Náttúrulegt ónæmi gegn Covid-19 í Svíþjóð?

Tegnell í Svíþjóð sagði fólki: Spyrjum að leikslokum. Ástæðan fyrir því að Svíþjóð er með lægstu dánartíðnina - ef tölur eru réttar - gæti verið sú að með því að leyfa fólki að fá náttúrulegt ónæmi hafi fleirum verið bjargað en með óhollum og vafasömum sprautum sem aðallega voru genabreytandi en veittu litla sem enga vörn, og voru kannski skaðlegar.

Þetta með umframdauðsföllin eftir bólusetningarnar breytir öllu. Mér finnst það lítt fyrirgefanlegt af Ölmu Möller landlækni að taka það ekki í mál að bólusetningarnar hafi verið mistök og skaðlegar, þegar það blasir svona augljóslega við, og að umframdauðsföllin séu öll reiknuð á Covid-19 en ekki bólusetningarnar, opinberlega, hér á Íslandi og almennt á Vesturlöndum þar sem áróðurinn var massífur og án afláts á mikilvægi nýju efnanna. Dæmi Svíþjóðar sýnir þó að yfirvöldin í hverju landi höfðu svigrúm til að hegða sér öðruvísi, og það hefðu íslenzk yfirvöld svo sannarlega getað gert líka.

Tegnell starfar nú hjá Alþjóðaheilbrigðismálastofnuninni, og spurningin er hvort hann meti ekki vænar fúlgur í laun dýrmætari en persónulegan metnað eða hæfni í starfi eftir að vera kominn í slíkt starf.

WHO varar við fleiri farsóttum, sennilega af því að þær hafa verið hannaðar og eru tilbúnar. Búast má við að þjóðaleiðtogum verði skipað að haga sér eins ef (og þegar samkvæmt WHO) fleiri farsóttir breiðast út, sem hluti af Endurræsingunni miklu.

Svíar með lægstu dánartíðnina í faraldrinum

Athugasemdir

[Guðmundur Ásgeirsson, 23.3.2023 kl. 16:30]

Það sem við þurfum er áreiðanleg tölfræði um hversu stór hluti umframdauðsfalla sem stjórnvöld reikna á covid hafa verið meðal fólks sem hefur verið sprautað.

Ef þar kæmi t.d. í ljós að hlutfall sprautaðra í þeim hópi væri allt annað en í samfélaginu í heild, þá væri það "rjúkandi byssa" sem kallaði á frekari rannsóknir.

[Ingólfur Sigurðsson, 23.3.2023 kl. 18:20]

Tek undir það. En þó má vera ljóst að sprauturnar gerðu ekki það gagn sem auglýst var. 

Yfirvöld gera lítið úr umframdauðsföllunum þegar sagt er að þetta sé pottþétt útaf Covid-19, ekki neinu öðru. 

Eins og þú skrifar, það þarf að fá þetta á hreint með vandaðri vinnu, vandaðri rannsókn og allt uppi á borðum.