Er Einar í Framsókn að fara ofaní óvinsældahít Dags B. Eggertssonar?

Þessi frétt um gífurlegt tap Strætó á þessu ári, meira en áður, varpar ljósi á draumóra Dags. B. Eggertssonar um Borgarlínuna sem komin er í framkvæmdaáætlun, en segir ekki þetta að Borgarlínuna þurfi að endurskoða?

Síðan er það þetta skelfilega Klapp-app dæmi, og að hætta að nota mánaðarkortin, gulu kortin, grænu kortin, að skylda fólk til að kaupa fullkomna snjallsíma til að kaupa fargjöld á afslætti... hverjum í ósköpunum dettur í hug að þetta fjölgi strætóferðum, láti fyrirtækið græða eða verði til hagsbóta fyrir Borgarlínuþráhyggjuna í Samfylkingunni og þeim sem gangast inná Borgarlínuna, Sjálfstæðismenn, Framsóknarmenn jafnvel?

Samfylkingin í Borginni hefur tapað undanförnum kosningum en komizt til valda með hjálp hækja, flokka eins og Viðreisnar og Framsóknar, sem ekki hafa endilega grætt á því samstarfi. Er nú Framsókn í borginni búin að fórna góðu gengi sínu í síðustu kosningum fyrir femínismann og Borgarlínuna hjá Samfylkingunni?

Ef þeim tækist að gefa frítt í strætó fyrir alla tækist að snúa þessari óheillaþróun við, og ég er fylgjandi þeirri hugmynd. Dagur og aðrir jafnaðarmannaforkólfar ættu að stefna að því takmarki.

 

Strætó tapaði 600 milljónum á hálfu ári

Athugasemdir

[Þorsteinn Briem, 27.8.2022 kl. 17:29]

Á heimasíðu Strætó bs., sem er byggðasamlag í eigu sveitarfélaganna á höfuðborgarsvæðinu:

"Fjöldi farþega Strætó á hvern íbúa á höfuðborgarsvæðinu jókst um 35% frá 2011 til 2018 en bílaumferð á hvern íbúa um 26%."

"Árið 2009 fór hver íbúi að meðaltali 37 sinnum með strætisvagni en 54 sinnum árið 2019."

"Fastnotendur Strætó voru 17.525 árið 2019, sem er 250% aukning frá 2011, þegar þeir voru 5.043."

"Um 41% íbúa höfuðborgarsvæðisins töldust notendur Strætó árið 2019 en 21% árið 2011."

"Þar að auki nýta 15% erlendra ferðamanna sér Strætó."

Þróun samgangna - Mannvit

[Þorsteinn Briem, 27.8.2022 kl. 17:32]

18.8.2022:

"Í Fréttablaðinu segist Dagur hafa skynjað mikinn stuðning og fólk kalla eftir nýrri ríkisstjórn sem mynduð yrði "frá vinstri yfir á miðjuna svipað og í Reykjavík".

Hann sé hins vegar að hefja nýtt kjörtímabil í borginni og eigi ekki sæti á Alþingi. Þess vegna þætti honum langsótt að bjóða sig fram til formennsku í flokknum.

Aðspurður hvort hann útiloki formannsframboðið alveg, svarar hann afdráttarlaust játandi. Hann útilokar þó ekki að hann bjóði sig fram til þings í næstu alþingiskosningum en segist heldur ekki stefna sérstaklega að því."

Í Reykjavík býr meira en þriðjungur landsmanna (36%), íbúum Reykjavíkur hefur fjölgað um meira en heila Akureyri síðastliðna tvo áratugi og væntanlega hafa þeir sjálfir valið að búa í Reykjavík.

Samfylkingin er með fimm borgarfulltrúa, flesta borgarfulltrúa flokkanna í meirihlutanum.

Sjálfstæðisflokkurinn er með sex borgarfulltrúa og missti tvo í borgarstjórnarkosningunum í vor en Miðflokkurinn missti sinn eina borgarfulltrúa.

4.5.2022:

Lægstu leikskólagjöldin á landinu í Reykjavík

[Þorsteinn Briem, 27.8.2022 kl. 18:22]

Meirihluti sveitarstjórnarmanna í öllum sveitarfélögum á höfuðborgarsvæðinu og nær allt Alþingi styður Borgarlínuna.

Byggð verður þétt við Borgarlínuna, til að mynda á Vatnsmýrarsvæðinu og Reykjavíkurflugvöllur fer af svæðinu, enda er nú verið að þétta byggð á öllu höfuðborgarsvæðinu og íbúum svæðisins mun fjölga um tugi þúsunda næstu áratugina.

Í Reykjavík einni hefur til að mynda meira en heil Akureyri bæst við íbúafjöldann síðastliðna tvo áratugi og væntanlega hafa þeir sjálfir valið að búa í Reykjavík.

Nær allt landið undir norður-suður flugbraut Reykjavíkurflugvallar er í eigu Reykjavíkurborgar.

Eignarrétturinn er friðhelgur samkvæmt stjórnarskránni og Reykjavíkurborg getur því krafist þess að ríkið afhendi henni það land sem borgin á núna á Vatnsmýrarsvæðinu.

"Eignarréttur er réttur einstaklings, fyrirtækis eða annars lögaðila til að nota hlut, selja eða ráðstafa á annan hátt og meina öðrum að nota hann."

Innviðaráðherra virðist hins vegar halda að skoðanir hans séu æðri stjórnarskránni.

Samkvæmt samskiptum undirritaðs við Kristrúnu Frostadóttur, þingmann Reykjavíkur, veit ég ekki til þess að Kristrún hafi aðrar skoðanir á borgarmálunum en Dagur B. Eggertsson borgarstjóri, til að mynda hvað snertir þéttingu byggðar, Borgarlínuna og flugvöllinn á Vatnsmýrarsvæðinu.

Og Kristrún verður flottur formaður Samfylkingarinnar.

Samkvæmt nýrri skoðanakönnun eru Samfylkingin og Píratar, sem eru mjög líkir flokkar og í borgarstjórnarmeirihlutanum, með samtals 27% fylgi á landinu öllu en Sjálfstæðisflokkurinn 21%.

Björn Bjarnason sagði hins vegar nýlega að Samfylkingin væri dauður flokkur, sem er að sjálfsögðu tóm della, enda er Samfylkingin hlutfallslega (13%) með meira en helminginn af fylgi Sjálfstæðisflokksins á landinu öllu.

Og Sjálfstæðisflokkurinn er þá væntanlega hálfdauður flokkur.

24.8.2022 (síðastliðinn miðvikudag):

Fylgi Samfylkingar, Pírata, Viðreisnar og Sósíalista eykst en fylgi Sjálfstæðisflokksins, Miðflokksins og Flokks fólksins minnkar

[Ásgrímur Hartmannsson, 27.8.2022 kl. 23:33]

Eini reksturinn sem sósíalistar geta stundað er viðrekstur.

[Ingólfur Sigurðsson, 28.8.2022 kl. 15:46]

Þorsteinn Briem, þú ert með þrjá langa svarpistla í röð. Sumt af þessu frá eigin brjósti þannig að ekki á gagnrýni sumra rétt á sér að þetta sé bara copy paste hjá þér og ekkert annað. Innanum eru ályktanir og þessu er rétt að reyna að svara. En mikið er um copy paste í þessu að vísu líka. 

Svar við númer 1):

Í fyrsta lagi fjallar þú um rekstur Strætó bs. Þessar staðreyndir, ef réttar eru þær eru í andstöðu við fréttina sem kom í mörgum fjölmiðlum á sama tíma. Það þarfnast útskýringar.

Raunar er það sem þú þarna þylur upp alveg sami söngurinn og heyrist í Degi B. Eggertssyni þegar hann er gagnrýndur og spurður um þetta.

Þessi tölfræði á við um árið 2009 til 2019. Hún segir ekki hvort fækkun hafi orðið eftir það. Hún segir ekki hvort fækkun eða fjölgun hafi orðið árin á undan 2009, frá 1960 eða hvenær sem reksturinn byrjaði. 

Ég man allavega eftir því að þegar ég var krakki og unglingur um 1980 og lengi eftir það að þá voru vagnarnir oft troðfullir á álagstímum, maður við mann, nokkuð sem maður upplifir ekki lengur, enda fer ég að vísu sjaldan í strætó núorðið.

Svar við númer 2):

Þú fjallar um að vonir voru bundnar við að Dagur yrði formaður Samfylkingarinnar og um Kristrúnu Frostadóttir sem verður sennilega næsti formaður.

Þú vitnar í að Dagur vildi ríkisstjórn "frá vinstri yfir á miðjuna", en borgarmálin heilla hann meira en ríkisstjórnin. 

Já það er rétt að meira en þriðjungur býr í Reykjavík, 36%, langt frá því að allir styðji Samfylkinguna og núverandi meirihluta samt þar. 

Af hverju missti Sjálfstæðisflokkurinn tvo borgarfulltrúa í vor? Gæti það ekki verið af því að Hildur Björnsdóttir studdi Borgarlínuna en ekki Eyþór Arnalds, fráfarandi oddviti flokksins?

Samfylkingin hangir enn á sínum fimm borgarfulltrúum, en þetta er ekki þeirra mesta fylgi. Sjálfstæðisflokkurinn er stærsti flokkurinn í borginni, það kemur fram í þínum tölum einnig, með sex borgarfulltrúa. Lélegt fylgi Miðflokksins eru leyndardómur, en vonandi mun hann ná fyrri styrk aftur og vel það.

Svar við númer 3):

Ég hef setið fundi hjá Vinum Kópavogs og veit að það sem kom frá Degi og öðrum um þetta er ekki rétt, "Þá verði í rammaskipulagi borgarlínu meðal annars unnið að aðlögun leiðarkerfis Strætó til skemmri og lengri tíma að borgarlínu. Vinnan verði unnin í víðu samráði við íbúa, hagsmunaaðila, Strætó, SSH, Vegagerðina og aðra aðila sem að málinu koma". 

Vinir Kópavogs fengu 17,5% atkvæða í vor, en þeirra vilji kemur ekki fram í ákvörðunum um Borgarlínuna eða annað. Sem sagt, gerræðið heldur áfram hjá meirihlutanum, sem eltir Dag B. Eggertsson og einræðistilburði hans. Borgarlínunni er troðið uppá landsmenn, þetta er ekki unnið í samráði.

Í fréttum frá 18. september 2018 kemur fram að borgarstjórn samþykkti um það leyti að fela umhverfis og skipulags(ó)ráði að hefja undirbúning að gerð borgarlínu. Þar kemur einnig fram að sveitafélögin samþykktu vorið 2018 breytingar á Svæðisskipulagi höfuðborgarsvæðisins fyrir hágæða almenningssamgöngur - borgarlínuna. Reyndar hefur Sigmundur Davíð Gunnlaugsson rétt fyrir sér í þessum málum að kerfismistök eru gerð eins og í þessu máli.

Borgarlínan er eitt af stóru hneykslismálunum í borgarstjórn Reykjavíkur eins og Vigdís Hauksdóttir hefur fjallað um. Það vantar upplýsingar um það hver ber endanlega ábyrgð á samþykkt Borgarlínunnar, sem er rándýr og ekki vilji borgarbúa eða landsmanna í reynd. 

Var Dagur B. Eggertsson svo öflugur einræðisherra að ábyrgðin hvíli hjá honum einum? Þetta þarf að grafa upp og skýra.

Síðan fjallar þú um flugvallarmálið.

Svæðið er í eigu Reykjavíkurborgar.

Samkvæmt nýjustu vendingum og hættu á eldgosum eru menn frekar að hallast að því að hafa flugvöllinn áfram í Vatnsmýrinni.

Þú endar með að segja að Sjálfstæðisflokkurinn sé dauður flokkur. 

Þú vitnar í nýlega skoðanakönnun sem sýnir vinstrisveiflu. En skoðanakannanir sveiflast reglulega til og frá. 

Það er að vísu rétt hjá þér að samvinna Samfylkingarinnar og Pírata er áhyggjuefni fyrir sjálfstæðismenn í framtíðinni.

[Ingólfur Sigurðsson, 28.8.2022 kl. 15:49]

Takk fyrir athugasemdina Ásgrímur. Borgarlínan er enn umdeild. Hún er til vitnis um kerfismistök, sem Sigmundur Davíð hefur bent á, völd embættismanna og litla skynsemi þeirra, völdin ekki hjá kjörnum fulltrúum. Röng ákvörðun eins og að samþykkja Borgarlínuna gerir hana ekki sjálfkrafa réttmæta ákvörðun.

[Theódór Norðkvist, 28.8.2022 kl. 20:52]

Borgar(sig ekki)línan á myndrænu formi.