Kosningahljóð? Hugað að rótunum? - Frjálshyggjustuðningur í reynd, ekki í orði hjá VG?

Steingrímur J. Sigfússon sást á skjánum í gærkvöldi eftir langt hlé, en stinga nú saman nefjum Vinstri grænungar í því skyni að ausa úr sokknu eða sökkvandi fleyi sínu.

Já, ævinlega virðist Steingrímur J. Sigfússon vera ráðinn í það djobb að bjarga skipum sem eru að nálgast hafsbotninn og er hann dugnaðarforkur og sveitamaður ágætur, sterkur og duglegur, þótt í Hruninu hafi hann svikið hugsjónir Vinstri grænna og hallað sér um of að íhaldi og kratisma og Alþjóðagjaldeyrissjóðnum.

Þjóðarskútan var við það að sökkva í Hruninu og þá fékk hann þetta djobb. Hann hreykti sér af því að hafa bjargað þjóðarskútunni með Jóhönnu, en um það fer tvennum eða fleiri sögum auðvitað.

Nú vill hann hjálpa til við að hífa upp fylgi Vinstri grænna, og rifjaði hann upp marga ólgusjói í þessu sjónvarpsviðtali og sagðist hafa séð það svartara fyrir Vinstri græna. Sagði hann að fáir hefðu haft trú á flokknum í upphafi, en gaf síðan í skyn að síðan hafi hann verið sjálfu Íhaldinu til stuðnings, og að Kratismanum ógleymdum. Já, hvílík hetjuverk! Fyrrverandi Alþýðubandalagsmenn hefði víst skammazt sín svo mjög fyrir slík hetjuverk að þeir hefðu aldrei mætt í sjónvarpsviðtöl við að mæra þau!

Já, gott að hafa svona reyndan mann í rústabjörgun eins og Steingrím J. Sigfússon.

Varð formanninum að orði eitthvað þesslegt, Guðmundi, að nú þyrfti að láta landsmenn trúa því að nýju að flokkurinn stæði fyrir græn gildi og vinstristefnu!

Já, makalaust!

Formaðurinn þarf að taka það fram eftir að hafa verið í stjórnarsetu með Íhaldinu að nú þurfi að sannfæra kjósendur útá hvað flokkurinn gengur! Makalaust! Ef verkin tala ekki sínu máli við stjórnarsetu, eiga þá ræðurnar að gera það í stjórnarandstöðu, ef flokkurinn þá kemst aftur á þing?

Formaðurinn viðurkenndi fannst manni að flokkurinn væri úti á túni og hefði týnt stefnu sinni og stefnumálum! Katrín Jakobsdóttir er fjarri góðu gamni og forsetaævintýrið búið, og timburmennirnir einir eftir! Já, hátt var flogið á fjöðrunum lánuðu frá Íhaldinu og fallið hátt! Vinsældir hennar voru að vísu horfnar í kosningabaráttunni, en ekki var litið í eigin barm, til dæmis að spyrja sig hvort stuðningur við fóstureyðingar fram að fæðingu hafi gert hana umdeilda.

Hvað á að gera við flokk sem er týndur og tröllum gefinn og enginn veit lengur hver stefnumálin voru?

 

„Ætlum ekki að leyfa frjálshyggjunni að sigra“

Athugasemdir

[Jóhann Elíasson, 18.8.2024 kl. 07:04]

Flokkurinn hefur nú farið þannig með heilbrigðiskerfið að það er alls ekki réttlætanlegt að ætlast til að reynd verði "endurlífgun" á flokknum þar  og mér finnst bara spurning hvort endurlífgun sé yfirhöfuð nokkuð réttlætanleg, SVO MIKIL HAFA AFGLÖP FLOKKSINS VERIÐ Í STJÓRN LANDSINS OG FJÁRAUSTURINN GENGDARLAUS, en þetta er bara mín skoðun.  EN ÞAÐ ER VÍST AÐ VG HEFUR VERIÐ MESTI SKAÐVALDURINN HÉR Á LANDI ÞEGAR FLOKKURINN HEFUR KOMIST AÐ STJÓRN ÞESS,,,,,,,,,,,,,

[Ingólfur Sigurðsson, 18.8.2024 kl. 14:22]

Sannar orð mín að konur eiga aldrei að stjórna heldur vera inni á heimilunum. ("Konum henta aðeins heimilisstörf", lag eftir mig frá 2001 af plötunni "Fyrri byggðir", 2002).

Ef þarna væru ekki femínistar við stjórn, þá væri þetta heiðarleg vinstristefna, sem er kannski alveg ágæt í hófi.

Takk fyrir innlitið.