Það er meiri þörf á sjálfstæðisbaráttu á Íslandi en nokkrusinni fyrr, fjárfestar hafa sölsað undir sig 90% seldra íbúða á árinu, Íslendingar arðrændir af fjárfestum

Það kemur á óvart að sumar fréttir fara hljótt hjá hægrimönnum, og birtast fremur í DV, eins og þessi, "Fjárfestar hafa sölsað undir sig tæplega 90% seldra íbúða á árinu - "Þetta er ógeðslegt þjóðfélag, þetta er allt ógeðslegt."

Þessi frétt kom í gær í DV og fékk mikinn lestur og 81 læk, (þumla upp sem lýsa viðurkenningu og samþykki lesenda).

Ef mér skjátlast ekki er verið að vitna í Morgunblaðsritstjórann Styrmi Gunnarsson í fyrirsögninni.

Til eru víst margir blaðamenn á Morgunblaðinu sem eru femínistar núna og hylla ekki endilega þá sem gengu á undan.

En fréttin er hrollvekja og raunveruleiki í senn. Magnús Sigurðsson bloggari hefur oft gert þessu máli góð skil og sent núverandi ríkistjórn verðugar pillur út af þessu.

Frá árinu 2021 hefur orðið gífurleg breyting til verri vegar. Hlutfall keyptra íbúða til eigin nota hefur varið úr 74% yfir í 13%.

"Almenningur er dæmdur úr leik", eins og skrifað er um í fréttinni. Íbúðaskortur, okur, þeir ríku verða ríkari og almenningur fátækari, þetta eru birtingarmyndir þess.

Hverju er íbúðaskorturinn um að kenna? Til dæmis því að flóttamenn og aðfluttir þurfa húsnæði sem ríkið þarf að redda, og stórar einingar eru nýttar til þess. Auk þess er niðurrif talsvert á eldri eignum, og gallar geta verið á nýbyggingum og takmörk fyrir því hversu hratt er hægt að byggja.

Það er verið að skipta um þjóð í landinu. Dekurbörnin sem komu foreldrum sínum á elliheimili og eru orðin gömul núna og ala upp dekurkynslóðir kommúnismans og jafnaðarstefnunnar, sem trúa á ESB og Nató, þau eru farin að læðast úr landi til að finna meiri velmegun erlendis.

Inn til landsins koma Pólverjar og fjölmargir aðrir sem hafa búið við lakari kjör í fyrrverandi kommúnistaríkjum, til dæmis.

Menningin líður fyrir þetta, og skólakerfið fær hrúgu af krökkum sem kunna ekki íslenzku og lesskilningnum hrakar.

En metnaðarleysið og hugsjónaleysið hrjáir ungt fólk sem ætti að vilja eignast sínar eigin íbúðir. Skólakerfið er búið að framleiða á færibandi kommúnista unga sem vilja bara múturnar sínar.

Hverjir eru fjárfestarnir sem eru að eignast Ísland?

1% mannkynsins sem á 99% peninga heimsins eru á toppi píramídans. Venjulegt fólk sem vinnur fyrir sér er að þokast neðar í píramídann, er að tapa stöðum og peningum, virðingu og völdum. Þau ríkustu ræna meiru í sífellu.

Eða öllu heldur, þessi 10% undir þessu eina prósenti arðrænir þessa sem eru undir þeim. Hluti af þessum 10% sem lúta þessum sem eiga allt eru fjárfestarnir á Íslandi, og fjölmargir af þeim eru erlendir en ekki íslenzkir.

Alþingismenn taka þátt í þessu. Þetta er ekki nein íslenzk mafía, þetta er alþjóðleg mafía, sem Joe Biden er hluti af.

Sennilega Donald Trump líka, ef það á að leyfa honum að verða aftur forseti, þá hlýtur að vera búið að spilla honum.

Sigmundur Ernir skrifaði kommúníska grein í DV sem vakti athygli mína:"Einstaklingshyggjan hefur rænt okkur vitinu". Þar kemst hann að allt annarri niðurstöðu.

Hann athugar ekki að Elítan etur kommúnistum og kapítalistum saman. Elítan sem stjórnar kosningahegðun lætur þessa hópa berjast innbyrðis.

Athugasemdir

[Guðjón E. Hreinberg, 16.7.2024 kl. 15:32]

Flýðu áður en það verður of seint.

[Helga Kristjánsdóttir, 16.7.2024 kl. 23:53]

Ekki ég! Er orðin svo margra sálna formóðir hopa þvi hvergi. Sakna Jóns Vals baráttu vinar hefði haft meiri tímaa í dag,en um leið svifaseinni og fyrr þreytt og verð að stilla mig eftir því. Þorum við að útríma falsi? þykjast vera vinur "tófan við lambið- mitt. 

[Ingólfur Sigurðsson, 16.7.2024 kl. 23:59]

Þakka ykkur báðum skemmtileg innlegg og góð. Ég er sammála þér Helga, við erum þjóðrækin, en það þarf að rassskella ráðamennina sem skemma möguleika fólks á að eignast sínar íbúðir og búa á landinu.

Já, þar er komin góð ástæða til að hopa hvergi.

En takk fyrir innlit og athugasemdir, bæði.