Hægt er að taka undir með þeim sem segja að Covid-19 hafi verið ímyndunarveiki, miðað við fuglaflensuna, sem er skyld Spænsku veikinni, eins og vísindamenn halda fram

Þetta er alvöru drepsótt í dýrum og yrði frekar mjög skæður heimsfaraldur í fólki, meira en helmingur deyr sem smitast af þessu, eitthvað svipað og Spænska veikin sem stráfelldi fólk í stórum hópum, enda af sömu tegund og stofni, eftir því sem hægt er að fræðast um.

Í DV er svipuð frétt og þar komu athugasemdir um að Bill Gates og fleiri slíkir stæðu á bakvið þetta. Það efast ég raunar stórlega um. Þetta er svo alvarlegt mál að þótt tæknin sé til staðar, sýklavopn svokölluð, þá er ótrúlegt að slíkt komist ekki upp, ef rétt er að þau séu notuð, og uppspretta svona sýkinga og farsótta. Búið er að leiða allsterkar líkur að því að Covid-19 hafi verið þannig búin til, enda tilraunastofa skammt frá þar sem hún byrjaði, og matarmarkaðurinn hefur verið sýknaður, að minnsta kosti af mjög mörgum sem um þetta hafa fjallað, og það eru um það bil helmingslíkur á manngerðri Covid-19 útbreiðslu, þannig að það er nokkuð ljóst að þar má vel tala um samsæri. Einnig þegar um er að ræða væga sýkingu eins og Covid-19 sem drap tiltölulega fáa, en þó fjölmarga, vegna þess hversu þjóðirnar á Vesturlöndum eru farnar að eldast mikið, meðalaldurinn kominn yfir 40 ár. Í Afríku fann fólk varla fyrir Covid-19, enda meðalaldurinn þar lágur, og veiran frekar að drepa fólk með Neanderdalsmannagen, sem algengust eru á Vesturlöndum.

Allt þetta bendir á það sama, að þeir sem tala gegn mengandi Vesturlandabúum vilji fækka þeim með mátulega vægri veiru eins og Covid-19 og telji að slíkt verði aldrei hægt að sanna, sem kannski er raunin.

Hitt er þó allt annað mál, að halda því fram að fuglaflensan nýja, ef hún fer að verða að drepsótt meðal manna og eins og Spænska veikin, að slíkur hryllingur geti verið manngerður. Í fyrsta lagi er slíkt óhjákvæmilegt, gerist í náttúrunnar ríki bæði fyrir dýr og menn, þetta eru einfaldlega slæmar flensur, sem hafa gengið eins lengi og elztu menn muna. Það er því langsótt að nýjar drepsóttir séu manngerðar, hafi hinar fyrri ekki verið það, nema Guð almáttur, Jahve, hafi komið þar að, eða Djöfullinn, nema hann sé sá sami, eða einhver annar af geimverutegundinni, djöfull eða guð.

En ef svona pest verður að drepsótt er full ástæða til að hræðast, og loka næstum öllum samskiptum á milli þjóða, og reyna að stöðva útbreiðsluna með öllum ráðum, ef sagan á ekki að endurtaka sig, með ógurlegu mannfalli og þjáningum, og hruni samfélagsins eins og við þekkjum það, verzlun og viðskipti, og hringrás efnahagsins.

Óttast að fuglaflensa breiðist meira út til manna