Verndarvættir og framliðnir ættingjar sem reyna að hjálpa til þrátt fyrir ógöngur?

Þetta er samkvæmt áætlunum eða spádómum vísindamanna. Virknin færist norðar, eftir sprungunum og flekunum og þar með nálgast sú tíð þegar skjálftar mjög stórir verða hér fyrir sunnan sem ekki tengjast eldgosum, heldur spennulosun í jörðinni og flekahreyfingum.

Það er mikið áhyggjuefni fyrir Reykjavíkurbúa og nágrenni. Einnig þetta, að það getur farið að saxast á innviði sem sjá fyrir orku víða.

Á fundum Nýalssinna þar sem samband hefur fengizt við aðra hnetti og íbúa þar hefur margsinnis komið fram að þar sem helstefnan ríkir er miklu meira um jarðhræringar, jarðskjálfta og eldgos og önnur hörmuleg tíðindi, bæði úr náttúrunnar ríki og mannanna ríki, í formi átaka og glæpaverka mannlegra.

Þetta passar svo sem alveg við það sem dr. Helgi Pjeturss hafði skrifað um sjálfur í Nýölum sínum, að með kærleiksríku hugarfari yrði allt veðurfar hagstæðara og minna um ótíðindi hvað varðar mannleg samskipti.

Hann spáði því að yrði ekki á hann trúað myndi mjög snúast á hinn veginn og válegum tíðindum fjölga, bæði hvað varðar náttúrufar og mannlega breytni. Það hefur ræzt vissulega.

Einnig er það áhugavert að vítisjarðir sem snúa annarri hlið að sólu og þar sem ævinlega er myrkur á hinni hliðinni, þær þjást oft af gosvirkni og jarðskjálftum og þar er enn erfiðara að lifa en ella sökum mengunar og annarrar óáranar.

Kirkjunnar fólk hefur haft hugboð um þetta, þegar sagt var að það væri vegna synda mannanna sem plágur gengu yfir eða náttúruhamfarir, jarðskjálftar og eldgos.

Þetta eru mjög tignarlegar og áhrifamiklar myndir.

Maður finnur mjög vel fyrir því þegar maður horfir á þessar myndir, að maður er draumgjafi og sýngjafi einstaklinga annarsstaðar í hinum víða geimi, á öðrum hnöttum, bæði ættingja okkar og ókunnugra líka.

Það vill þannig til að þegar við sem einstaklingar horfum á eitthvað sem hefur sterk tilfinningaviðbrögð á okkur sjálf, þá eykst frástreymi okkar og út, og þar að auki myndast stilliafl, hópstilling svonefnd.

Á 20. öldinni komu fram ógurlegir spádómar hjá ýmsum miðlum og sjáendum og næmu fólki, til dæmis um pólskipti og aðrar hörmungar, um Nýöld og fleira. Ruth Montgomery var ein þeirra og eiga sumir bækur eftir hana hérlendis og erlendis.

Tímasetningar hafa ekki staðizt og margir urðu að aðhlátursefni sem spáðu hinu og þessu.

Sumt getur ræzt síðar sem spáð var að kæmi á röngum tíma, annað rætist aðeins í öðrum víddum, hliðarjörðum, eða í framlífi, eða fyrir aðra lifendur.

Engu að síður er virknitímabil hafið á Íslandi hvað jarðskjálfta og eldgos varðar. Mig grunar að virknitímabilið nái yfir alla jörðina og á fleiri en einu sviði, en það yrði of langt að fara útí það.

Rauður þráður sem gengur í gegnum mörg spádómsrit sem byggja á Biblíunni, en það er nú kannski meginþorri andlegra rita á Vesturlöndum, að þrengingar og erfiðleikar séu undanfarar komu Krists, að Andkristur komi fyrst.

Ef það er rétt sem ég held fram, að víðar en á Íslandi muni margt ótrúlegt gerast, þá kann að vera að það sem sumir tala um, endatímarnir, að þeir vari yfir lengra tímaskeið en talið var, og að við sem lifum á þessum tímum munum kannski aðeins upplifa byrjun þeirra tíma, og þó kannski líka endurkomu Krists, ef það mun allt rætast, það er ekki útilokað.

Eitt er alveg á hreinu. Ef Íslendingar hefðu metið Nýalssinna að verðleikum, þá hefðu atburðir farið á betri veg, og myndu þeir fara á betri veg. Sumt verður þó ekki aftur tekið, og býsna margt.

Dr. Helgi Pjeturss markaði ný spor í þróun mannkynsins. Þegar slíkt var ekki þegið sigraði helstefnan eðlilega.

Engu að síður er það nú svo að þegar við horfum á gosið, þá vakna margar tilfinningar hjá þeim sem verða sýnþegar, skynþegar og draumþegar okkar. Sumir vilja hjálpa, aðrir vilja flýta fyrir þeirri eyðingu sem undirbúin var syndanna vegna.

Framtíðin er kannski ekki skráð niður á fullkomlega ófrávíkjanlegan máta, en leiðarhnoðurnar eru til staðar.

Atburðir úti í heimi hafa áhrif á okkar litlu þjóð.

Örlaganornirnar Urður, Verðandi og Skuld eru manni skiljanlega hugstæðar. Mikilfenglegar gyðjur, verur.

Byrjandi í þessum fögum heldur að þær ráði öllu, en svo er ekki, að sjálfsögðu ekki. Þær eru í þjónustu æðri máttarvalda og starf þeirra er í samræmi við svo margt annað.

Íslendingar hafa misst andlegt skyn sitt en það hafa aðrar þjóðir líka gert, ekki fullkomlega, en að miklu leyti.

Ég veitti því mikla og góða eftirtekt þegar frétt kom í DV fyrir um það bil ári síðan að rannsóknir hafa leitt það í ljós að Covid-19 veikindin valda rýrnun í heilavef og öðrum vefjum líkamans, skemmdum á hjarta og öðrum líffærum, en sprauturnar þó oft ekki síður og enn frekar, og þó er það einnig persónubundið samkvæmt niðurstöðum. Erfðaþættir og ástand sem fólk er í hefur sitt að segja.

Ég man nú ekki vísindaheitin sem nefnd voru, á líffærunum sem skemmast oft af völdum Covid-19, en ég man eftir niðurstöðunum.

Rýrnun verður í þeim taugavefjum sem lúta að minni, innsæi og sköpunargáfu, sem hafa með andlega næmi að gera.

Á mannamáli orðar maður þetta svona:

Covid-19 forheimskar fólk og gerir það að uppvakningum, vélmennum, heiladauðu fólki án andlegra hæfileika. Covid-19 ræðst líka mest á norrænt og germanskt fólk, minna á aðra. Það er rannsakað og skjalfest.

Þetta eru ekki samsæriskenningar. Sýklahernaður, veiruhernaður, með pólitískan tilgang.

En maður ræðir ekki vísindi við fólk sem ekkert vill með vísindi hafa, eða lítið.

Nokkrir gleðilegir punktar.

Það hefur komið fram á fundum Nýalssinna að framliðnir Íslendingar vilja vernda afkomendur sína, okkur sem eftir lifum.

Það hefur margsinnis komið fram í málflutningi vísindamanna þessi 3-4 ár síðan jarðhræringar byrjuðu með þessum ákafa, að gosin hafa komið upp á skástu stöðunum oft og einatt.

Ég held að það sé vísbending um að það sé rétt sem komið hefur fram á fundum Nýalssinna, að framliðnir geri sitt bezta til að vernda okkur og láta þessa atburði verða sem skaðaminnsta.

Á móti kemur að þungi syndannanna dregur beint niður á við, og þar er mikið eftir og ekki hægt að búast við öðru en að fari eins og stefnan vísar, niður.

Að öllum líkindum verður aukning á því að framvindan verði óheppileg, þegar gott fólk hefur horfið yfir móðuna miklu í svo stórum stíl að af því verður heldur ekki verndar að vænta frá þessari hlið, lifendanna.

Þá munu þeir sem yngri eru sækja í gamla brunna, vissulega. Það verður erfið barátta, en þegar mikið hefur tapazt verður sá róður þyngri en ella.

Sumir hafa hér á blogginu spurt hvers vegna goðin reiddust fyrir 1000 árum og fyrr?

Það er einnig langt mál og viðamikið. Kynþáttavillan og margt annað fylgdi heiðnum mönnum eiginlega frá upphafi og annað sem ekki var guðum og gyðjum að skapi, og því vildu guðirnir selja okkur í hendur trölla. Jesús Kristur tók við og Loki Laufeyjarson, Jahve.

Það var gert með vilja guðanna og gyðjanna í Valhöll. Þorgeir undir feldinum fékk þessi skilaboð.

Já goðin reiddust, en það er mjög langt mál að rekja það allt, og mjög fátt sem ég get fjallað um það. Mín þekking nær aðeins yfir þetta fáa sem ég hef fengið upplýsingar um.

Ég vil endurtaka það enn sem ég hef fjallað um áður. Okkur Íslendingum ber að flytja okkur til á landinu, frá suðurlandi og slíkum stöðum sem eru að vakna. Ég hef rætt við nafna minn sem veit og skilur. Hann nam landið.

Þeir spádómar ganga í rætingu. Nú vill hann forða okkur því honum er annt um okkur og gerði margt í trúarofsa.

Þeir atburðir gerast væntanlega á löngum tíma, en ekki rétt að halda mikilvægum hlutum frá og þegja um það sem hægt er að varast og breyta til batnaðar.

Engu að síður, þannig flutningar bjarga ekki nema einhverju. Svo stórir atburðir eru í vændum bæði á þessu landi og erlendis. Það fer svo eftir ýmsu hvernig það verður í smáatriðum og hvað fer betur eða skár en talið er.

Auk þess tek ég það aftur fram, að það gerist sennilega á alllöngum tíma, en það er þó heldur ekki fullvíst, gæti gerzt hraðar og býsna hratt, ásamt öðru sem ekki er tilhlökkunarefni á öðrum sviðum.

Aftur vitna ég í Ruth Montgomery.

Sumir jarðvísindamenn taka eftir því að öll undirstaða Íslands er að vakna.

Það eitt og sér er til marks um þetta sem ég er að fræða um, stærri atburði en hafa gerzt mjög lengi, sumt hefur aldrei gerzt sem gerist í framtíðinni.

Spákonur og slíkt fólk á oft erfitt að átta sig á ártölum. Sýnir og aðrar vitranir eru sjaldnast tímasettar.

Og þó eru þetta einnig reglubundnir fasar sem fylgja lögmálum um stærðir og slíkt, þannig að það er alveg rétt hjá vísindamönnum.

En vísindamaður á einu sviði veit kannski ekki af því að önnur svið gætu samverkað, og valdið annarri niðurstöðu.

Ég er því eiginlega helzt að tala um möguleika, og einnig er ég að segja að framtíðin er aldrei nákvæmlega eins og við höldum að hún verði. Möguleikar eru til staðar sem við getum ekki ímyndað okkur.

En ég vil hughreysta fólk enn og aftur.

Kannski eru verndarvættir að passa uppá innviðina, ef við Íslendingar höfum ekki verið of syndugir, og kannski fer þetta illa, í næstu gosum

Það er oft verið að spyrja mann um sannanir fyrir Nýalsstefnunni eða framlífinu eða ýmsu öðru sem tengist svona andlegum málum.

Glerharðar sannanir hafa auðvitað aldrei fengizt og fólk þarf endilega að sætta sig við það. Slíkt er ekki í boði og virkar ekki.

Það eina sem er í boði eru líkindi, möguleikar, sennileikar, vísbendingar og slíkt.

Ég ber talsvert mikla virðingu fyrir austrænni menningu.

Þar er áadýrkun og eddudýrkun algeng og viðtekin. Áadýrkun er forfeðradýrkun og eddudýrkun er formæðradýrkun. Sem sé, fólk leitar til dáinna ættingja og óskar eftir ástúð og vernd þaðan.

Við Vesturlandabúar höfum orðið fátækari eftir að við fórum að reisa musteri Mammons og breyta trú okkar í efnishyggju og efahyggju eða Mammonsdýrkun og fleira slíkt.

Í Gamla testamentinu í Tórunni, Mósebókunum, þar eru nokkrir ritningastaðir sem segja má að vestræn ungmenni hafi elskað að brjóta og syndga gegn síðan snemma á 20. öldinni.

Tvö atriði, bann við að leita frétta af framliðnum og bann við að fá sér húðflúr. Mósebækurnar geyma þennan fróðleik og skipanir.

Spíritisminn var álíka tízkubylgja á fyrri hluta 20. aldarinnar og líkamsskrautstízkan varð uppúr aldamótunum 2000. Greinilega má rökstyðja að hér sé andi heimsins í uppreisn gegn Biblíunni og jafnvel guði Biblíunnar, Jahve.

Sumt sem stendur í Biblíunni er rangt og það er rétt að brjóta það, eins og bannið við að leita frétta af framliðnum.

Ég vil óska þess hér í þessum pistli að aftur verði spíritismi og Nýalsstefna að tízkubylgju á Íslandi og víðar.

Of snemmt að segja hvort innviðir séu í hættu