Rússland er ekki fallið enn, þótt gagnsókn Úkraínuhers hafi gengið í austri

Azov hermennirnir úkraínsku aðhyllast öfgaþjóðernishyggju, nazisma jafnvel og eru ekki venjulegir og værukærir nútímaletihaugar sem vilja frekar horfa á sjónvarp en að berjast. Nazisminn er í raun ósigrandi og það er mikil þjóðsaga að Bandamenn hafi sigrað hann í seinni heimsstyrjöldinni. Kvenréttindi og annað slíkt hefur lagt Vesturlönd í rúst eftir seinna stríð og grafið undan lífi germanskra einstaklinga, og hugmyndafræði "norræna módelsins" sem Jón Baldvin trúir enn á er löngu orðin að sama öskuhaug sögunnar og kommúnisminn.

Vestræn mjúkhyggja, kvenleiki og værukærð hafa grafið innviði Rússlands í sundur og gert hermenn þess lélega.

"Rússar svara gagnsókn Úkraínu með árás á innviði", er fyrirsögn á frétt á Fréttablaðinu frá 16. september síðastliðnum. Einnig leikur grunur á því að Rússar geri árásir nálægt kjarnorkuverum annaðhvort til að valda viljandi stórslysi eða ýta af stað orkukreppu með því að þeim kjarnorkuverum þurfi að loka.

Árangurinn af gríðarlegum vopnasendum til Úkraínumanna eru meðal annars þær að í stað þess að sprengja kjarnorkusprengju með tilheyrandi hryllingi eru Rússar að gera leik að því að kjarnorkuslys verði fyrir slysni, næstum því, með því að gera árásir nærri þessum kjarnorkuverum, ellegar þá að þetta séu falsfréttir og Úkraínumenn geri árásirnar, eins og Rússar halda fram. Hvernig sem það er þá eru þessar árásir nálægt öllum kjarnorkuverum brjálæði og fásinna, fordæmanlegar gjörsamlega og ætti að hafa alþjóðalög yfir slíkt. En í svona styrjöld ná jafnvel ekki alþjóðalög yfir það sem gerist, Rússland er of stórt til þess og voldugt, sem sýnir enn fram á tap hugmyndafræði eftirstríðsáranna í Evrópu, ESB, NATÓ, Sameinuðu þjóðanna, það tókst ekki að forða styrjöld af þessu tagi í Evrópu þótt allt væri gert til þess og ESB stofnað í þeim tilgangi sérstaklega.

Þetta mikla stríð hefur kostað gríðarlega fjármuni og mannslíf. Það hefur gert Selensky Úkraínuforseta, þennan mikla grínleikara, að einni mestu sjónvarpshetju Vesturlanda, andlit hans er stöðugt á skjánum eins og hann sé hinn nýi Winston Churchill. Á bakvið hann falla landar hans stöðugt í þessu blóðuga stríði og flóttamannastraumurinn þyngist til annarra landa.

Það er ekki hægt að segja að Vladimir Pútín hafi rangt fyrir sér þegar hann segir að Selensky sé strengjabrúða Vesturlanda og allt sé þetta staðgengilsstríð. Þetta er blóðugur leikþáttur og raunveruleikasjónvarp til að stýra stjórnmálaskoðunum og skapa samúð og andúð eftir hentugleika.

Hverskonar hræsni er það í vestrænum stjórnmálaskýrendum og fræðimönnum að fordæma nazismann almennt, en standa með Úkraínu sem notast við Azov-herdeildina þar sem þessi hugmyndafræði er drifkrafturinn og styrkleikinn sem er vestræn ríki reiða sig á?

Þetta er aðeins eitt af fjölmörgu sem sýnir að vestræn heimsmynd eftir 1945 byggist á lygi og blekkingum, og söguskoðunin eins og hún leggur sig, enda er sagan alltaf skrifuð af sigurvegurunum.

Jafnvel þótt Úkraína myndi vinna aftur allt sitt land og jafnvel þótt Pútín yrði að segja af sér vegna stjórnarbyltingar í Rússlandi útaf þessu, þá eru Vesturlönd jafn töpuð sem fyrr, og femínisminn jafn eyðileggjandi hugmyndafræði, verri en nazismi, rasismi, fasismi, hvaðeina.

 

Skelfileg skipulagning orðið Rússum að falli

Athugasemdir

[Þorsteinn Briem, 20.9.2022 kl. 13:00]

Kínverjar og Bandaríkjamenn byrjuðu fyrir nokkrum áratugum að nota ódýrt vinnuafl á landsbyggðinni í Rússlandi, rétt eins og Vesturlönd hafa notað ódýrt vinnuafl í Kína.

Bandaríska stórfyrirtækið Procter & Gamble hefur til að mynda átt fyrirtæki á landsbyggðinni í Rússlandi.

Og sala á kínverskum vörum til Vesturlanda er miklu meiri en til Rússlands.

Í NATO-ríkjunum býr um milljarður manna með mikinn kaupmátt en í Rússlandi búa um 145 milljónir manna með miklu minni kaupmátt.

Exports of China 2021

Og í staðinn fyrir mikla sölu á olíu og gasi til Vesturlanda hafa Rússar aukið söluna til Kína og Indlands.

Exports of Russia 2021

Rússar eru því miklu háðari Kína en þeir hafa verið hingað til, rétt eins og við Íslendingar erum og verðum áfram mjög háðir viðskiptum við önnur Vesturlönd hvað snertir sölu á sjávarafurðum, áli og þjónustu við ferðamenn.

6.7.2022:

"Russia has long-standing trade and strategic relationships with China and India, and along with offering steep price discounts is also accepting payments in local currency to help keep trade flows to the countries strong this year.

China is the biggest energy importer in the world and has dedicated pipelines for Siberian oil and gas."

Ukraine war: India, China buy Russian oil and gas worth 24 bn US dollars in 3 months

16.9.2022 (síðastliðinn föstudag):

Semja um lagningu risagasleiðslu frá Rússlandi til Kína

[Helgi Viðar Hilmarsson, 20.9.2022 kl. 14:03]

Þetta snýst allt um Heimsveldi Engilsaxa sem byrjaði sem Breska Heimsveldið og upp úr miðri 20. öld reis það Ameríska og tók mikið til yfir rekstur heimsveldisins sem er gert út frá City London og Wallstreet New York. Heimsveldið vill ekki efnahagslega eða pólitíska samkeppni frá öður stórveldum. Þegar stórveldi fer að ógna hagsmunum heimsveldisins þá verður stríð.  Hugmyndakerfin eru pólitísk trúarbrögð sem hafa það hlutverk að pólitískt heilaþvo almenning og boða honum heimssýn sem hentar valdhöfum heimsveldisins. Heimsveldi Engilsaxa er nú um þessar mundir að taka þriðju umferðina á Þýskalandi með því að brjóta það niður sem iðnveldi með orkuskorti því annars mun það í framtíðinni ógna hagsmunum þess. Það sama eru upp á teningnum með Rússland og Kína, þar eru á ferðinni stórveldi sem eru farin að ógna heimsveldinu. Úkraínustríðið snýst um Rússland sem á að brjóta upp í 10 ríki á svipaðan hátt og gert var við Júgóslavíu. Heimsveldið er hins vegar í vanda þar sem helsta valdatæki þess, dollarinn er uppfullur af lofti sem eru skuldir aldrei verða greiddar af þeim sem stofnuðu til þeirra. Það er sem sagt ekki endalaust hægt að prenta peninga til að halda úti heimsveldi og þess vegna þarf að halda áfram að ræna og ruppla, og ekki bara önnur stórveldi heldur líka almenning á vesturlöndum og fækka einstaklingum sem þeir kalla useless eaters.

[Hörður Þormar, 20.9.2022 kl. 16:42]

Það eru allar horfur á því að Kínaveldi muni bráðlega ná jafnlangt vestur á bóginn og ríki Mongóla gerði í eina tíð.