Friðarstefnan byrjar innra með fólki

Emanuel Swedenborg skrifaði um það í sínum ritum að ástæðan fyrir því að fólk færi í helvítin væri eigingirni en ástæðan fyrir því að fólk færi í himnaríkin væri óeigingirni, fórnfýsi, náungakærleikur og slíkt.

Þegar maður er á móti femínisma og þjóðfélagsbreytingum sem fara gegn feðraveldinu og hefðum sem hafa tíðkast lengur en kristin trú eða Abrahamstrúarbrögðin, þá þarf maður ekki að taka þá afstöðu vegna óvildar til kvenna eins og öfgafemínistar halda fram. Maður getur verið þessarar skoðunar vegna þroskaðrar afstöðu til sögunnar og reynslu af henni.

Sú kvennamenning var mjög falleg og góð sem tíðkaðist í gegnum aldirnar, að konurnar sæju um heimilið og börnin, og hún virkaði firnavel. Þetta er allt reynt að rífa niður með femínisma, og því kalla ég femínisma hryðjuverk. Þegar svonefnd mannréttindi eyðileggja meira en þau skapa er rétt að tala um hryðjuverkastefnu, frekar en mannúð eða mannréttindi eða eitthvað slíkt.

Sú kvennamenning sem gerir ráð fyrir heimavinnandi húsmæðrum en útivinnandi eiginmönnum býr sjálfkrafa til góðar dyggðir hjá öllum, því þær rannsóknir sem benda til þess að munur sé á kynjunum er marktækur og staðreynd, að geðslag kvenna almennt hæfir betur heimilisstörfum en baráttu margskonar sem tengist karlastörfum utan heimilisins.

Ýmislegt í kristinni trú sem var gott og uppbyggilegt er búið að rífa útúr kirkjunni og kristilegum samfélögum ýmiskonar, eins og auðmýkt og undirgefni, og nú eiga allir að vera sigurvegarar, og eigingirnin á að vera í fyrirrúmi. Þetta er Satan í hnotskurn, var fólki kennt fyrr á öldum, og þannig er boðskapur rita Emanuels Swedenborgs, sem var sannkristinn maður og boðaði kristna trú.

Ef fyrri kynslóðir fóru til helvítanna þá ættu eigingjarnar kynslóðir nútímans enn frekar að fara til helvítis, samkvæmt þessari speki aldanna, sem tilheyrir eiginlega öllum æðri trúarbrögðum mannkynsins.

Ég set núverandi stríðsrekstur Úkraínu og Rússlands í þetta samhengi. Einnig mengun umhverfisins. Gamlar dyggðir láta undan síga og óþroskuð eigingirni og sjálfhverfa, barnaskapur og skammsýni koma í staðinn.

Ég áttaði mig á því fyrir löngu að vilji maður ná vinsældum eða verða frægur verður maður að reyna að innræta sjálfum sér þær skoðanir sem eru vinsælastar. Þegar ég gaf út diska mína um jafnréttið frá 2001 til 2003, "Jafnréttið er eina svarið", "Við viljum jafnrétti" og "Jafnréttið er framtíðin", þá stytti ég og einfaldaði flesta textana, og tók í burtu það sem ekki var hreintrúarstefna pólitísk í blúsunum og sumum öðrum lögum, en ekki í öllum lögum, því mér fannst nauðsynlegt að lýsa þessu frá ýmsum hliðum.

Ég hef gert mörg mistök í lífinu. Ein eru að fá áhuga á pólitík og setja í textana mína, fyrst það eru ekki vinstriskoðanirnar sem gerðu Bubba Morthens frægan og fleiri poppara.

Að hafa umburðarlyndi fyrir skoðunum annarra er grundvöllur friðarstefnunnar. Gamlar hefðir eru gríðarlega dýrmætar og þeim má ekki tapa.

Jón Gunnarsson núverandi dómsmálaráðherra leggur til stórauknar eftirlitsheimildir lögreglunnar samkvæmt nýlegri frétt í DV. Nú vaknar spurningin, ef þessar breytingar verða að veruleika, verða þær þá vopn í höndum femínista, til að breyta samfélaginu enn meira, eða í höndum íhaldsafla, kannski til góðra verka?

Önnur nýleg frétt í DV fjallar um Lenyu Rún Taha Karim varaþingmann Pírata og hennar fyrstu þingsályktunartillögu á Alþingi. Hennar tillaga, sem hún setur í hendurnar á Jóni Gunnarssyni dómsmálaráðherra virðist ganga útá það að setja fyrir þann leka að karlmenn geti leitað réttar síns gegn hömlunum að hitta sín börn í forræðisdeilum, og að hindra að þeir geti leitað réttar síns ef þeir lenda í femínistagenginu í Metoomálum. Hennar þingsályktunartillaga virðist því ganga útá algert vald kvenna.

Mörgum finnst nóg um hvað völd kvenna og femínista eru orðin mikil í samfélaginu. Hinn raunverulegi fasismi nútímans er ekki kynþáttafasismi 20. aldarinnar eða karlremba allra aldanna þar á unda, heldur jafnaðarfasismi vinstriflokkanna, sem Dagur B. Eggertsson er holdgervingur fyrir, meðal annarra.

Sjálfhverfar konur sem miða allt út frá hagsmunum síns kyns eru allt annað fyrirbæri en konur fyrri alda, sem voru hluti af blómstrandi kerfi sem gekk upp.

 

Það má lýsa áhyggjum af auknum femínismaöfgum frekar en öðru.

Athugasemdir

[Magnús Sigurðsson, 11.3.2022 kl. 16:03]

Takk fyrir góðan pistil Ingólfur, -já feminisminn getur oft á tíðum verið hrein kvenfyrirlitning. Það þarf ekki meira en hugsa til orðatiltækisins "bara húsmóðir".

Þar er álíka fyrirlitning í gangi og að ég myndi fara að lítilsvirða mitt lífsstarf og gjörningalist með því að kalla mig "bara steypukall" vegna launaseðilsins.

Og ég er sammála þér með það að feminsiminn er menntasnobb dúkkulísa jafnaðarfasismans. Sem trekkir upp hvæsandi miðaldra mellur á mylluspaða metoo myllunnar, útbrunnar í von um athygli og aura.

Einhverntíma verður þeim skilað skömminni.

[Guðjón E. Hreinberg, 12.3.2022 kl. 01:04]

Mæli með í þessu samhengi að leita að fyrirlestri lady Michelle Renouf, the fraud of feminism.