Var Brexit Bretum til hagsbóta?

Það kom mér ekki á óvart að RÚV skyldi vera með frétt í gær um það að Bretar hefðu tapað á Brexit og nú sýni skoðanakannanir eftirsjá eftir ESB. Ég veit það svo sem að þetta hefur verið boðskapurinn á RÚV í öll þessi 8 ár sem málið hefur verið á dagskrá.

En fréttin vakti hjá mér spurningar um hvað sé rétt og satt í þessu. Það er nefnilega enn einhver minnihluti sannfærður um að Brexit hafi verið til góðs, og ef skoðanakönnunin sem RÚV sýnir er fölsk, nú þá er hér á ferðinni falsfrétt frá RÚV, og ekki í fyrsta sinn.

Erfiðara er að kanna trúverðugleika brezkra kannana en íslenzkra.

Maður gefur sér þá að Bretar iðrist Brexit málsins, ef marka má fréttina og fólkið sem þar var talað við. Það rímar við tap Íhaldsflokksins sem leiddi Brexit.

En skrímslið sem við er að eiga er eina prósentið sem á 99% alls fjármagns mannkynsins. Það auðklíkusamfélag stjórnar ESB og Nató án efa og flestum vestrænum þjóðfélögum með ýmsum hætti. Eins og þekkt er stjórna peningar heiminum, eða þeir sem eiga peningana mestu.

Þótt vel megi segja að Bretar hafi sýnt sjálfstæði og skynsemi að sjá gallana við ESB, þá er feillinn sá sami hjá þeim og eiginlega öllum öðrum, að sjá ekki fílinn sem yfirgnæfir allt og alla, það er að segja þetta eina prósent sem á 99% fjármagnsins og stjórnar öllu.

Erfiðleikar Breta eftir Brexit sýna að ESB er skrímsli sem hleypir engum út nema með refsingum.

Það voru aldrei nazistar Þýzkalands sem voru skrímslin hættulegu fyrir mannkynið, heldur jafnaðarmennirnir, sem jafna allt við jörðu. Það voru fræðimennirnir sem höfðu rannsakað hvernig hægt væri að stjórna fólki og kúga almenning, í gegnum skólakerfið og menninguna alla. Það var Frankfurt skólinn og álíka marxistar í upphafi 20. aldarinnar.

Mannkynið losaði sig við nazismann. Þótt leifar af honum finnist enn er það vænisýki að telja hann mestu hættu nútímans. Nú ætti mannkynið að vinna enn meira þjóðþrifaverk og losa við sig eina prósentið sem stjórnar okkur og á 99% allra auðæva mannkynsins.

Hvernig er það gert?

Jú, það þarf fræðslu, það þarf að umbylta hugmyndum fólks, heimsmynd og gildismati. Það þarf að skrímslavæða þá sem hafa stjórnað Vesturlöndum í 100 ár og kannski lengur, voru byrjaðir að stjórna fyrir 1939 þegar seinni heimsstyrjöldin brauzt út og fyrir valdatöku Hitlers 1933.

Það þýðir að umbylta þarf RÚV og öðrum fjölmiðlum sem vinna gegn þjóðinni. Útvarp Saga og Fréttin hennar Margrétar Friðriksdóttir eru kannski ekki fullkomnir fjölmiðlar, en þó spor í rétta átt, burt frá einsleitnu kommúnismakerfi í fjölmiðlum sem þarf að umbylta.

Nú eru komin öfl sem vilja breyta ESB innanfrá. Það dugar nú kannski ekki til að breyta slíku skrímsli sem visnar jafnvel af sjálfsdáðum.

Íslendingar þurfa að sýna forystu. Spádómar Nostradamusar komu út í nokkrum bókum skrifuðum af Guðmundi Sigurfrey Jónassyni um og eftir 1990 og þar kom fram spá um að Íslendingar yrðu forystuþjóð. Það þarf að rætast, því heimurinn þarfnast forystu, hann er forystulaus, eða í höndum spillingarafla.

Norðurlöndin þurfa að sameinast á nýjan hátt, ekki undir djöflaforystu Nató sem vill leiða okkur útí kjarnorkustyrjöld og gjöreyðingu.

Það er blekking að vernd felist í vopnum. Vernd felst í kærleika og friði, samvinnu og samskiptum.

Til að gefa Brexit rétta merkingu þarf að myndast nýtt bandalag, nýtt efnahagsbandalag, stofnað gegn ESB, Nató og öðru sem hefur gengið sér til húðar.

Vesturlönd þurfa að endurnýjast.

Nigel Farage gefur kost á sér og leiðir flokk

Athugasemdir

[Guðjón E. Hreinberg, 18.7.2024 kl. 12:37]

Meirihluti Íslenskra laga undanfarin 30 ár, eru samin í Brussel. Enginn rýnandi hérlendis bendir á það, og enginn þeirra rannsakar hvaða hugveitur og sjóðir fjármagna stanslausan ESB áróðurinn, og enn færri benda á hræðilegar afleiðingar þessarar þróunar fyrir land okkar og þjóð.

Staðreyndin er sú að Ríkisstjórnir Breta síðan 1916 hafa framfylgt sömu ESB stjórnarháttum og fyrir BREXIT og það hefði mátt koma fram.

[Guðjón E. Hreinberg, 18.7.2024 kl. 12:38]

 Þá mætti koma oftar fram að flokkur Farage fékk á dögunum 15 prósent atkvæða en tæplega 1 prósent þingmanna.

[Ingólfur Sigurðsson, 18.7.2024 kl. 15:10]

Já, vel athugað. Það sem gleymist að það er ekki nóg að fara úr ESB, á meðan ESB stjórnar svo miklu af samningum og mörkuðum, og gerir flækjustigið hærra fyrir sjálfstæðar þjóðir. Jafnvel lönd utan ESB búa við regluverk alþjóðastofnana sem ESB og NATÓ hafa komið að. Sameinuðu þjóðirnar, WHO og fleiri, sterkir þræðir þarna og inní ESB og NATÓ.

Þetta er ekki einfalt. 

Takk fyrir innlitið og fínar athugasemdir.