Stjórnvöld hafa valið "sænsku leiðina" í áratugi. Allir ættu að vita að hún endar í stjórnleysi, upplausn og ofbeldisríki, - dystópíu.

Ef menn halda að "sænska leiðin" sé bara að leyfa vændi en ekki vændiskaup fara menn villir vega. "Sænska leiðin" er líka að opna landamærin sem mest, að fara útí öfgafemínisma á öllum sviðum, að gróða/spillingarvæða embættiskerfið opinbera, að láta hið alþjóðlega kæfa hið innlenda, og þar fram eftir götunum. Sumir kalla þetta kannski "norrænu leiðina", en jafnvel Jón Baldvin Hannibalsson hefur lýst óánægju sinni með Svíþjóð í viðtölum á Útvarpi Sögu og sagt hana orðna eins og eftirmynd af Bandaríkjunum. Hann er nú einn af þessum gömlu krötum með kratagildin alveg á hreinu og ætti að vera dómbær á það.

"Sænska leiðin" felst kannski helzt í því að grafa höfuðið í sandinn eins og strúturinn og afneita öllum pólitískum mistökum, ofsækja pólitíska andstæðinga og kenna þeim um allt sem miður fer (Miðflokkurinn, Frelsisflokkurinn, Íslenzka þjóðfylkingin).

Gáfulegt eða hitt þó heldur.

Rétt eins og það mun ekki stöðva þróun í átt að hryðjuverkamenningu að ofsækja blaðurskjóður á netinu sem eru með mannalæti, og búa til Geirfinnsmál númer 2, þannig mun það ekki stöðva skotvopnamenningu sem er í uppsiglingu eins og í Bandaríkjunum að banna skotvopn eða fordæma þau, eins og vinstrimenn reyna að gera. Ég hef margsinnis fjallað um það að boð og bönn virka ekki. Bannárin í Bandaríkjunum sýna það og sanna.

Það eina sem dugar gegn þessari helstefnuþróun er að fara aftur í gamla Ísland, einsleitt þjóðfélag, sannkristið, og þar sem einar reglur gilda, ein þjóð í landinu, og ein menning en ekki eitthvað annað.

Það verður auðvitað ekki gert. Yfir helmingur landsmanna lætur glepjast og vill stökkva með á þann vagn sem heimsbyggðin fylgir, fyrir utan fáein þjóðfélög sem annaðhvort eru fordæmd eða að þeim er "hjálpað" á veg "framfara"!!!

Þegar lag eins og "Highway To Hell" er þjóðsöngurinn, þá fer þetta svona. Að vinda ofanaf svona atburðarás er flóknara en stjórnvörð virðast halda.

Byssumaður gengur laus eftir skotárás í Úlfarsárdal

Athugasemdir

[Ásgrímur Hartmannsson, 2.11.2023 kl. 18:23]

Sem flestir ættu að senda inn umsögn um þetta: https://samradsgatt.island.is/oll-mal/$Cases/Details/?id=3582

Því vondum hugmyndum ber að mótmæla.

Baráttan er upp á við, mót vindi, því ríkið vill upplausn og ofbeldi.

[Ingólfur Sigurðsson, 2.11.2023 kl. 23:27]

Tek undir það Ásgrímur.

Takk fyrir innlit og góða ábendingu, athugasemd, til sem flestra.