Áður voru ADHD einstaklingar bara duglegir einstaklingar. Nú er tilhneigingin að dópa niður dugnaðinn.

 

Samkvæmt nýlegum pistli frá Guðjóni Hreinberg er allt ADHD ruglið runnið undan rifjum marxista og heimskúgura af því taginu, mannfjandsamlegum vinstrifasistum, sem vilja horfa á fólk njörvað niður í hólf og dópað í deyfð frekar en að leyfa því að blómstra og leika frjálst. Wikipediagreinin sem hann vísar í staðfestir þetta.

Nú er það svo að það þykir sjálfsagt að lyfin skuli eiga sér þessa fortíð, marxískar rannsóknir og slíkt. Það er við almenning að sakast, sem étur uppí sig skort á gagnrýnni hugsun og þiggur af elítunni norm sem aldrei hefði átt að verða neitt norm og er ekki normalt.

Hinn umdeildi en landsfrægi Óttar Guðmundsson hefur þó getið sér orð fyrir það að gagnrýna of miklar flokkanir og lyfjanotkun íslenzku þjóðarinnar. Þannig að sérfræðingar eru misjafnir, sem betur fer.

Börn eru þannig að þau trúa yfirleitt gagnrýnilaust. Þannig að þetta er þeirra leikvöllur eins og hinna fullorðnu, að trúa á þessar greiningar, hvort sem þær eru um líkamlega eða andlega heilsu. Einhvernveginn komust samt fyrri kynslóðir vel af og blómstruðu án greininga og lyfjanna, nema lyfjagrös voru notuð, sem teljast náttúruleg.

Það er varla í sjónmáli að fólk sé að fá nóg af þessari heimsmynd. Ekki er úr vegi að kalla þetta gorgónur og medúsur, sýndarveruleikapúka sem þannig leika með fólk.

Mér finnst ein staðreynd gnæfa yfir allar: Að fólki fækkar á Vesturlöndum. Það sýnir hversu villt unga fólkið er í frumskógum staðleysanna.

Byrja með námskeið fyrir krakka með ADHD

Athugasemdir

[Magnús Sigurðsson, 19.12.2022 kl. 13:26]

Er svo komið að að of-virkir húki dofnir af lyfjum fyrir framan tölvu? -öðruvísi mér áður brá, þegar þeir voru hugmyndaríkir og skemmtilegir, þó svo að það hafi verið með fyrirferð.

[Ingólfur Sigurðsson, 19.12.2022 kl. 15:12]

Grein Guðjóns heitir "Róttæk félagskenning Marxista í hnotskurn". 

Viðbót 15.04 er þó enn fróðlegri.

Hundruð þúsunda drengja urðu andleg vesalmenni og hálfkonur samkvæmt hans pistli. Ætli eitthvað svipað hafi ekki verið gert við kvenkynið, að úr þeim hafi verið gerðir hálfstrákar, með hugmyndir um að þær þurfi að vera útivinnandi? Þegar ég nota orðalagið deyfð í þessu sambandi er það mikið veigrunarorð. Ef pistill hans er réttur eiga þessi lyf þátt í þessum umbreytingum fólks úr virku fólki fyrri kynslóða yfir í óvirka og sjúka einstaklinga sem alltaf finna eitthvað að sér, eða aðrir finna eitthvað að.

Leirmenni vil ég ekki vera, nýyrði hans er það gott yfir golem, býst ég við.

Hið kommúníska ríki okkar gengur útá að finna vandamál og búa þau til. Þannig er hægt að skapa fleiri störf í bákninu og útrýma störfum utan þess. 

Þegar konur voru heimavinnandi töldu flestir sig heilbrigða þartil þeir duttu dauðir niður. 

Sjúkdómavæðingunni fylgir deyfð. Það er raunar veigrunarorð. Ef það er rétt sem kemur fram í pistli Guðjóns eru þetta glæpir gegn mannkyninu, að búa til sjúklinga úr heilbrigðu fólki.

En það er of seint að lækna fólk sem er búið að missa lífslöngunina, tilganginn með lífinu. Sjúklingar verða sjúklingar, ef þeir telja sig vera það.

[Magnús Sigurðsson, 19.12.2022 kl. 18:05]

Samtíminn gengur semsagt út á að greina vandamál og vinna við þau í nefnd áður en það er sett í teymi sem stýrir verkferlum við skjá.

Akkúrat í dag kristallast viskan í því, að ef fellur snjókorn þá hópast greinendur í Skógarhlíðina og vandamál er meðhöndlað , -að vísu algerlega án árangurs, sennilega vegna þess að ADHD húkir dofin á námskeiði í tölvuleikjum fyrir framan skjá til að eiga von um að komast í Skógarhlíðina.