Úkraínustríðið byggist á deilum um Biblíuna og líka Gazahryllingurinn. Rússneska samfélagið er í andstöðu við Vesturlönd, sem eru í uppreisn gegn Biblíunni.

Siðfræðisálfræðingurinn og femínistinn Chris H. Hardy skrifaði bókina "Wars of the Anunnaki, nuclear self destruction in ancient Sumer". Hún eins og margir aðrir femínistar hafa vogað sér að segja að Jahve sé Djöfullinn sjálfur, eða ýja að því, og rökstyðja í bók af fullri stærð.

Ein af helztu ástæðunum fyrir því að ég fór að halda upp á Sverri Stormsker var að hann þorði það sama og hafi vit til að gera það sama, á plötunni "Stormskersguðspjöll", þar sem eitt textabrot er svona":Ef Guð er til þá eiga menn að hata'ann". (Úr "Mannkynsblús)".

Deilurnar um kristnina og gyðingdóm, Jahve og Krist og það allt voru samt kannski harðastar á 19. öldinni og þeirri 20., heimspekingar og fleiri skrifuðu um þetta býsnin öll.

Með því að halda upp á Sverri Stormsker, (og Megas og fleiri) gerði ég uppreisn gegn gildum sem amma og afi voru með á hreinu, sérstaklega amma.

Það eru til mjög margar fræðilegar bækur þar sem Biblían er túlkuð þannig að Sódómu og Gómorru hafi verið eytt með kjarnorkusprengingum. Eins og kemur fram í mörgum þeirra er hægt að finna menjar um geislavirk svæði hér og þar í miðausturlöndum þar sem fræðimenn hafa reynt að staðsetja hörmungarnar.

Það er aðeins einn skúrkur til sem ber enga virðingu fyrir mannslífum, það er Jahve Biblíunnar, samkvæmt því. Enda má lesa það útúr Biblíunni að hann sé egóisti, 1000 sinnum verri en verstu einræðisherrar og fjöldamorðingjar mannkynssögunnar. Kári Stefánsson sagði eitthvað svipað í nýlegu viðtali, enda vinstrisinnaður maður, og þeir líta gjarnan gagnrýnum augum á kristnina.

Kjarnorkubálið sem virðist framundan, Nató að æsa upp Rússa og vinstra Vestrið ásamt öfgamúslimum að æsa upp kjarnorkuveldið Ísrael, þetta er samkvæmt forskrift Jahves ef vel er að gáð, ef við samþykkjum að hann hafi gert þetta áður í mannkynssögunni, og áður en mannkynið uppgötvaði kjarnorkuna.

Jahve segist ætla að refsa fólki fyrir syndir í Biblíunni. Þetta ætti því ekki að koma á óvart.

Nýalsfræði dr. Helga Pjeturss setja þetta allt í vísindalegra ljós. Samkvæmt þeim fræðum er alheimurinn allur efniskenndur og allan spíritisma má útskýra á vísindalegan hátt.

Samkvæmt þeim fræðum flokkast allir hnettir sem hýsa vitsmunalíf eða ófullkomið líf annaðhvort helstefnuhnettir eða lífstefnuhnettir.

Hann skrifaði um það í sínum ritum að hann væri hinn eini sanni frelsari mannkynsins, og öfgakristnir kalla gjarnan slíka menn falskrista og falsspámenn því þeirra skilgreiningar eru aðrar og þrengri og fara eftir Biblíunni og ákveðnum lýsingum þar á endurkomu Krists, og dr. Helgi Pjeturss taldi sig ekki Messías sem færi í hefðirnar eins og Báháula eða fleiri slíkir, sem kallaðir eru falskristar af Þjóðkirkjufólki af öðrum en svipuðum ástæðum, þeir koma ekki "í skýjum himinsins" eða eins og "þjófar að nóttu", eins og ég hef heyrt endurkomu Krists lýst af sannkristnu fólki.

Dr. Helgi Pjeturss skrifaði að hinir raunverulegu frelsarar væru vísindamennirnir, því með vísindunum hefði sjúkdómunum verið útrýmt og framförum komið á. Hann taldi sig misskilinn vísindamann.

En lögmál orsaka og afleiðinga er viðurkennt innan eiginlega allra trúarbragða í einhverskonar mynd, ekki sízt í þeim austrænu sem eru mjög útbreidd.

Samkvæmt þeim er það alveg pottþétt að mannkyn sem útrýmir sér í kjarnorkustyrjöld eða með mengun og hamfarahlýnun er að skapa sér myrkari og verri framtíð í framlífinu, að fjöldasjálfsmorð af því tagi er glæpur stærri en aðrir.

Þannig að hver sál fær þyngri myllustein að draga í næsta framlífi, fleiri sjúkdóma og bölvanir að dragnast með, og nóg var það nú fyrir.

Ég verð að leyfa dr. Helga Pjeturss að njóta þess heiðurs að hans lýsingar á helstefnuþróun hafa komið á daginn og verið réttar. Hann lýsir því hvernig geðveiki heimskunnar stigmagnast á helstefnubrautinni, og hvernig sífellt ömurlegri vopn eru framleidd, og gereyðingarvopn sem ætti að útrýma eru til á slíkum vítishnöttum eins og okkar.

Þannig að jafnvel þótt fæstir viðurkenni að dr. Helgi Pjeturss hafi verið Messías, Kristur endurkominn, eða hvaðeina menn vilja kalla svona menn, þá var hann mikill spámaður og vísindamaður, frelsari á sinn vísindalega hátt, og ekki ennþá dýrkaður sem skyldi.

Svo er til fólk sem trúir að ekkert líf sé eftir dauðann, að trúarbrögð séu öll fals og blekkingar, og Sverrir Stormsker hefur að minnsta kosti oft tjáð sig þannig, en ég veit ekki hvort hann hefur efazt um það trúleysi nú og sjái einhverja glætu í andlegum efnum eða ekki.

Ég held að maður geti ekki verið 100% viss um neitt, hvorki trúleysi né trú í andlegum efnum, það eru engar sannanir til, hvorki af eða á, hvorki til að sanna að Guð (eða Guðir) séu til eða afsanna slíkt.

En samt...

Trúir maður á hina Heilögu Tilviljun? Er það skárra? Er það vísindalegt eða gáfulegt? Er ekki eins líklegt að við séum hér í einhverjum skóla á þessari jörð, og við fáum einkunnir, falleinkunnir eða komumst upp í næstu bekki fyrir ofan?

Ég hallast að því minnsta kosti að allt sé í röklegu framhaldi hvert af öðru.

Það er vegna þess að tilviljanirnar eru svo margar sem skópu þetta jarðlíf, að þótt þær sanni ekki að Jahve hafi skapað þetta og sé algóður guð, þá hafi einhver gert það, kannski Týr Ásatrúarinnar eða Óðinn, eða þeir bræður þrír, Vili, Véi og Vóðinn.

Hvernig svo sem sannleikurinn er um stóru málin, þá er ekki alltaf hægt að eiga samskipti við fólk með því að vera meðvirkur.

Jafnvel vont fólk í fangelsum getur verið Guði þóknanlegt. Hann getur séð inní sál þess fólks sem er í fangelsum eða útskúfað úr samfélaginu og hatað.

Ef við tökum þennan pól í hæðina getur vel verið að því fólki sem mest er hampað þjóðfélagslega sé ekki Guði þóknanlegt.

Hvað með allsnægtir? Ég vil ekki vera öfgamaður. Ég held að peningar geri fólk ekki sjálfkrafa verra. En ég held að góðmennska auðjöfranna, að hjálpa Afríku eða gera eitthvað annað sem núorðið er í tízku og talið gott, og muni hreinsa þeirra sálir, það sé ekki endilega sönn góðmennska.

En þetta er efni í miklu, miklu, miklu fleiri pistla.

Athugasemdir

[Ómar Geirsson, 8.6.2024 kl. 19:00]

Blessaður Ingólfur.

Stundum er dýpt þín svo mikil að það tekur marga lestra að gára undir yfirborðið.

Vil samt aðeins að gera athugasemd við trúvillu Stormskersins, hún er grunnhyggin, nær ekki að gára yfirborð.

Vissulega er elsta form Jahve guð sem hefur ekkert annað að gera en að skipta sér að lífi og störfum manna, sækir samsvörun í guðaímyndir samtímans, sá samtími nær yfir einhver hundruð eða þúsundir ára.

Svo þróaðist karlinn, um það má lesa í Gamla vitnisburðinum, en fyrst og síðast í þeim Nýrri.

Þar er trú leiðsögn ásamt styrk Ingólfur, óendanleg gjöf sem þarf aðeins opið hjarta til að meðtaka.

Og í alvöru Ingólfur, ófullkomleiki mannsins, arfur hans frá hinum frumstæða drápsheila skriðdýranna, hefur ekkert með trú að gera, hvort sem það er Jahve, Alla eða Hvíti Kristur.

Slík rök eru ættuð úr neðra, en ég sem trúleysingi, trúi því ekki upp á hann, það er þann í neðra.

Ekkert afsakar tortímingarhvöt okkar.

Kveðja að austan.

[Ingólfur Sigurðsson, 8.6.2024 kl. 20:11]

Þakka þér fyrir innlitið og athugasemdina Ómar. Þú skerð þig úr hinum alltof stóra fjölda sem nennir ekki að lesa sér til gagns eða þá kemur með yfirborðshatursskeyti því viðkomandi er ósáttur við eitthvað.

Ég sé af svari þínu að þú hefur kynnt þér þróun kristindómsins eins og ég og ert hér alveg á heimavelli. Ég hef einmitt lesið um þetta líka og geta staðfest að fræðimenn hafa sagt þetta, að þessi hefnigjarni guð víkur fyrir mildari guði seinna í Biblíunni.

Og ég er heldur ekki trúleysingi heldur leitandi og annað er að oft lyfta menn sér upp úr mennskum ófullkomleika með því að vera ekki bókstafstrúar. Ástþór Magnússon er alltaf að minna á þetta, að Þorgeir ljósvetningagoði sé hans fyrirmynd, sem féllst á að þjóðin myndi kristnast, en mætti blóta á laun. Já, sá maður var eins og stjórnvitringarnir í Biblíunni sem komu á friði.

En mér finnst rétt að minna á þetta, að Pútín hefur óbeit á vestrænni menningu og notar rétttrúnaðarkirkjuna rússnesku sem siðferðilegan bakhjarl, hvort sem hann er í alvöru svona trúaður eða ekki.

Kveðjur að sunnan.