Að sætta sig við femínismann - og annað.

Nú eru páskar. Sanntrúaðir kristnir menn á Íslandi verða að bíta í það súra epli að fjölmenningin gerir aðsúg að þeim og við sem erum heiðingjar og efumst sveiflumst í okkar afstöðu. Nútíminn er svolítið erfiður fyrir marga. Egill Helgason er einn af góða fólkinu svonefnda. Með falli Fréttablaðsins hefur "góða fólkið" ástæðu til að reiðast enn meira pólitískum andstæðingum sínum, því nú fær fólk eins og Egill Helgason ástæðu til að efast um eigin afstöðu, þegar örlög Fréttablaðsins eru ljós.

Í stað þess að fá snilling eins og Arnar Sverrison í þáttinn til sín kemur hann með hatursfulla gagnrýni á hann byggða á einni grein eftir hann en ekki þeim fjölda sem hann hefur látið frá sér fara. Egill Helgason er núna eins og Hans í ævintýrinu um Hans og Grétu. Hann er lokaður inni í búri nornarinnar grimmu og eina sem hann getur gert er að væla og vera með leiðindi. Þegar fólk má ekki hafa aðrar skoðanir en nornin grimma er það lokað inni, andlega.

Ef Egill Helgason myndi nú fara að hugsa rökrétt og taka gagnrýni skynsamlega hvar sem hún birtist myndi hann kannski finna lykil að búri nornarinnar.

En þetta er útúrdúr. Guðmundur Örn Ragnarsson skrifaði í athugasemdum fyrir neðan síðasta pistil minn: "Spurning Jesú til þín nú er þessi:Og hver sem trúir á mig mun aldrei að eilífu deyja. Trúir þú þessu? Jóh. 11.26."

Ég átti erfitt með að svara þessu. Því þrátt fyrir allt á ég einhverja barnatrú eftir í sál minni, og get ekki útskýrt hana nógu vel, þótt ég sýni fjölmenningunni mikinn áhuga og allskonar öðrum trúarbrögðum.

Ég vil svara Guðmundi Erni þessu á annan hátt. Dr. Helgi Pjeturss skrifaði í ritum sínum að þannig væru náttúrulögmálin að hver einasti ætti eftir að endurlíkamnast á nýjum hnetti eftir dauðann, og því aldrei að eilífu deyja, og ég trúi því vissulega.

Kannski er Jesús Kristur þessi frelsari, eini sanni. Ég get ekki verið 100% viss um neitt, mér finnst það ekki vísindalegt. Ég kann oft vel við kristna menn, enda enn í þjóðkirkjunni og flestir Íslendingar enn kristnir, þótt trúleysið fækki kristnum mönnum og önnur trúarbrögð. "Af ávöxtununum skulið þér þekkja þá", stendur í Biblíunni. Ég tel að fólk af kynslóð ömmu og afa hafi verið gott vegna þess að það var sannkristið. Samkvæmt því er kristnin mannbætandi boðskapur, og það get ég verið sáttur við og talið meðmæli með kristninni. Mín kynslóð er öðruvísi og ég er hluti af henni.

Á páskunum minnist ég ömmu og afa. Þau voru með þennan sama boðskap.

Að lokum í þessum pistli kem ég svo að því sem ég ætlaði að skrifa um upphaflega, en nýlegt ráf á DV leiddi mig að öðru sem rætt er um hér að ofan.

Ég hef spurt mig hvort ég geti aftur orðið sannfærður femínisti eins og ég taldi mig einu sinni vera. Hvort er það auðveldara fyrir mig að verða sannkristinn maður eða sannfemínískur maður í anda nútímans?

Þessu vil ég svara svona:

Flestir nútímamenn kjósa að verða sannfemínískir á yfirborðinu að minnsta kosti.

Það stefnir flest í að kristnin deyi út á Vesturlöndum en islam komi í staðinn eða eitthvað annað sem við þekkjum ekki, kannski bara hreint trúleysi, að vera alveg utan allra trúfélaga, en þeim fjölgar einna mest á Íslandi sem eru þannig.

Ef maður sættir sig við fjöldamorð sem framin voru í fortíðinni af einhverri þjóð eða trúarhópi eða stjórnmálahreyfingu, einmitt þá getur maður sætt sig við fjöldamorðin sem eru framin í nútímanum. Þannig að já, maður getur orðið sannfærður femínisti. Það er sterkasta valdið sem yfirleitt safnar flestum í sinn hóp, burtséð frá öllu öðru.

En nútíminn er spennandi. Jafnvel þótt femínisminn sé sterkur er barátta í gangi. Kristnin sækir í sig veðrið sunnarlega á jörðinni en islam á Vesturlöndum. Það er ekki gott að segja hvernig úrslitin verða í þeim kappleik. Sérstaklega nú þegar trúarbrögðin ætla að blandast inní þriðju heimsstyrjöldina, Úkraínustríðið.

En hitt er annað mál. Maður neitar sér ekki um það að sjá í gegnum það sem er augljóst, þótt maður geti lítið eða ekkert að því gert.

Misjafnar skoðanir á páskadagskrá RÚV

Athugasemdir

[Magnús Sigurðsson, 9.4.2023 kl. 12:18]

Magnaður Ingólfur- sjaldan verið betri þó góður sért.

"Maður neitar sér ekki um það að sjá í gegnum það sem er augljóst, þótt maður geti lítið eða ekkert að því gert."

Þessi orð gæti vísindalega sannaður rétttrúnaður góða fólksins tekið sem svaðalegri samsæriskenningu, -jafnvel hatursorðræðu.

Gleðilega páska samt.

[Ingólfur Sigurðsson, 9.4.2023 kl. 13:10]

Helstefnuöflin gera suma að fátækum smælingjum eða sjúklingum, geðsjúklingum, eða líkamlegum sjúklingum, og drepa fjölmarga. Sömu öflin gera mig fátækan og stuðla að því að fólk kaupir ekki list af öðrum en spilltum einstaklingum.

En ég enda þennan pistil minn á því að óska að ég geti orðið spilltur Satanisti, femínisti. Það er bæn hvers nútímamanns, ef RÚV er réttlát kirkja nútímans.

Ég held að ég reyni að byrja hvern dag á því að biðja að ég geti orðið sanntrúaður femínisti og því lifað á list minni.

En það sem er augljóst þarf ekki að orða skýrt. Aðrir geta fundið það út.

Í þessum pistli er aðeins mín venjulega samsæriskenning að menningin er hrunin, eins og vinur okkar segir, en mín sértúlkun er að það sé femínismanum að kenna. Síðan eru þetta augljósar staðreyndir um lélega stöðu kirkjunnar og fjölmenninguna sem minnkar vald hennar.

Egill fær að vísu svolitla pillu því hann kemst í fréttirnar fyrir óvenjulega ómálefnalegan pistil á Fésbókarsíðu sinni sem kemst í DV.

Sömuleiðis gleðilega páska.

[Loncexter, 9.4.2023 kl. 17:56]

Heppileg leið og ein af mörgum, til að þurrka út heilbrigða Kristni úr íslensku samfélagi, er að auka fjölmenningu.

Stjórnvöld hafa gríðarlega lítin áhuga á uppvexti kristni á íslandi.

Enda gerir Kristni stóra hluti fyrir litla manninn, en það er ekki það sem stjórnvöld vilja.

[Helgi Viðar Hilmarsson, 9.4.2023 kl. 21:47]

Tilgangurinn með jarðlífi mannsins er að þroskast frá því að vera sjálfhverfur egóisti yfir í hugsandi mann sem býr yfir visku eða hærra vitundarstigi. Vitur maður býr yfir innsæi sem gerir honum kleift að vera afl til góðs. Satanismi eru hugmyndir sem hamla þessari þróun og þar er yfirleitt gert út á fávisku egóistans.

[Ingólfur Sigurðsson, 10.4.2023 kl. 01:07]

Loncexter, margt til í þessu. En stjórnvöld hafa virðist manni aðallega áhuga á gróða og hagvexti. Þá fer þetta svona.

[Ingólfur Sigurðsson, 10.4.2023 kl. 01:20]

Helgi Viðar, þú hefur greinilega kynnt þér þetta vel. Það er þessvegna ekki úr lausu lofti gripið þegar ég hef líkt femínisma við satanisma. Bækur eftir Auði Eir kvennaguðfræðing fjalla oft um sjálfstyrkingu kvenna og valdeflingu þeirra, en svo er efni Biblíunnar hnýtt saman við þann boðskap. Skrýtið að kirkjan (yfirvald hennar) hafi ekki afneitað Kvennakirkjunni sem guðlasti. Auk þess vitnar Auður Eir eitthvað í heiðnar gyðjur í þessum bókum Kvennakirkjunnar og styrk þeirra, sem áður þótti ekki góð kristni, hvað sem síðar varð.

Ég hef kynnt mér um hvað bækur Aleister Crowley fjalla og fleiri manna sem tengdir eru þessum fræðum. Eliphas Levi er til dæmis tengdur sósíalisma og jafnaðarstefnu í Frakklandi. Endurreisnin og nútímamenningin með sjálfshjálparbókum sínum gerir meira en að endurvekja fræði Aristótelesar og Forngrikkja. Hún kemur með alla öfgana sömuleiðis, og þeir blómstra æ meira í nútímanum.

En þetta er samt flókið og margir ósammála um margt í þessu.

Í grunninn get ég þó verið sammála. En lýsing mín á nútímanum sem satanískum er nokkuð rétt, og líka samkvæmt þeirri skilgreiningu sem þú kemur með.

Fólki er kennt að það lifi aðeins einu sinni, og að skyldur skipti minna máli en að örva skynfærin, gleðin í lífinu.

[Loncexter, 10.4.2023 kl. 10:31]

Kínverjar og nokkrar aðrar þjóðir, vita að Kristni gerir þeim erfitt fyrir þegar það þarf að láta lýðinn vinna fyrir elítuna.

Það er líklega ekki ólíklegt, að íslenskir ráðamenn séu að taka Kína sér til fyrirmyndar.