Kæðsla, nýyrði mitt sem þýðir rangfræðsla, nóg er af slíku. Kári Stefánsson sem rekur erindi stórfyrirtækis dæmi um slíkt

Í miðju kófinu skrifaði Guðjón vinur minn oft um Kára Stefánsson og hvernig hann væri að genabreyta okkur. Ég efaðist um sumt, ekki allt.

En í viðtali við Stöð 2 um helgina sýndi Kári Stefánsson sig sem vélmenni, geimvera eða erfðabreytt mannvera sem rekur erindi stórfyrirtækjanna og svarar ekki vísindalega spurningum fréttamannsins heldur keyrir þær útí skotgrafir pólitíkurinnar, öfgavinstrisins, sem neitar þeirri staðreynd að vesturlönd eru að deyja út, og sökin er hjá femínistum og öðrum vinstrimönnum.

Útúrsnúningar Kára í þættinum voru með ólíkindum. Snorri Másson spurði hann um ýmislegt, meðal annars hvort hann gögnin hans styddu Guardian grein um að fjöldi sæðisfruma sé helmingi minni en fyrir 40 árum, og ástandið versni sífellt.

Þegar Kári sagði þetta ekki einhlítt átti hann við að þetta er aðallega vandamál í hinum ríkari löndum, ekki í þróunarlöndunum.

Síðan segist hann ekki hafa hugmynd um hvað þetta þýði í sögulegu samhengi. Einnig telur hann að karlmenn fyrir 20 - 30 árum hafi verið of karlmannlegir og með of mikið af sæðisfrumum. Þó man ég eftir því þvert á það sem hann segir að svipuð rannsókn var gerð fyrir 20 eða 30 árum og talið að um 1950 hafi karlar verið mun frjórri en um 1990, þannig að það er ekki rétt hjá Kára að þetta sé eitthvað nýtt, þetta er vandamál sem hefur sífellt verið að versna, eða mjög lengi.

Það er ekki hægt að taka mark á Kára Stefánssyni lengur. Hann afneitar augljósum sannindum, annaðhvort vegna þess að honum er borgað fyrir það, eða vegna vinstrisannfæringar, eða annarra ástæðna.

Vísindamenn eiga allrasízt að afvegaleiða fólk í krafti stöðu sinnar og virðingar. Í þessu máli er það aðför að íslenzku þjóðinni, sem á í nægum vandræðum fyrir.

DV fjallar einnig um það að sérfræðingar tala um svo mikla aukningu dauðsfalla vegna krabbameins í Evrópu eftir kófið að þeir tala um faraldur. Er ástæðan talin sú að greiningum hafi fækkað vegna Covid-19. Hvergi í greininni í DV er talað um að bólusetningarnar kunni að hafa valdið sjúkdómum sem þessum, eða sýklahernaðurinn, að senda Covid-19 útí andrúmsloftið á heimsvísu, sem var að öllum líkindum gert af mannavöldum.

DV fjallar einnig um lækkandi fæðingartíðni í Póllandi og spurt er hvort það sé vegna áfengisneyzlu kvenna.

Þá kemur þessi athugasemd sem mér finnst svo skemmtilega röng hjá Gísla Birgi Gíslasyni að ég verð að vitna í hana: "Þetta eru fáránlegar fullyrðingar, líklega eru konur betur upplýstar í dag og kjósa ekki að eiga börn".

Álíka sorgleg er athugasemd Gerðar Ragnarsdóttur:

"Bara ágætt að við mannfólkið verðum ekki fleiri við erum alltof mörg hér á jörðinni. Og getur það ekki bara verið líka að fólk vilji ekki eignast börn???"

Í fyrsta lagi þá er offjölgunarvandamálið á heimsvísu ekki að leysast með þessu, frétt í vikunni sagði frá því að mannkynið er orðið 8 milljarðar og fer fjölgandi.

Þjóðernishreinsanir er hægt að fremja með ýmsu móti, til dæmis með því að setja fólk í gasklefa, en einnig með því að veita konum réttindi og fylla þær af frekju með lygum og ranghugmyndum, menningarítroðslu menningarmarxista, Frankfurt skólinn hefur verið talinn eiga þátt í því.

Ég er alveg með það á hreinu að við erum að horfa á þjóðernishreinsanir í dag, sem eru framkvæmdar með öðrum hætti en í Þýzkalandi og Póllandi um 1945. Þjóðernishreinsanir nútímans bitna á Vesturlandabúum nær eingöngu, og heilaþvottur er notuð sem aðalvopnið, í gegnum Hollywood og fjölmiðla, alnetið, menninguna alla meira og minna.

Ég bjó til nýyrðið kæðsla, sem þýðir rangfræðsla, þegar fólk er heilaþvegið með lygum og blekkingum vinstrimanna. Það er dregið af lýsingarorðinu kauðalegur, en ég læt það ríma við fræðsla, sem andheiti, því andheiti sem ríma verða minnisstæð, eins og helsi og frelsi, eða  fjá og frjá, (hata og elska).

Kæðsla er það sem nefnt er fræðsla en lætur fólk koðna niður í vantþekkingu. Það er einnig skylt sögninni að kæfa, og hljóðlíkingin gerir það skemmtilegra.

 

 

Athugasemdir

[Rúnar Már Bragason, 20.11.2022 kl. 17:02]

Skemmtilegt nýyrði og á vel við. Rímar líka vel við hræðsla sem mikið er notuð í þessum heilaþvotti.

[Ingólfur Sigurðsson, 20.11.2022 kl. 17:44]

Takk fyrir að bæta þessu við. Já, megi það fara sem víðast, eða þá að fólk finni upp annað. Þó er aðalmálið að þetta orð vantar, því fræðsla er ekki lengur fræðsla, á tímum þegar enginn algildur sannleikur er til, og menn efast um allt. Sumt er þó augljósara að er ekki rétt þótt það sé opinbert.

Takk fyrir innlitið og snjalla athugasemd, Rúnar.

[Guðjón E. Hreinberg, 20.11.2022 kl. 22:02]

Þannig að upplýsingaóreiða, áróður og falsfréttir, það væru þá alltsaman kæðsla eða kæðslur?

[Ingólfur Sigurðsson, 21.11.2022 kl. 01:51]

Já, vegna þess eins og þú veizt þá stela alltaf kommarnir árangri okkar hinna. Þeir nota líka orð sem aðrir hafa tileinkað sér og fundið upp.

Káð er gamalt orð sem merkir svall og ólifnaður. 

Kæðsla er orð sem ég tel að eigi að ná yfir vísvitandi blekkingar með brot af sannleika í sér. Sem sagt fræðsla með tilgang og jafnvel neikvæðan og viljandi tilgang.

Annars hafa góðir bloggarar hér eins og Geir rökstutt það að upplýsingaóreiða sé góð, því annars væri alger einokun á sannleikanum, sem jú margir vilja koma á. Stalín var mjög duglegur að eyða upplýsingaóreiðu með því að eyða þeim sem voru honum ekki að skapi.

Ég bjó til orðið kæðsla til að afhelga orðið fræðsla. Femínistar föttuðu að með því að ræna hugtökum náðu þeir valdi. Þetta er bara gamall galdur, að ráða yfir hugtökum og tungumálum, láta ekki tungumálin stjórna sér.

Kæðsla afhelgar orðið fræðsla. Kúgarar eiga ekki að nota góð orð til að kúga aðra.

Um leið og kúgandi fólk fattar að einhverjum orðum fylgir helgi og vald þá er þeim rænt og þau yfirtekin. Með því að benda á þversögnina sem rímar og byggist á orðsifjum er bæði verið að snúa málinu uppí glens og alvöru.

Gaman að ræða við annan snilling í nýyrðum.