Sigmundur Davíð ætti kannski aftur að verða forsætisráðherra, hann virðist með fæturna fasta í raunveruleikanum öfugt við marga aðra sem hafa völdin

Stefnubreyting Samfylkingarinnar kemur ekki á óvart ef þessi frétt er að lýsa því að Ísland sé að verða eins og önnur Norðurlönd með svipuð eða sömu vandamál og sömu tegundir af flokkum sem berjast gegn upplausn í samfélaginu þar af leiðandi.

Margir höfðu bent á þetta en fengu bágt fyrir að miklu leyti.

Ég tel svona fréttir eiga erindi við fólk. Hér með er ekki sagt að allir palestínskir flóttamenn séu svona, en varlega þurfi að fara í flóttamannamálunum eins og til dæmis Sigmundur Davíð hefur sagt. Fréttir eiga að lýsa því sem gerist án því að fela, fegra eða ýkja atburðina. Mér virðist þessi frétt lýsa veruleika, sem þó þarf ekki að vera orðið normið. Málið er að ef Ísland tekur á móti einhverjum flóttamönnum sem önnur lönd taka ekki við er vel hægt að búast við að þar sé misjafn sauður í mörgu fé, þótt ekki sé nú meira sagt. Sumir stjórnmálamenn hafa talað um stjórnleysi í þessu, og ef það er rétt er þetta ekki skrýtið.

En ef hræðsluumræða skapast eigum við nóg af fólki sem vill segja að allt sé vondum rasistum að kenna og ekkert þeim sem fremja verknaðina, því það séu bara vondar félagslegar aðstæður sem valdi þessu.

Ennþá er Ísland ekki orðið eins og Svíþjóð eða slík lönd. Til þess að forðast slíkt þarf að taka meira mark á þeim sem vara við - slíkt eru ekki fordómar ef það er rökstutt, en mikið ber á því eins og í Vikunni hjá Gísla Marteini að hinir fái aðeins að tjá sig sem vilja sem mesta alþjóðahyggju.

Athugum það að aldrei hefði komið til þess að ungir menn hefðu skipulagt hér hryðjuverk ef umræðan hefði ekki verið að skapast um að stjórnvöld ynnu gegn rótgrónu skipulagi.

Báðir stungumennirnir palestínskir flóttamenn

Athugasemdir

[Helga Dögg Sverrisdóttir, 18.2.2024 kl. 09:24]

Það verður ekki auðvelt að merkja við bókstaf í næstu kosningum. Ég vil flokk sem hefur skýra innflytjendastefnu og auglýsir hana. Hvernig við getum lokað landamærunum þannig að við tökum við mjög fáum hælisleitendum. Miðað við fjöldann sem hefur streymt inn í landi ættum við að skrúfa fyrir kranann í 5 ár eða svo. Leyfa kerfunum, félags- skóla- og heilbrigðiskerfinu að jafna sig. 

Hef það eftir kennara að margir innflytjendur í framhaldsskólum ætla ekki að læra íslensku en einhvers staðar verða þeir að vera. Ríkið hefur plantað þeim þangað inn.

[Ingólfur Sigurðsson, 18.2.2024 kl. 17:23]

Tek undir það að þetta hefur áhrif og er mikilvægt mál. En ekki svo auðvelt að velja flokk. Þeir eru að breytast og stefnumálin þeirra. Tek samt líka undir það sem aðrir hafa sagt að minni trúverðugleiki fylgir Samfylkingunni að breyta um stefnu en flokkunum sem höfðu þetta fyrir á stefnuskránni.

Takk fyrir athugasemdina og innlitið.