Fleira en boðorðin tíu úr Biblíunni á erindi inní...

25.4.2023 | 02:36

Fleira en boðorðin tíu úr Biblíunni á erindi inní landslögin hjá hverri þjóð, í hverju landi.

Margir eru á því að Vesturlönd séu Kölski sjálfur, og þessvegna sé baráttan svona hörð við aðrar þjóðfélagsgerðir, því eins og maður lærir í kristnum söfnuðum eru það örlög Kölska að verða sigraður, það lærir maður allsstaðar þar sem er meira en yfirborðskristni að Kölska tími er takmarkaður, og því tími syndarinnar.

DV segir frá því að unglingur var dæmdur í ævilangt fangelsi fyrir að myrða skólapilt. Ef menn vilja skýringar á þessu ættu þeir að lesa Biblíuna, sérstaklega þar sem húðflúr er bannað. Þegar ég samdi lagið "Húðflúr er frá Helvíti" árið 1996 hafði ég fengið vitranir úr framtíðinni hvernig hún yrði. Það lag er á kristilegum hljómdisk eftir mig frá 2010, "Kristur kemur".

Ég býst ekki við að tekið verði mark á þessu. Þetta er af frjálslyndum og léttúðugum einstaklingum talið sérvizka eða trúaröfgar. En stundum er rétt að skilja að Biblían hefur rétt fyrir sér, eða þeir sem skrifuðu hana, Guðs orð þar sem bezt tókst til.

Þessvegna ef menn vilja snúa af braut helstefnunnar þurfa ríkin, yfirvaldið í hverju landi fyrir sig að banna líkamsskraut, húðflúr, lokka og slíkt, ekkert síður en fóstureyðingar og margt annað.

Er ég þá bókstafstrúar? Trúi ég að nauðsynlegt sé að fara eftir Lögmálinu í öllum atriðum? Nei, alls ekki.

Hinsvegar fylgir meginhluti mannkynsins boðorðunum tíu, til dæmis. Lagasetningar næstum allra landa og þjóða eru miðaðar eftir þeim og mótaðar. Ég er að segja það einfaldlega að sumt annað í Biblíunni er jafn nauðsynlegt að nota sem landslög sem þarf að fara eftir af sömu hörku og að ekki megi drepa fólk og annað slíkt, til dæmis þetta. Þegar spámenn fá vitranir eins og ég eða Guðjón Hreinberg getur er sumt af því kannski ekki rétt eða mikilvægt, en svo getur annað átt erindi við nútímann, og verið jafn mikilvægt og það sem Móse boðaði gyðingum til forna í sínu landi.

Ég geri mér grein fyrir því að svona boðskapur kemst aldrei til skila fyrr en fjöldinn meðtekur hann og viðurkennir sem sinn stóra sannleik. Þannig er þetta einnig með fóstureyðingarnar og bannið við þeim. Nú er svo að vísu að baráttan gegn fóstureyðingum er ekki töpuð, og víða er farið að telja það brýnt að láta ekki léttúð þar ráða eða femínisma. Það sýnir okkur að mannkynið heldur áfram að þróast, það er ekki staðnað. Þessvegna er mögulegt að þessi boðskapur muni einnig sigra að lokum. Þetta er eitt af því sem stendur í Biblíunni sem er mikilvægt.

Mannkynið í heild þiggur tilboð Satans, fellur fram og tilbiður hann, til að fá allan heiminn. Það er vegna þess að í manninum er uppreisnarandinn, það er erfðasyndin.

Flokkur: Bloggar | Facebook