Píratar eru búnir að þróast í venjulegan vinstriflokk

Píratar gáfu sig í upphafi út fyrir að vera fylgjandi ýmsum hægrimálum. Þeir töluðu um frjálst niðurhal og heim án höfundarréttar og netið sem vettvang þar sem algert frelsi ætti að ríkja eða því sem næst. Það myndi ég telja hluta af hægristefnunni.

Ef maður kynnir sér heimasíðu þeirra sem nú er uppi sér maður fljótt að hefðbundin vinstrimálefni eru mest áberandi, svo sem flóttamannamál og mannréttindabarátta.

Að þeir skuli nú leggja niður Pírataspjallið sem var fyrir alla gæti bent til þess að þeir séu að lokast enn meira inní bergmálshelli og séu ekki tilbúnir að hlusta á rök annarra.

Svo mikið er víst að þeir hafa stutt vinstrimenn og vinstriflokka mjög oft, og talað eins og vinstrafólk.

Mér fannst meiri þörf fyrir þann Pírataflokk sem var öðruvísi, og opinn fyrir hægrimálefnum líka.

Ég tel ekki líklegt að Pírataflokkur sem er nákvæmlega eins og Sósíalistaflokkurinn vinni almennan stórsigur og fái til sín fylgi úr öðrum flokkum.

Sögulegt spjallsvæði lagt niður

Athugasemdir

[Birgir Loftsson, 26.7.2024 kl. 11:09]

Góðan dag Ingólfur. Píratar eru stjórnleysingar. Það þýðir að stefnan breytist eftir því hver er í þingflokknum hverju sinni.

[Ingólfur Sigurðsson, 26.7.2024 kl. 15:20]

Sæll Birgir, já þetta er ágæt skýring, takk fyrir, jú þetta felst að vissu leyti í nafninu, en ég held að þeir segist stundum vera ábyrgir, en ég get samþykkt þetta.

Beztu kveðjur.