Útskúfunarómenningin fyrr og síðar

21.1.2022 | 11:51

Varast ber að taka breytt gildi alvarlega sem reynt er að neyða uppá fólk á okkar tímum í gegnum öfgabull vinstrimanna, femínista sérstaklega. Fasisma er hægt að fela í mannréttindabúningi og réttlætishjali en fólk má ekki missa dómgreind sína og rökhugsun, eða láta stjórnast af lýðskrumi.

Vissulega er margt gott hjá vinstrimönnum, en þeir eru ginkeyptari fyrir öfgasósíalisma þeim sem hér um ræðir. Þeir hafa gleypt femínismann hráann, sem ekki er í samræmi við boðskap Biblíunnar, til dæmis, um að mannlegur vilji eigi að vera í forgrunni, ekki vilji Guðs.

Biblían segir frá gildum um hvað er rétt og rangt. Vestræn menning byggist að miklu leyti á því grundvallaratriði að sakleysi gildi unz sekt hefur verið sönnuð. Á okkar undarlegu tímum bregður fyrir þeirri nýlundu við sumir öfgafemínistar koma fram sem eru ósammála þessu, og að útskúfunarmenning eigi rétt á sér, sem fyrir alla siðaða menn þótti fyrir 20 árum ómögulegt að sætta sig við.

Útskúfun er ekki nýtt fyrirbæri heldur ævafornt. Það er mjög frumstæð og grimmileg hegðun, sem rekja má aftur til frummannanna, hvenær svo sem þeir komu fyrst fram, sem enginn veit með vissu, fyrir hundruðum þúsunda eða milljónum ára.

Þegar ég lærði félagsfræði í menntaskóla skömmu fyrir 2000 var hugtakið fræðilegt eingöngu, og kennarinn sagði þetta skammarlegt fyrirbæri ófróðra manna í samfélagi sem lyti dýrslegum og villtum hvötum en væri ekki siðað miðað við vestræna menningu.

Þá var þetta kallað "félagsleg útskúfun", í félagsfræðitímunum og við lærðum um hvernig frumstæð samfélög þóttust ekki sjá konur og karla, hentu þeim í strákofa, létu hafa vondan mat og töluðu lítið eða ekki við viðkomandi. Það var vegna þess að þessir útskúfuðu vesalingar höfðu ekki hlýtt reglum hins frumstæða samfélags eins og til var ætlazt.

Sérstaklega var það tekið fram að þessir útskúfuðu einstaklingar dóu oft langt fyrir aldur fram. Sumir hættu að borða, eða sofa, eða fengu hjartaáfall eða dóu af öðrum ástæðum sem tengdust taugakerfinu, til dæmis.

Samstilling er hugtak sem dr. Helgi Pjeturss fann upp og lýsir það líforkunni og hvernig félagsleg samskipti efla líforkuna. Án samstillingarinnar minnkar líforkan og hverfur.

Munurinn á okkar samfélagi og þessum frumstæðu samfélögum er að fleiri menningarkimar eru til í okkar samfélagi sem verja hina útskúfuðu einstaklinga. Engu að síður er það mjög ljótt og ósiðlegt að útskúfa fólki, og ekki í anda kristninnar, og ekki heldur í anda Ásatrúarinnar.

Gott og skýrt er dæmið úr erindi 50 úr Hávamálum:

"Hrörnar þöll,

sú es stendur þorpi á,

hlýr-at henni börkur né barr;

svá es maður,

sá es manngi ann.

Hvat má hann lengi lifa?"

Margt í Hávamálum kennir að standa fast á sínu án þess að verða lydda og skapluðra og láta kúga sig, að halda vináttu í gegnum erfiðleika. Svo er þar margt annað merkilegt einnig.

Flokkur: Bloggar | Facebook

Athugasemdir

Þetta má ræða frá fleiri sjónarhornum. Útlegð er ekki hið sama og útskúfun og sú félagsfræði sem okkur hefur verið kennd síðustu öld er öll á grundvelli Dialectical Materialism þar sem ræður Ein Þjóð, Eitt Þjóðfélag, Einn Sósíalískur Marxismi.

Útskúfun í slíkum veruleika er vissulega helvíti á jörð. Útlegð er hins vegar allt annað fyrirbæri og þegar menn "vors siðar" fyrir kristnitöku beittu útlegðardómum, svo og þegar margar "fyrstu þjóðir" Norður Ameríku beittu sambærilegum dómum, svo og þegar samfélög Hebrea, síðar Gyðinga og síðar Kristinna beittu þessu undir öðru nafni, var ávallt um að ræða eftirfarandi hugsun: Þú ert nú utan lagaramma og samfélags þessa svæðis s.s. hérðaðs, borgar, hverfis, og nýtur því ekki lögverndar innan þess, en að útlegð lokinni - hafir þú sýnt iðrunar-endurbót, getur þú snúið aftur.

Útlegð (sem er endurvakin í Endurreistu Þjóðveldi) er þannig hugsuð sem áminning en ekki útskúfun. Ef við tökum t.d. snúning á samfélagsmiðlum, þá finnst mér ekkert að því Twitter og Facebook sendi mann í útlegð af vefjum sínum, en ef ríki eða útsendarar ríkis útskúfa manni frá samfélags og/eða þjóðfélagsumræðum það er annað mál.

Varðandi útlegðir samfélagsmiðla, þá eru þeir ágætis mælikvarði á óheilindi sósíalismans, því þeir neita að horfast í augu við að kaþólska (catholic->universal) sósíalismans er sú sama og kaþólska Kaþólskra miðalda þegar útlegð hafði breyst í útskúfun.

Sjá má hvernig þessi pæling á lagastoðir s.s. varðandi virðingu lagavætta(r) fyrir Gettóinu, eitt ríki tvö kerfi (eða fleiri) sem lagavættir hafa ávallt virt í sögunni en Sósíalisma glæónar hafa neitað uppalningum sínum um þekkingu á.

Eitt ríki, ein sprauta, það er helvíti á jörð. Að kjósa útskúfun úr slíkum sósíalisma verður að vera gilt atkvæði.

Guðjón E. Hreinberg, 21.1.2022 kl. 12:22

Þetta er vel ályktað Guðjón. Á þessum grundvelli má alveg taka undir það að útlagasamfélag skipulagt innan þessa kúgunarþjóðfélags sem við tilheyrum sé verndargettó, sé hægt að halda uppi svipuðum lífskjörum innan gettósins.

Já, það borgar sig að ræða málin og komast að niðurstöðu. Auk þess þarf aðra samfélagsmiðla í staðinn fyrir Fésbók, Twitter, osfv.

Það má svo sem finna ýmsar lausnir á þessu, en þú hefur vakið máls á mikilvægu máli.

Takk fyrir áhugavert svar.

Ingólfur Sigurðsson, 21.1.2022 kl. 15:22

Góður pistill Ingólfur og góð Hávamál.

Þetta eru áhugaverðar samræður hjá ykkur félagar. Varðandi þjóðveldis útlegðina þá var hún þannig að sá sem hlaut þann dóm varð að fara úr landi, tilheyra öðru samfélagi um ákveðin tíma, ef hann kaus að vera innanlands átti hann ekkert "öryggisgettó".

Sóttvarnafasismi glóbalsins gerir ekki ráð fyrir þeim möguleika að hægt sé að forðast fasismann með því að fara annað.

Eftir hrun flutti ég t.d. til Noregs, mér datt ekki í hug að undirgangast 110% lausnir íslenska ríkisins og fjármálastofnanna.

Það tók mig 3 ár (fjörbaugsgarð) að greiða upp þær skuldir sem hyskið hér hafði stökkbreytt, (mörgum sinnum styttri tíma en að ganga til samninga við hyskið, enda væri ég þá rammflæktur í skuldunum ennþá) eftir það var ég frjáls af því að koma aftur á mínum forsemdum.

þetta sýnist mér ekki vera mögulegt í dag með tilliti til sóttvarnafasismans.

Magnús Sigurðsson, 21.1.2022 kl. 16:03