Útvarp Saga leyfir öllum að tjá sig

Þessi Samfylkingarkona sem segir Arnþrúði "básúna hatursorðræðu gegn hinseginfólki og innflytjendum" ýkir mjög það sem hún heyrir. Auk þess er rangt sem hún segir, "útvarpskonu sem hefur verið dæmd fyrir hatursorðræðu", eins og kemur fram hér í fréttinni var Pétur sýknaður og Arnþrúður var ekki ákærð, þannig að hún hefur ekki lýst þessu rétt, þessi Samfylkingarkona. (Sem hefur sagt sig úr veigamiklum embættum í flokknum vegna stefnubreytingar Samfylkingarinnar eða þessu máli).

Pétur á Útvarpi Sögu leyfði hlustanda að tjá sig en var ekki með níð, og var því sýknaður, alrangt að stöðin breiði út fordóma, hún leyfir bara fleiri skoðunum að blómstra en flestar aðrar stöðvar, sem boða rétthugsun/ranghugsun nútímans

Það er greinilegt að framboð Baldurs Þórhallssonar hefur verið eins og vítamínsprauta fyrir samkynhneigða, hún talar um að Samfylkingin hafi "sofnað á verðinum í veigamiklum mannréttindamálum", en sjálf er hún samkynhneigð sem ber Arnþrúði sökum og stöð hennar.

Ef þetta er það sem koma skal ef Baldur verður næsti forseti, þá vita landsmenn hvernig næstu ár verða, pólitísk rétthugsun/ranghugsun sett á oddinn, og hvert smáatriði túlkað þeim í óhag sem vilja hefðbundið fjölskyldumynstur,  og tjá það með hætti sem ögrar heimsmynd samkynhneigðra og annarra sem falla undir hinseginleikann á einhvern hátt.

Konur yzt til vinstri, við mannréttindapól hinseginleikans virðast háværastir gegn Útvarpi Sögu, Arnþrúði, Margréti Friðriksdóttur og þannig kvenskörungum. Þær gleyma, eða neita að horfast í augu við þá staðreynd að Arnþrúður, Margrét og fleiri þannig kvenskörungar eru líka femínistar, bara af öðru tagi en þær sjálfar. Þær eru með eigin rekstur og kvenkyninu til sóma og sjálfstæðinu, bera réttindum kvenna glögg merki, og hvernig þær nota þau réttindi til góðs.

Ég hef hlustað talsvert á Sögu, og þetta viðtal var oft endurtekið enda Pétur ekkert að fela dómsmálið og var stoltur þegar hann komst frá því óskaddaður, og vissi allan tímann að hann var órétti beittur.

Hlustendur Útvarps Sögu hafa allskonar skoðanir. Átti Pétur að slíta samtalinu þegar þessi ákveðni hlustandi sagði eitthvað sem sumir kunna illa við? Erum við þá ekki komin inná ritskoðunarbraut sem líkist meira kommúnísku eða fasísku samfélagi?

Er ekki einmitt meira gæfumerki að leggja niður ritskoðun eins mikið og hægt er?

Það er ekki víða þar sem í fjölmiðlum er boðaður efi gagnvart stefnu Samtakanna 78. Nú veit ég til að Páll Vilhjálmsson og Helga Dögg Sverrisdóttir hafa verið ákærð fyrir eitthvað svipað, því þau boða eitthvað annað en hinn nýi rétttrúnaður hljóðar uppá. Er það nokkuð skrýtið þótt einhversstaðar heyrist hljóð úr horni þegar búið er að breyta þjóðfélaginu eins mikið og hefur verið gert á síðastliðnum 30 árum af hinseginfólki og með stuðningi margra inni á þingi lengst til vinstri? Katrín Jakobsdóttir hefur gert margt fyrir hinseginfólk en einnig Jóhanna Sigurðardóttir, svo dæmi séu tekin, og þær hafa gegnt æðsta embættinu, sem forsætisráðherra þjóðarinnar, svo þessi breyting á valdi hefur komið frá æðstu stöðum.

Það er gott að Samtökin 22 komu fram, því þau sýna vel fram á hversu klofin samstaða hinseginfólks er, og ekki eru þar allir eins eða sammála í þessum málum. Í Samtökunum 22 eru svipaðar hugmyndir og Helga Dögg hefur viðrað. Hversvegna ákæra þá ekki Samtökin 78 Samtökin 22 og fólk þar inni?

Annars er það mín skoðun að maður eigi að læra um þetta hljóður, og athuga hvort maður geti lært eitthvað nýtt eins og af Samtökunum 78.

Ég er aðallega ósáttur við þegar verið er að ráðast á Arnþrúði og Útvarp Sögu, á þeim forsendum að þar sé farið yfir strikið. Mér finnst einmitt að fjölmiðlun þurfi að verða meira eins og á Útvarpi Sögu, eins og RÚV var fyrir 40 árum.

Þöggun og ritskoðun, það þarf að víkja fyrir frelsi í skoðunum og allskonar tjáningu.

 

Arnþrúður svarar Ingu Björk

Athugasemdir

[Jónatan Karlsson, 22.4.2024 kl. 15:32]

Sæll Ingólfur.

Ég verð að segja að þessi færsla þín er alveg frábær. Satt best að segja, þá álít ég að mikill meirihluti landsmanna sé sammála þessari þrumuræðu þinni, en því miður þá lítur út fyrir að þeir háværu öfga hópar sem ýmist samanstanda af hinsegin fólki eða rótækum feministum, muni ofan á allt annað ná, að leggja undir sig sjálft embætti Forseta Íslands.

P.S.

Talandi um þá tvo frambjóðendur sem því miður mælast líklegastir:

Það er svo undarlegt að um fyrri hópinn sem á árum áður voru nefndir kynvillingar eða öfuguggar, að nú þyki það alveg voðalegt að nota þessi fremur lýsandi heiti, en í þess stað að kalla þessa einstaklinga Hinsegin, sem mér persónulega þykir hljóma niðrandi um þetta upp til hópa frábæra fólk sem engum kemur auðvitað við hvernig haga sér í einkalífi sínu, frekar en við í okkar - eða hvað?

Hvað hinn háværa hópinn varðar, eða þann sem aðhyllist bókabrennur, MeTo, BLM, No borders, mannorðsmorð, hvalafriðun og óheftar fóstureyðingar svo eitthvað sé nefnt, þá er það í raun og veru sorglegt að þessir krakkar með allar sínar fallegu hugsjónir greini ekki hvern mann þeirra frambjóðandi hefur að geyma - á bak við öll brosin.

[Guðjón E. Hreinberg, 22.4.2024 kl. 23:40]

Hef engu orði við athugasemd Jónatans að bæta, né af að taka.

[Ingólfur Sigurðsson, 22.4.2024 kl. 23:44]

Þakka þér fyrir þetta einlæga hrós Jónatan. Einnig finnst mér pistlar þínir einnig fyrirtak. 

Já, þú kemur inná hversu margt er orðið komið á hvolf miðað við það sem við báðir ólumst upp við. Það hefði þótt ómögulegt og óhugsandi að svona frambjóðendur næðu langt fyrir ekki svo mjög löngu síðan. Ætli þjóðin sé ekki í uppreisn, eða öll Vesturlönd?

Ég held reyndar að Baldur gæti orðið ágætur forseti, nema að hann endurspeglar minnihlutahóp og getur ekki að því gert, og forseti á að vera einhverskonar mjög sérstakt fyrirbæri sem ekki tekur afstöðu til umdeildra mála, eða þannig að sem flestum líki. Katrín gæti það vafalaust líka, en syndirnar á bakinu á henni eru orðnar svo margar og miklar að þetta minnir á flótta undan óvinsælli ríkisstjórn og mistökum í starfi.

Mér finnst Ástþór ætti að minnsta kosti að vera jafnstór í könnunum og þetta fólk, og Arnar Þór einnig. Sjáum til. Vonandi eiga þeir eftir að fá meira fylgi.

[Ingólfur Sigurðsson, 22.4.2024 kl. 23:46]

Takk Guðjón. Þú hefur tjáð þig um þetta í pistlum á þinni síðu og við erum nokkurnveginn sammála. En þínar þrumuræður eru ekki síðri mínum, og oft miklu betri, þannig að ég hvet þig til að halda ekki aftur af þér, ef andinn býður svo.