Dómsmálin í kringum Donald Trump sýna að hann hristir upp í spilltu kerfi og ógnar auðræði hinna ofurríku og spilltu

Skrípaleikurinn í sambandi við handtöku Trumps og dómsmálin í kringum hann og aðra sem ekki krjúpa fyrir Wokurum sannfæra marga um að hinn vestræni heimur sé farinn til fjandans endanlega. Þessu tengt er að vinsældir Trumps haldast miklar og aðdáendur hans ausa í kosningasjóði hans eftir handtökur og ákærur.

Vestrænt lýðræði er að geispa golunni samkvæmt þessum fréttum og alræði í anda dystópískra kvikmynda og skáldsagna að taka við.

Dr. Helgi Pjeturss skrifaði um það í Nýölum sínum að helstefnan myndi sigra ef hann yrði ekki tignaður sem frelsari og ef stefna hans myndi ekki taka við af öllum trúarbrögðum jarðarinnar og stjörnusambandsstöðvar taka við af kirkjum, eða kirkjum yrði breytt í stjörnusambandsstöðvar.

Jafnvel kristið fólk og sannkristið fólk sérstaklega veit og skynjar að heimurinn er á hættulegum og ömurlegum stað, með Úkraínustríðinu, Wokismanum, Metoofasismanum, femínismanum, jafnaðarfasismanum og allskonar vitleysu og hryllingi.

Einhver held ég að hafi skrifað um það hér á blogginu fyrir tíu árum eða svo að lífsgildi "góða fólksins" væru meira en lítið brengluð. Ég man að ég las einhverjar þannig færslur á Fésbókinni því ég var virkur þar fyrir tíu árum.

Það var vitnað í "góða fólkið" sem gaf út lýsingar á því hverju foreldrar ættu að taka eftir í fari barna sinna og unglinga í Þýzkalandi, því það gætu verið merki um að þau væru að aðhyllast hægriöfgastefnu og fasisma. Merkin um þetta voru talin þessi:

 

1) Ef unglingurinn væri óvenju duglegur í náminu og væri samvizkusamur og metnaðarfullur gæti verið að hægriöfgaflokkur væri að ná tökum á honum.

2) Ef unglingurinn væri með óbeit fyrir eiturlyfjum og áfengi og vildi heilsusamlegt líferni gæti það bent til rasískra hugmynda viðkomandi.

3) Ef unglingurinn væri með ofuráherzlu á líkamsrækt og sterkan líkama og vöðvastæltan gæti það verið merki um yfirburðahyggju aría og þyrfti að skamma unglinginn ef satt væri og ef eftir samræður kæmi það í ljós.

4) Ef unglingurinn hefði bara áhuga á hinu kyninu og hefði óbeit á hinseginsamfélaginu var það talið merki um möguleika hægriöfga hjá viðkomandi.

 

Margt af þessu og flest eiginlega er til merkis um heilbrigða sál í hraustum líkama.

 

Svona til að skoða mótvægið, vinstriöfgana, þá skulum við athuga hvað var í fréttum nýlega sem einkenni á Svíþjóð og jafnvel Íslandi, þetta var í DV frétt, sem vinstrisinnaðir og virkir í athugasemdum gerðu lítið úr og rökkuðu niður:

 

1) Glæpahópar verða sífellt voldugri og sterkari þar sem landamæri eru ekki virt og No Borders "mannúðarsamtök" og álíka hópar eru taldir marktækir og verða voldugir.

2) Skólastarf er í molum þar sem agi er ekki nægur og þar sem þjóðtungurnar eru vanræktar og skóli án aðgreiningar er starfræktur, öllum hrúgað saman og gettó skapast.

3) Vændi, vímuefnaneyzla, þunglyndislyfjanotkun, geðlyfjanotkun, sjálfsmorð, unglingaóhamingja, lýtalækningar, eldra fólk með lélega sjálfsmynd og lélegt ónæmiskerfi... almenn hnignun á öllum sviðum. Þetta er ástandi í þjóðfélögum þar sem þjóðerniskenndin er horfin og almenn upplausn ríkir, stefnuleysi, kaos, stjórnleysi, Mammonsdýrkun, eins og á Íslandi núna.

4) Þær starfsgreinar sem tengjast glæpum voru í örustum vexti á Íslandi og í Svíþjóð samkvæmt DV fréttinni.

 

Tek það fram að þetta er allt umorðað af mér, eftir minni. Ég held að bloggið (eða Fésbókarfærslan kannski) hafi verið eftir Jón Magnússon lögmann um hvaða merki sýndu unglinga sem hafa áhuga á rasisma og heilbrigðum lífsháttum, þetta sem í raun er merki um sterka og sjálfstæða persónuleika með áhuga á hreysti og hreyfingu, og menntun, og þar vitnaði hann í einhverja erlenda rannsókn.

Hitt var DV frétt fyrir tveimur árum eða svo, vistaði vefslóðina þá, en glataði henni aftur. Fréttin var þó nokkurnveginn svona, um áhrif fjölmenningar á þjóðfélögin, að fjölmenningin "auðgaði" ekki þjóðirnar og menninguna heldur fjölgaði afbrotum og gerði sundrunguna meiri. Sérstakt var hvað sumir virkir í athugasemdum vissu að þetta var satt og rétt og mótmæltu þessu því óvenju harkalega. Það sýnir oft og sannar að sannleikurinn kemur fram, þegar einhverju er mótmælt af hvað mestri hörku og miklum fjölda meðvirkra.

 

Reynt er að láta Donald Trump líta út sem glæpamann því í rauninni er það Joe Biden og sonur hans sem eru sekir um að byrja Úkraínustríðið og fjölmargt annað, og dómstólar ættu að láta slíka einstaklinga líta út þannig, sem afbrotamenn.

Demókratar þola ekki að sjá sitt eigið andlit, sínar eigin syndir, sinn eigin yfirgang í menningunni, með Metooofstækinu og brotum í garð drengja og karlmanna, með kvenrembunni, spillingunni í gegnum risafyrirtækin og billjarðamæringana, og allt þetta, því demókratar voru áður menn fólksins, sem voru á móti stórfyrirtækjum og rosagróða, jafnvel alþjóðavæðingu, þegar vinstrimenn voru friðarsinnar upp til hópa, þegar Bob Dylan söng "Blowing In The Wind." og þegar John Lennon söng "Imagine".

Það er sama hvernig á þetta er litið. Einhverntímann verður boðskapur Trumps að sigra og fylgismanna hans. Ef Joe Biden nær endurkjöri verður aðeins frestun á því uppgjöri. Ef Trump kemst að aftur verða kannski gerð hrossakaup, enda margir í Repúblikanaflokknum orðnir linir og spilltir, búnir að semja við Demókrata. Kannski mun þá Trump hreinsa til, reka ógrynni af fólki og ráða annað nýtt, og endurnýja Bandaríkin í raun og veru, og heimsbyggðina.

Það gæti orðið friðaröldin sem margir hafa spáð, jafnvel kristnir menn. Aldrei að vita samt. Úkraínustríðið og margt annað bendir til að mannkynið sé búið að vera.

Sjóðurinn vaxið um tæpan milljarð frá handtöku

Athugasemdir

[Jóhann Elíasson, 29.8.2023 kl. 08:46]

Þetta er gríðarlega flott grein hjá þér Ingólfur og svei mér þá ef þetta er ekki allt saman alveg hárrétt.  Ég hjó alveg sérstaklega eftir því sem þú skrifaðir um það sem, að áliti vinstri manna gæti orðið til þess að menn yrðu "HÆGRI ÖFGAMENN".  Reyndar átti þetta allt við um mig nema fyrsti liðurinn, því miður stundaði ég námið ekki nógu  og samviskulega og var ekki nægilega metnaðarfullur en allt annað uppfyllti ég en þegar upp er staðið UPPFYLLI ÉG ÞAÐ ALVEG ÁGÆTLEGA AР VERA "HÆGRI ÖFGAMAÐUR".....  

[Ingólfur Sigurðsson, 29.8.2023 kl. 09:49]

Takk fyrir gott innlegg. Til eru þeir sem telja alla fylgjendur Sjálfstæðisflokksins þannig, eða annarra flokka en sem ekki eru á þeirra línu.