Meðvituð syndgun sem áhugamál

Ég geri mér grein fyrir því að í Biblíunni stendur að fólk eigi ekki að leita frétta af framliðnum, hvort sem það er skipun eða ábending. En ég varð ungur að taka þessa ákvörðun, hvort ég færi inná braut Nýals og vísindanna eða yrði bókstafstrúarmaður. Ég valdi Nýalsbrautina.

Afabróðir minn kynnti mig fyrir þeirri stefnu, og hluti af henni er að leita frétta af framliðnum, sækja miðilsfundi, sem reyndar kallaðir eru sambandsfundir hjá því félagi.

Snýst ekki nútíminn um mismunandi syndir? Skilgreinir ekki fólk sig næstum allt með fjölskrúðugum syndum og óhlýðni við Biblíuna, guð Biblíunnar eða eitthvað í þeirri menningu?

En ég ætla að segja frá því að á síðasta fundi kom fram maður sem sagðist vera 300.000 ára gamall, eða hafa verið þá uppi á jörðinni, og sagðist vera hluti af fyrsta fólkinu sem kom út af Adam og Evu. Hann talaði um að risarnir hefðu tekið systur sínar og frænkur fyrir konur, rétt eins og stendur í Biblíunni, og hann talaði um refsingar Guðs fyrir það sem gerðist þá. Þetta var algjörlega í samræmi við það sem stendur í Biblíunni, bara nákvæmara, um risana sem uppi voru á jörðinni og tóku sér mennskar eiginkonur og eignuðust með þeim afkvæmi.

Mér fannst þetta svo merkilegt að mér fannst ég verða að segja frá þessu, því kannski væri eitthvað kristilegt fólk til sem hefði áhuga á þessu.

Þetta styður nefnilega sköpunarkenningu Biblíunnar en ekki þróunarkenningu Darwins, og er stórmerkilegt þessvegna.

Þessi maður talaði um það að þetta hafi gerzt í Afríku fyrir 300.000 árum. Hann sagði að svörtu mennirnir hefðu komið seinna til Afríku, eða verið skapaðir af guðunum, eða Guði, notuð var fleirtala, og að hann tilheyrði þeim mátti skiljast, en að fyrst hefðu verið menn í Afríku ljósir á hörund eins og Evrópumenn, en dáið út.

Ef þetta er rétt þá eru skoðanir þeirra sem halda þessu fram ekki rangar, þótt þær séu kallaðar bábilja af vísindasamfélaginu vinstrisinnaða. Ef þetta er rétt er hægt að taka mark á sköpunarsögu Biblíunnar. Enda finnast oft steingervingar sem koma mönnum á óvart og breyta hugmyndum um þróun lífsins og mannsins á jörðinni. Sagt er jafnvel að sumu sé haldið leyndu sem finnst, ef það passar ekki inní hefðbundnar kenningar vísindanna á hverjum tíma.

Það eru Mósebækurnar sem geyma boð og bönn í Biblíunni, að stærstum hluta. Bannið við því að leita frétta af framliðnum er á svipuðum stað og bannið við húðflúrinu. Það má spyrja sig hvort það skilji ekki meira eftir að leita frétta af framliðnum en að fylgja tízkunni og láta líkamann bera tákn af einhverju tagi eða myndir.

Án efa þarf að breyta mannkynssögunni og skrifa hana uppá nýtt, ekki einu sinni heldur mörgum sinnum. Sífellt koma fram nýjar upplýsingar um fortíðina. Það er mjög áhugavert að fræðast um fortíðina, fá fyllri mynd af því sem skeði.

Athugasemdir

[Guðjón E. Hreinberg, 21.2.2023 kl. 01:52]

Húmanista kenningin um uppruna mannsins hefur einblýnt á "out of africa" og er hún í dag sú pólitískt rétta, en sífellt fleiri mannfræðingar (sem eru þá flestir þaggaðir í Akademíunni) hafa snúist til þess að Krómagnon maðurinn hafi þróast á Kákasíska svæðinu og þar austur úr og hafi verið útbreiddur um alla jörð í kringum Nóaflóðið, en flóðið er auðsönnuð staðreynd þó kommúnsta-akademían neiti að viðurkenna það.

Mæli með Robert Sepehr í þessu samhengi.

[Ingólfur Sigurðsson, 21.2.2023 kl. 05:47]

Þakka þér fyrir upplýsingarnar. Þú pælir einsog ég. Það er ein samsæriskenning sem ég veit ekki hvort ég hef fundið upp, en hún tengist stríðum, og stríðinu sem nú geisar í Úkraínu. Hvernig stendur á því að langvinnar og hörmulegar styrjaldir eru svona oft háðar á stöðum sem tengjast trúarbrögðum eða forsögu mannkynsins? Dæmi: Palestína - Ísrael, Rússland - Úkraína, Írak - Bandaríkin, Afríka - allskonar þjóðir og ættbálkar sem eru þar eða nýlenduþjóðir sem tengjast þeim?

Ég hef talið að geimverur séu að eyðileggja sönnunargögn fyrir forsögu mannkynsins, en ég er ekki viss um neitt slíkt. Allavega, ég held að það sé ekki tilviljun.

Eyðileggingar á dýrmætustu fornminjum sem hægt er að ímynda sér eru sláandi. Ekki tilviljun, en maður veit ekki hvort það er af mannlegum völdum eða öðrum.

[Sigurgeir Árnason, 21.2.2023 kl. 12:29]

Sæll Ingólfur,ágætur pistill hjá þér,varðandi stríðin þá er sjáanleg fylgni á milli þess að stríðshrjáð lönd eru oftast þau sömu er lenda í væringjum aftur og aftur ,getur það ekki verið að maðurinn lifi aftur og aftur og sé kominn í karmalögmálið sem menn eða þjóð og gangi þar með seint að vinna sig leið til betrunar,vegna þess haturs og sársauka er fylgir stríði og ófriði. Smá saman takist að vinna sig útúr karmanu en það taki mörg líf að ná því jafnvægi og fyrirgefningu á gjörðum mannsins,er ekki hver sinnar gæfu smiður og gjörningur veldur öðrum gjörningi er enginn getur gert upp nema þeir sem málið varðar.Guðdómurinn grípur ekki inní sem þriðji afskiptaaðili.Menn lenda þá á öðrum hnöttum á milli lífa,þeir eru þá misjafnir til búsetu eftir því hvernig viðkomandi hefur hagað sér í lífinu á undan,þannig gæti myndast hringrás sem enginn getur rofið nema maðurinn sjálfur með betrun sinni.

[Loncexter, 21.2.2023 kl. 17:05]

Það er sorglegt að sjá Íslendinga þverskallast endalaust við boðskap biblíunnar góðu.

Vanvirða hvíldardaginn trekk í trekk, (laugardaginn) og borða í ómældu mæli bannaðar fæðutegundir.

Ekki furða að heilsufar íslendinga sé varla skárra en hjá vannærðum kettling í króatíu.

Sálarlíf barna í skólum er ekki upp á marga fiska, þar sem kristni er meira en lítið óvelkominn í skólum landsins.

Stjórnmálin hafa heldur ekki tekið framförum í öllu kristleysinu, og ættu menn að kíkja aðeins á G.T til að sjá hvernig fer fyrir stjórn landa sem afneita orði Guðs.