Ítalía orðin leiðandi afl til framfara að nýju. Glæsilegur en umdeilanlegur tími Rómverja rifjast upp

Bylting er hafin í Evrópu með Giorgiu Meloni. Loksins er femínisminn orðinn það sem hann átti að vera í upphafi, raunverulegt byltingartæki fyrir allar konur og mannkynið, en ekki fyrir lítinn frekjuhóp þeirra kvenna sem aðhyllist öfgavinstrið.

Eftir fjöldamörg erfið ár þar sem Ítalía hefur sætt kúgun ESB í innflytjendamálum hefur almenningur fengið meira en nóg og komið þessum flokki til valda, og þessari glæsilegu konu með stefnu sem mun krefjast breytinga af úreltum stjórnmálum heimsins.

Loksins, loksins, loksins er Ítalía aftur orðið það flotta land sem hún var svo lengi, og átti glæsilega en umdeilanlega fortíð sem Rómaveldi, fyrirrennari Bandaríkjanna. Loksins er Evrópusambandið komið með stjórnmálakonu sem er ekki vorkunnarverð strengjabrúða heimskulegs regluverks heldur sjálfstæð og gáfuð, kjörkuð og dugmikil.

Loksins er Ítalía að slíta kúgunarbönd Evrópusambandsins og breyta leikreglunum.

Þetta skelfilega mannfall í Covid-heimsfaraldrinum bitnaði mjög mikið á Ítölum og maður hlaut að fyllast af samúð að frétta af mannfallinu sem þar varð strax í upphafi og lengi í þessum faraldri.

Nú er eins og þjóðin sé vöknuð til lífsins af löngum Þyrnirósasvefni í kyrkingarfaðmlagi ESB.

Helga Vala Helgadóttir lýsti þeirri kaldrifjuðu óskhyggju sinni á Hringbraut í gær að vinskapur Berlusconis og Pútíns eða þessar 20 vodkaflöskur sem hann fékk frá Pútín myndu fella þessa stjórn sem fyrst, að hún væri ekki á vetur setjandi. Það sýnir óskhyggju hinna menningarrústandi krata, sem hafa misst svo fylgi sitt í Evrópu að þeir eru að þurrkast út, en hanga í fylgi á Íslandi vegna spillingar sem helzt er í vinstriflokkunum, og sú spilling er fylgi við Soros og fjármálaelítuna sem fjármagnar Wokehreyfinguna alþjóðlegu.

Allar tilraunir til að lifna við (Sigmundur Davíð til dæmis) er reynt að drepa niður af krötunum sem eru í mörgum flokkum á Íslandi og erlendis. Þannig hefur Trump sætt endalausum ofsóknum og hans fylgismenn, og Boris Johnson í Bretlandi, og þótt Boris Johnson sé ekki endilega mannvitsbrekka kom hann þó Brexit í höfn, sem er meira en hægt er að segja um suma sem ekkert skilja eftir sig.

Vinstrimenn eru eyðileggjendur oft nú til dags. Þeir láta smáatriði eyðileggja fyrir stórmennum sem kunna að stjórna og byggja upp og gera gagn en rífa ekki bara niður.

Hatur vinstrimanna á hægrimönnum er mikið vegna þess að stefna þeirra er fyrir löngu búin að vera, og ofbeldi gagnvart hægrimönnum það eina sem frestar uppgjörinu við fjölmenninguna, jafnaðarfasismann og þesskonar fyrirbæri.

Hneyksli fylgja öllum þeim sem gera góða hluti nú til dags, vegna þess að hatursöflin hafa sjaldan eða aldrei verið eins sterk, og þau vaða í drullunni og kasta skít í þá sem gera gagn, sverta og svívirða stöðugt.

Aðeins í gegnum uppblásin hneykslismál er hægt að gera mannkyninu gagn nú til dags. Þeir sem gera gagn fá alltaf á sig árásir. Nema hvað að almenningur verður að sjá í gegnum hneykslismál sem skipta ekki miklu máli í stóra samhenginu. Til dæmis vodkaflöskur eða jákvæð viðhorf til Pútíns. Jafnvel einræðisherrar hafa margar hliðar og þeirra stefnur.

Ef þetta mun fella þessa nýju stjórn, þá gæti Ítalía lent í sama þrátefli og Bretland, að lenda í stjórnarkreppu vegna persónulegra mála fólks sem getur gert gagn. Boris Johnson er dæmi um það.

Sennilega hafa flest stórmenni sögunnar gert eitthvað hneykslanlegt á ferli sínum. Mannkynssagan hefði verið saga stöðnunar og engra atburða ef þau stórmenni hefðu verið stöðvuð fyrir það neikvæða sem hægt hefði verið að finna á þau.

 

Fyrsti kvenkyns forsætisráðherra Ítalíu