vekja athygli á þessu á meðan flestir og næstum allir aðrir hafa þaggað það niður annaðhvort af ótta við sterk tök vinstrimanna á almenningsálitinu á samfélagsmiðlum eða að þetta sé bull, og sakborningar saklausir eins og einn í athugasemdum heldur fram.

En það sem er skrýtið er að mín athugasemd fær bara 4 þumla (læk) á meðan önnur athugasemd fyrir neðan fær 19 þumla, (læk), og finnst mér hún miklu innihaldsrýrari en mín og hreinlega röng.

Ég skal endurtaka athugasemdina sem fær 19 þumla (læk) og eins og flestir lesendur séu henni sammála. Hún er svona:

"Það er engu líkara en agentar Flokksins innan lögreglunnar hafi fengið skipun beint úr Valhöll um það að halda hlífiskildi yfir Skrýmsladeildinni og hræða blaðamenn til þess að láta hana í friði. Óhuggulegt mál". (Sigmundur Guðmundsson reit).

Nú spyr ég lesendur þessa bloggs: Hvað er nýtt eða merkilegt við þessa athugasemd sem verðskuldar að gefa henni 10 þumla (læk) eins og hún sé heilagur sannleikur?

Ég held að það sé alveg deginum ljósara að það sem þessi maður skrifaði er gömul, eldgömul samsæriskenning um Sjálfstæðisflokkinn sem hefur gengið eins og draugur um þjóðfélagið síðan sá flokkur var stofnaður 1929!

Þetta er samsæriskenning sem kratar og kommar halda notað sem afsökun til að hatast við Sjálfstæðismenn og neita að ræða efnislega við þá eða um þá.

Vissulega er þó hugtakið "skrímsladeildin" ekki svo gamalt, það er "skrímsladeild Samherja" sem átt er við. Það er nú enn ein vinstrisinnasamsæriskenningin sem er ósönnuð.

En í grunninn er þetta sama hugsunin og andstæðingar Sjálfstæðisflokksins hafa verið uppfullir af, að flokkurinn sé nokkurskonar mafía sem ráði öllu á Íslandi og geri það með óheiðarlegum hætti, jafnvel vart löglegum. Örnólfur Árnason rithöfundur með meiru kallaði þetta Kolkrabbann, og það var nú enn ein samsæriskenningin. Um 1990 og í kjölfar að kvótanum var komið á, þá fóru slíkar samsæriskenningar á flug og urðu vinsælar og bækur voru um þær skrifaðar og þær fengust útgefnar, eins og svo margt sem vinstrimenn og jafnaðarmenn skrifa, þótt misjafnlega merkilegt það sé.

Ég verð nú að segja að ég tel að þetta hafi verið duglegir og virðingarverðir athafnamenn sem tilheyrðu þessum Kolbrabba hans Örnólfs Árnasonar. Slík skrif eru ættuð úr rætni og öfund sumra vinstrimanna og jafnaðarmanna, og slík samtök - ef þau eru þá til - eru allt annað fyrirbæri en Elítan, sem er jafnaðarmannafyrirbæri og vinstrimannafyrirbæri. Sterkari rök eru fyrir tilvist þess fyrirbæris, og það sem meðlimirnir hafa á samvizkunni er ömurlegra en það sem Sjálfstæðismönnum er borið á brýn.

Ég er nú reyndar svo ungur að ég man ekki lengra aftur með samsæriskenningarnar um Sjálfstæðisflokkinn. En ég man þó eftir orðum eins og "Íhald", "Sjallar", og eitthvað svoleiðis, amma Fanney kallaði Sjálfstæðismenn alltaf  "Íhaldið".

En ég veit að þessar samsæriskenningar eru gamlar, ég man eftir rifrildunum á milli ömmu Sigríðar og Ólafs Valdimarssonar kommúnista og fastakúnna á verkstæðinu, ég reyndar man ekki hvaða orð hann notaði, en það voru einhverjir svona frasar, það man ég. Ég man líka að ég skildi ekkert í þessum orðum þá, 10 ára og yngri, og var mjög hissa á að fullorðið fólk gæti æst sig svona yfir hugtökum sem ég vissi ekkert hvað þýddu! Ég held jú að hann hafi notað orðið "íhaldið", en fyrir mér merkti það ekki neitt, ég var of ungur til að skilja að það væri gilt skammaryrði!

Svona til að hrekja þessa athugasemd Sigmundar G. vil ég minna á að það eru breyttir tímar frá 1991 þegar bókin eftir Örnólf kom út. Ísland var þá einsleitt samfélag og innfæddir menn unnu störfin, lítið var um að konur ynnu úti eða fólk af erlendum uppruna.

Ég benti á það í athugasemd minni í DV sem ég er fullkomlega stoltur af sama hversu fá eða mörg læk (þumla) hún fær, að vinstrimenn og jafnaðarmenn eiga mesta sök á glóbalismanum, en með honum kom mesta spillingin, mesta mansalið, eiturlyfin, vændið, líkamsárásirnar, glæpagengin, og margt fleira, unglingar leiddust útá glæpabrautina sífellt meira í kjölfarið.

Ég benti á það að óvinir Sjálfstæðisflokksins eru að þyrla upp moldviðri í sífellu, benda á sameiginlegan óvin með gömlum og úreltum samsæriskenningum (að nokkru en ekki öllu leyti, því sumt er rétt þar), í stað þess að líta á veruleikann eins og hann er í dag, allt fullt af alþjóðavæðingu, sem SAMFYLKINGIN byrjaði á og jafnvel Alþýðuflokkurinn og Alþýðubandalagið, VG og fleiri slíkir flokkar. En Sjálfstæðisflokkurinn smitaðist og tók þátt í því, og er núna orðinn eins og afturúrkreistingur af sjálfum sér, fullkominn jafnaðarstefnuflokkur með örlítil hægrieinkenni ennþá, en jafnvel meira af þeim í núverandi Samfylkingu.

Vandamál íslenzks samfélags eru ekki fólgnir í ofurtökum Sjálfstæðisflokksins á því. Jafnvel þegar Flokkurinn hafði mest völd og áhrif má deila um hvort það hafi ekki verið til gagns eins mikið og ógagns.

Undir DV fréttinni:"Segja Pútín ætli sér sigur fyrir þennan tíma" er þessi athugasemd, sem er stórhættuleg heimsfriðinum og laus við allt vit, vitskert athugasemd:

"Eyða Rússlandi, væri best fyrir heiminn". Fjórir þumlar, (læk), svo þessi vitfirring á sér einhverja stuðningsmenn, eða stuðningskvendi öllu heldur, því vitið vantar í kvenþjóðina og þær vitfirrast ef þær færa í kynjafræði og verða femínistar. (Hermann Anton Traustason).

Í fyrsta lagi gengur þessi setning Hermanns ekki upp rökfræðilega með nokkru móti.

Þú EYÐIR ekki landi, en þú eyðir fólki sem býr á einhverju landi. Jafnvel ef hann vill senda kjarnorkusprengjur á Rússland myndi Rússland ekki eyðast heldur lífið sem þar er.

Þar að auki ætti aumingja maðurinn að vita að ef kjarnorkusprengjum yrði varpað á Rússland þá myndi koma kjarnorkuvetur, því jörðin er eitt vistkerfi, og svo mikið af kjarnorkusprengum þyrfti til að útrýma öllum Rússum að það myndi hafa kjarnorkuvetur í för með sér, auk þess sem þeir myndu sprengja Vesturlönd í tætlur áður en þetta myndi heppnast.

En (að því er virðist ef maður dæmir rökin eða rökleysuna á bak við setninguna) vitfirrtir femínistar af þessu tagi eiga það skilið að farast í kjarnorkueldi og aðrir með þeim. Það hef ég skrifað áður og stend við það.

Ég kalla þennan mann femínista, því svona voru karlmenn ekki áður. Þeir kunni rökfræði og bulluðu ekki eins og hauslausar hænur.

Margir karlmenn eiga konur sem stjórna þeim og tala því eins og óvitar, því miður.

Enn fremur, fólk sem líður það og þolir að svona vitfirrtir femínistar séu til og ekki settir í meðferð til að losna við svona ranghugmyndir, það á einnig það skilið að eyðast með þessum hætti sem hann leggur til (sennilega) að Rússum verði eytt, (hann tiltekur það ekki nákvæmlega heldur nefnir Rússland).

Mannkyn sem er orðið svona gjörsamlega vitfirrt, það er búið að vera.

Ég segi nú bara það, að mér dettur ekki í hug að taka þátt í svona sjúkum samræðum. Þetta er ekki svaravert.

Til að eitthvað samfélag eins og það íslenzka geti kallazt annað en villimennskusamfélag valdasjúkra ofstækismanna, femínista, þá þarf að vera hér menning. Menning er eitthvað sem byggist á hefðum og mannlegu viti. Þegar samfélagið samanstendur af óvitum sem hafa lítið sem ekkert vit, þá er "menningin hrunin", eins og Guðjón Hreinberg hefur orðað þetta.

Sífelld manndráp á þessu ári á Íslandi staðfesta þetta svo sem, að þjóðin hefur farið gjörsamlega út af sporinu.

Ég skrifa um að senda femínista í meðferð. Það er nákvæmlega það sem þeir gerðu við konur og karla á undanförnum áratugum, settu alla í meðferð, til að svipta alla vitinu, rænunni og mennskunni.

Við þurfum meðferð við femínisma og eitruðum kvenleika.

Yfirframleiðandinn kominn með stöðu sakbornings